لـ كُلِ حرفٍ [مُلهـمة]

[عبد العزيز الجرّاح]

في الـ Reception



المها اللي بـ Reception .. قدرها ماهو هنيّا
. . . . . . . . والله أنه لو بديني .. كان اعينها مديره

[عبد العزيز الجرّاح]

مشاكسة :)


كنت والله مَ. اشتهيـك
. . . . .أحتري الزلّة عليـك
ليـن غبتـي ليلتيـن
. . . .وقلت (فكّه) ما ابيـك

[عبد العزيز الجرّاح]

من غيابك..!!



تدرين من غبتي وأنا ضايـق البـال
. . . . . . .من بعد غبتي غابت أسباب سعـدي
ليلي بدونك / حزن / ضيقه / وغربال
. . . . . . ونارٍ بوسط الجوف من زود وجـدي

[عبد العزيز الجرّاح]

غبتي و جيتي..!



( غبتي ) وقلبي كل نبضه يحبـك
. . . . . . .( جيتي ) وحبك وسط قلبي نبضته

[عبد العزيز الجرّاح]

كذابـه .. ):


الجادل اللي ما بها حس وشعور..!!
. . . . . . .ما عاد أصدق من مواعيدها شـي

[عبد العزيز الجرّاح]

ليلة موعد ..


هانت يا قلبي ترى مابقى شي
. . . . . . والعاشق اللي ذاب يروي اشتياقه
بروي عروقٍ يابساتٍ وانا حي
. . . . . . حي ٍ ولـكن بعد الاحبـاب فاقه

[عبد العزيز الجرّاح]

أهواك ..


( أهواك ) أيه أهواك .. يا كيف ماهواك
. . . . . . . . .أغليك أيه أغليك .. يا كيف ماغليك..!!
أنساك ( كيف أنساك )..!! لا مقدر أنساك
. . . . . . . . أطريك أيه أطريك .. يا كيف ماطريك..!!

[عبد العزيز الجرّاح]

هم الغياب...


لا غبت عني ضاق صدري وبالي
. . . . . . . . والهم كله في خفوقي تجمّـع

[عبد العزيز الجرّاح]

تعالي ..


تعالي بيني و بيني
. . . . . تعالي يا نظر عيـني
تعالي كل ما فيني
. . . . .يقول: (اخذيني ما بيني)

[عبد العزيز الجرّاح]

حبيـبتي ..



يا كـثر حـبي لك
ويا كثر شوقي لك
ويا كثر...
أنا ولهاااان ..
وأنتِ بعيـده..!
داخل أعماقي وحيده

.
.

كل ليلـه ..
احتريـك ..
تسهر عيوني
تبيــك ..
ودي ياعمري
أرتويـك ..

.
.

بس .. لا يهمك
يا حبيبه..!
بانتظارك...
بانتظاارك...
بانتظاااارك...

[عبد العزيز الجرّاح]

نجم ..


جيت ابوجد لي مكان يليق بسمي
. . . . .لين أشوفه بالسحاب هناك يوضي
لين تشهد كل عيون الناس نجمي
. . . . .عن سما الإبداع ماتنزل حظوظي

[عبد العزيز الجرّاح]

جنون العشق . .



كلي عشقتك .. وأنتِ كلك عشقني
. . . . . . . .كلي ابيك .. وكلك انتِ تبيني
والخافق اللي بـ الغياب احترقني
. . . . . . . . موت احترقته لين صار بيديني

[عبد العزيز الجرّاح]

درس .. :)



كل ما قالت : أبي وصل وتلاقي
. . . . . غبت عنها .. وزادها الشوق احتراقي
لين تعرف .. لوعة البعد وعذابه
. . . . . ثم اعلمـها .. وش يعـني عنـاقي

[عبد العزيز الجرّاح]

انتظار..!



وده بقربي .. وأنا ودي .. بقربه
. . . . . .يبيني أبدا .. وأنا ابيه يبدى

والصمت طال ولابنا اللي جهر به
. . . . . .لين إن حاله مثل حالي تردى

[عبد العزيز الجرّاح]

ليه جيـتي..!؟


غبتي عني وما سألتك ..
ليه غبتي .؟

ليه جيتي.؟
وش بقالك في حياتي...
وأنتِ صرتي ذكرياتي..
ما نسيتي.؟


أرجعي من وين جيتي ..
دام بـ فراقي رضيتي ..
ولـ أبغى أعرف ليه جيتي.؟

أرجعي لله غيبي..
ماعاد باقي حب..!
ماعاد باقي درب..!
يا بنت يجمعنا ..

[عبد العزيز الجرّاح]

أفكر بك ..



أنا سهران افكر بك .. واكلم نفسي عن حبك
. . . . . وإلى من نامت عيوني .. بـ احلى طيف زرتيني
ترى كل اللي تمنيته .. اعيش العمر في قربك
. . . . . واسولف عن غرامي بك .. واقول انك اسرتيني

[عبد العزيز الجرّاح]

عناقيد الجروح ..

محلا بيوت الشعر .. رغم التناكيد
. . . . . . تروي ضما نفسي .. وتطرب وتسعد
يومٍ جروحي في خفوقي عناقيد
. . . . . . ما شلت هم الجرح . . ينزل ويصعد
واللي شرى خله عن الدرب مايحيد
. . . . . . حتى لو أنه بـ آخر الصين وَ أبـعد

[عبد العزيز الجرّاح]

كفاية هم ..



صعبه علينا تلتقي العين بالعين
. . . . . .أخاف يبدا الحب ومعه أغلقتنا
ماني بـ ناقص يصبح الهم همين
. . . . . .يوم الليالي بـ الهموم أغرقتنا

[عبد العزيز الجرّاح]

البدايه ..



هنا أبتـدت ولا هنـاك البدايـة
. . . . . .ماظن تفرق لا نويتـي جنونـي
للجرح يصبح في خفوقي نهايـة
. . . . . .وللحب تسهر مع عيونك عيوني

[عبد العزيز الجرّاح]

حزيـن ..


حزين ..
وحالتي تصعب..!!
على الداني ..
على الجاني..
على حتى العذول اللي :
تسبب في بعـد خلي.!!

حزين وآآهـ يا حزني ..
متى هالوقت ينصفني..!؟

حزين وضاقت أنفاسي ..
و..لا به قلـبٍ يواسي..!!

متى يا زمان تروف ..
بـ قلبٍ للهنا ملهووف ..

حزين ..!!
وحالتي تصعب..!!
على الداني ..
على الجاني..
على حتى العذول اللي :
تسبب في بعـد خلي.!!

[عبد العزيز الجرّاح]

الحـظ ..


مرداه حظٍ شافها ولا كسبها
. . . . .ومقواه حظٍ ضمها فـ ليل قمرا
عذب القصايد نبض قلبي كتبها
. . . . .الله لا صـارت بحضـني وتقرا

[عبد العزيز الجرّاح]

أنتِ..


كنت داله في حياتي ولا علّـي
. . . . . . .لين جيتي وأنقلب وضعي وحالي

[عبد العزيز الجرّاح]

وطن غربة ..



أنا ذاك الخفوق اللي ما شعرتِ نبضه
. . . . . . وأنا ذاك البعـيد اللي ما سعيتي قربه
وأنا ذاك الغرام اللي لو عرفتي بعضه
. . . . . . ما كان صار العمر بعيونه وطن غربه

[عبد العزيز الجرّاح]

فديتك ..


هاتي أحزانـك وعمري لـك فـدى
. . . . . لأجل عينك لـ اقهر الوقت وجروحه
الوفـا مـوجـود لـه قـدر و مدى
. . . . . . وأنتِ قدرك شيّد وثبّت صروحـه
وأنـتِ لـك فكـرٍ إلى مـنه بدى
. . . . . . مثل نجمٍ لا بدى يشرح وضوحـه
شـاعرة عـذبه قوافـيـها نـدى
. . . . . . لين صارت للشعر نبضه وروحـه

[عبد العزيز الجرّاح]

جنة و نار



يـ أنك تجيني عاشقة
. . . . ولا تناديـني حبيـب
دامك لعمري سارقه
. . . . . ما ودي أبقى غريب

[عبد العزيز الجرّاح]

أحبك ..


أحبك .. كثر ما ينبض .. خفوقٍ صار مجنونك
. . . . . . . . أحبك .. كثر ما تسـهر .. عيونٍ تحلم بشوفك
أحبك .. كثر ما قلتي : حبيبي وقلت : يا عونك
. . . . . . . . أحبك .. كثر ما ودك.. أجيك وأحضن كفوفك
أحبك .. كثر ما ودي .. أوقف للحزن دونك
. . . . . . . . أحبك .. كثر ما ودك .. أجيك وأنزعه خوفك

[عبد العزيز الجرّاح]

ثرثره / بعثره ..


اسكت ..
يا صباح الثرثره ..
الحزن يسكن ضلوعي
وَ أوراق عمري
م
ب
ع
ث
ر
هـ ..!!