إرهاب وشريعة غاب ( عامِّيات )

[خالد الغاشم]

.

.

.

عندما أكتُبُكِ ..
فجنوني بِك ..لا تحكمهُ حدود .. اللغه ..
ولا تمنعهُ المسافات .... والفواصل ..!





!

[خالد الغاشم]

.

.

.

سحابة غيثي إحروفي ..
تكحم الكون .. بليّا حد ..
عكس الريح ..
نداها يصافح ورود الخد ..
عكس الشمس ..
تشرق حيث كل الكون ..
عقد عزم الرحيل اغراب ..
بليّا اسباب ..
تغنّيلك ... وتتغنّا .. ونتشد للفرح بسمه ..
وتصخيلك ..
خيول الفكر .. جموح حروفها .. نشوه ..
وتنشر في تفاصيلك ..
على طول المدى .. عُنصر ..
بمعنى الحُب ..رعّشة قلب ..
وزلزال الوله .......... إرهاااب ..
بليا اسباااب ...
أحبك موووت ...
لو ترضى ... ولو تزعل ... ولو حتى تجافيني ..
أعيشك حلم .. وانسف ما بقى منّك / منّي ... شريعة غااب ..!
تعال نذوب ..
في همسة حنان .. بزيّها الرسّمي ..
تعال نعيش واقعها ..
صعاليك الحروف .. واطعمك من قِسمي ..!
لا ترتااب ..
ترى الإرهاب في عرفي ..
يعانق ودّك الزّاهي ..
ويرقى بك .. ويطرق للسما ابواب ...!

.

[خالد الغاشم]

للبحر موج يتتابع ..
كل موجه ..تقترب ..
تحمل سؤال ..
الأوله .. مكتوب ..
من عسف قلبك وعقلك ..؟
قلت هي ..!
الثانيه .. جتني تبختر ..
بكل فتنه ناشدتني .. وهمست لي ..
عسى ماشرّ .. وش الطاري .. اشوفك ساهرٍ .. ساري ..
تبي تسأل وش اخباري ..؟؟
جاوبني انت اول .. وقبل تسأل ..
قلت : هي ..!
وجتني موجةٍ عذرا .. تذرّ الملح فوق الجرح ..
تقول : اقرا
قلت : اقرا ..؟؟
قالت : إيه
اقرا وش بقى فيني ..
تبي الفنجال .... وإلا الكف ..!؟
قلت : أسف .. ذقت الملح يكفيني ..
سرابي في شراييني .. يرفع ضغط ... يخفّظ ضغط ...
ومرّه يستوي للخط .. يبي يهرب .. وما يقدر ..
اقول اصبر .. ترى بكيفي .. مثل ما جيتي بكيفك ..
وصارت هي ...!

[خالد الغاشم]

ثورة البركان في نفسي
لها تسعين لون ..
كل لونٍ له وطن
كل لونٍ له ملا
له حواشي ..
له شعوب
إنس .. وايضا ... من عفاريت... وجنون ..!
وكلٍ على دينه يمون ..
المجوسي ساجد لضو الجمر
واحلا ما فيه المكر ...
وعابد الأوثان ..
في سما الحرف احتضر ..
والسبب .. همسة نظر ..
واما بوذا وما حوى ..
ماشي على درب الغوى ..
آخذ إلاهه هواه .. يوم صايم .. يوم نايم .. يوم بأعلى مستوى ..
بالعقيده جيتهم .. دعيتهم .. ما منهم اجاب ..
بكلمة عتاب ...
قلت : مالي ودينكم ..
لكم دين ... وليّ دين
واسأل الله إن يعين .....!

[خالد الغاشم]

غريبه ..!!
تنتظر رجعة غريب
أمنيه ..!!
يمكن تصيب يمكن تخيب
يمكن على ضو القمر
ترسم ملامح وجنته
ترسم على خد السحاب
صوره ولا كل الصور
بيتٍ قديم
وجدار طين
وفرشة حصير
عيشه بدائيه ...جميله
أيام مرت من عمر
في وصفها لمحة بصر
كلّها مرّت بلحظة إنتظاار
ياهل ترى يمكن يعود..؟
ياهل ترى يذكر وعوده والعهود..؟؟
هو قالها قبل السفر ..!!
يامنيت الروح ....يا شذىعطر المطر .
إنطريني ..إلي ازهرت كل الورود
وغرّد النيروز ..في فصل الربيع
وعدّا ربيع ...وثاني ربيع
ويا خوفتي الفرحه تضيع
وانا أنتظر ...........وانا أنتظر....!!!

[خالد الغاشم]

من بادي الوقت أطارد ذاهب أحلامي=وارسم صورها بصافي الدمع وأمحيها

أشكي هموم(ن)تغلغل جوف العظامي=للبادي اللي خلق نفسي وباريها

أمشي مع الناس دايم شامخ(ن)زامي=واكسّر العبرات في نفسي واداريها

من شافني قال:هني العزلك دامي=والبسمة اللي محيّاك إشتهر فيها
ما يدري إني حقيقة هم متسامي=ونار جاشي مبينةٍ مواريها
أجامل الناس وأساير غبة أوهامي=وأسلى كما طفل(ن)مع الدميه يناغيها

[خالد الغاشم]

كل النجوم سهرت...
كل النجوم اللي سقطت ...
وكل النجوم اللي بسماك تلألأت...
تشهد على شوقي وحنيني والألم...
بريقها يحمل سؤال..... !
ليه المنى صعب المنال ....؟
وبلحظةٍ من غفلتك ....
سمعت أنين لهمستك...
تلعثمت ....وصمتت...
وأخفت معالم حيرتي
عن ناظرك ....؟
قالت عجب ...والله عجب ...!
جيت أرتجي العون من همس النسايم والعبير...
لقيتها تبكي وتخفي ...دمعتين ...
دمعة الم ...لجروح غايره
وسط الحشى سره دفين ...؟
ودمعه على الوجنه تسييييل ..
يصعب عليه وصفها في كل حين ....
عادت علي نجوم ليلي ...
وضوها ناقص شعاع....
وزادت على حزني أسى...
وقلت ذا حظي ومال ....
آآآآآآآآآه .....
من حلمي أنا ...
اللي غدا كله سراب...
أتجمل وأبتسم وأضحك أنا...
وأتجرع علقم ومر العذاب.....
ليه يادنيا العنى ...ليه يادنيا السراب ...
كل ما قلت هانت ...أدبرت مثل السحاااب

[خالد الغاشم]

أبكي على وقتٍ مضى
لي به مساحات وتزيد
فيه الأمل شمعة رِضا
كالدم يسري بالوريد
واليوم ضاق بنا الفضا
حتى الأمل أصبح عنيد
إن صحى لحظه غفى
والا انتحى عني بعيد
لا برد حتى لا دفى
لا صيف يظمينا ويحيد
هذا اكتفى .. وهذا جفا
وهذاك أبرد من جليد
واللي تمسك بالوفا
منبوذ في عالم وحيد
الله على وقتٍ مضى
فيه الأمل شمعه تقيد

[خالد الغاشم]

.

.

.

في أول أيّاميمي بكيت

وفي آخر أحلامي بكيت

قست المسافه بينهم

كانت أطول مامشيت

خطوات من عمر الألم

فيها توارى كل حلم

وخطّت معاني من عدم

فيها الحبر دمعة ندم

منها القلم يفرز حِمم

والحال يبراها السقم

وأنا على الموعد لفيت

شفت الشجر لونه تغير

وذبلت كل الورود

مدري أسى .. وإلا جحود

[خالد الغاشم]

.


.


.


يا رسول الحُب
بلغ لي سلام
واشفعه بأرقى
تباريح الغرام
صافح المجمول
وقبل وجنته
قلّه اني من غيابه
في هيااام

ضعت انا وحرفي
وضيعنا الطريق
في متاهات الوله
قالوا عليق

لا اني باللي عاشق
ولاني عشيق
ولاني بالمجنون
ولا العقل استقام

بلغه من بعد آهك ما غفيت
عن لذيذ النوم قفيت وجغيت
مدري بلان الله أوإنك لي بليت
والوكاد النور بعيوني ظلام

يا رسول الحب
عجّل بالمسير
قبل انا والعقل
من كلّي يطير
دقة اجراس الخطر
جانا نذير
الهوى ما بالهوى هدنه وسلام

[خالد الغاشم]

.

.

.

يسود الصمت في ليله
ويحلى الهمس في ليله
وفي ليله تكون الآه
حصان السبق
ما يعلى عليها صوت
أو حيله ...‍‍!!

وش الحيله
الي جت بالسما غيمه
تحبس الضو عن عيني
وانا أُوميله ..
تأشر لي بمنديله
وتضوي قناديله
والي جت فرحتي تكمل
مطرها جف
ولا يروي ظمى سيله ...؟؟

أطبب نزفي واجراحي
وادور عن سبب راحي
سبب همي وأتراحي
واقول الوقت ..
كفيلٍ يعدل الميله
وش الحيله ..؟

دام الوقت عاندني
وحظي دوم يتعبني
ظلام الليل يرعبني
واشيل الصوووت
بفنٍ من مواويله

وش الحيله ..؟

[خالد الغاشم]

.


.


.


يا اجمل لحظه في عمري
يا قسوه عشتها بصبري
يا جرح استنزف احلامي
وعشتك حبي العذري
يا نار الشوق وياشوق
الوله واسمى تباريحه

عزفتك حرف وغنيتك
بصدق إحساس وادمنتك
يا أجمل حلم في عمري
عيّشني الهوى عُذري
وعشته صدق في كذبه
بمرّ وحلو تجريحه ..!

يا كذبه صغتها بدمعي
وملكتك جزيل أمري
وأمّنتك مفاتيحي ..
وسلمتك تفاريحي
وغنيتك قصيدة حب
على طول الزمن تبقى
وهي كذبه ..!

بها يتسامر العشّاق
يبوح لبعضهم أشواق
يغنوها .. أهازيج وفرح
في يوم فرحتهم ..!!

يشوفوها مثل سامي
واشوفك جملة اوهامي
لها وقفت أحلامي
وبها عشت الهنا كِذبه ..!

صباح الحُب ..
بحجم كذبِك والا عيبك
بحجم هجرك وتعذيبك
بحجم آلام تغمرني
واقول انساااك
واهذي بك

تعال بصدقك العاري
أقولك آخر أخباري
وخط السير ..
ومعاه ..
إشعار بإقراري
مصدق من شهود النزف
ومن هيئة وصيفاتِك
لأنك في نظرهم تربعتي
على عرش الفؤاد
وصرت بك مسحور

تعاليلي بكل غرور
واجيك بقلبي المنحوور
وبكل سرور .. أقولك ..
بس ..
يكفي من الألم ماجا
ويكفي الظلم وامواجه
ترى فلمِك نجح .. وأحسنتِ إخراجه
بدايه من ألا عيبك
وشقاوه عشتها بطيبِك
ألين الظن وشكوكِك
ودموعٍ رسمتيها على سطح الورق
وسيل آهاتِك ...
براعه صعب يتقنها أبد فنان ..!

[خالد الغاشم]

في غيابك
ينشغل فكري عليك
والوله
يا خذني إليك
وفي
حضورك
أبتعد مِنك إليك
بإمتزاجات الشعور
روح وحده
ذابت رسوم الفوارق
وامتطينا الريح
خيله من ورق
واللجام حروف .... والمعنى غرق
يا ترى ..
من هو من الثاني سرق
فرحته والإبتسامه ..؟
من تحمل في ظلام الليل
سهده ... والملامه .؟
من زرع للثاني ورده ..؟
ومن قطفها بكثر صدّه ..؟
أسئله ... وحسّره كبيره
تنتظر نفحة عبير
والحصيله ..
شوق ..
كل ماله يزيد
وفي غيابك
أشعل الدنيا ........... حريق ..!

[خالد الغاشم]

أنزف إحساسي نهر

وأنقش حروفي بصخر

وأنتظر ليلي شهر

ومن القهر ..

أرتجي لحظة قدر

فيها أفنا

فيها أموت

فيها أحيا

من سكوت

فيها أعد أنفاس غيري

فيها أعيد الروح

وأرضي ضميري

وأتجرع بالألم حزني

وأرسمك طيف إبتسامة

طفل ..

تحييني

أنا ابيها .. وهي تبيني

والأجر فيها من الله

ما ابي منك جزا

ما ابي إلا الوفاء

وإن حصل في يوم

إنتهى عمري .. وطوتني سنيني

إذكريني بالدعاء لا تبخلين ..!!

والله إني ناصح وإني لك أمين

إبعديني ... قربيني

إحضنيني .. إجرحين

كفنيني في كفوف الموت

وحتى وادفنين

إروي بغرورك ظماك ... واروي بحساسك هواك

لا تقولين في يوم ... إني مقصر معااك

وكل مافي الأمر كلمه

إيه أحبك .... إيه أحبك ... إيه أحبك

إن رضيتي ... أو زعلتي ... أو شكيتي

مالك إلا الموت بعدي

ومالي إن عشت عندك ... إلا حنين ..!!

[خالد الغاشم]

يابسمة الفجر الخجول ...
ودّي أقول :
جيتي وأنا كـلّي ذهول ...
جيتي نسايم من هنا ..
جيتي عبير يفوح من كل الفصول

... يا أنـــا ...
إلي متى .....نفسي غريبه ..؟
إلي متى ..... وأنتي قريبه ..؟
ليمت أوهاام المسافه ... ترسم حدودٍ الوجود ..؟


مدري متى تمطر عطا ... مزنة الحُب الشرود ..؟
ليلى سرى .. عمري قضى ....
ماخِلت بارقها .... ولا صوت الرعود ...

تدرين وأدري يا .. أنــــا ...
القلب ذاب من العنا ....
نفسي أنا بساعة هنااا...
ألقى بها كل المُنى ..
ونعيد ما ضينا العفيف ..

ونرسم على خد السما ... لوحه غريبه..
لونها ... أحمر شفايف ..
وهمسها ... همس الولا يف ....
نرقى مراقيب السعاده ...
وكلّنا يا خذ نصيبه ...

إسمعيني يا الحبيبه ..!!

الشتا عندي ..... تحول ..
لاهو صيف ... ولا ربيع ... ولا خريف ..
فصل خاامس ..شــذّ عن كل الفصول ..!

صدقيني ...
يابسمة الفجر الخجول ...

يالبسمة اللي طيفها كنه خيال
أشعلت بعنادها ...!
شوقي وحنيني للواصال
ترسل رسايل همسها ..إقرب تعال ..

يا شوق شوقي والمُنى....
عندي أنا ...كل الوفا ..
عندك علاجي ..والدواء..

وأنا ارتعد خجلان من نفسي ...وأقول ....
يابسمة الفجر الجول ....!!
بردااااااان ....!!
ياحضن الدفا ...

[خالد الغاشم]

سااافري ..
يا نسمة الصبح العليه
وخُذي إحساسي ديلك
عن ضياع ..
لا تحسبين المسافه
حتى وإنطالت
قصيره
دافي انفاسي تصونك
عن هموم وإلتياع

سااافري ..

بهمسي وحنيني ..
واحذري لا تجرحيني ..
ودّي آصل له حياتي ...
بأحلا صوره يرتجيني ..

سااافري ..

بين البراريا ..
ووزّعي ورودي هدايا ..
من البدايه للنهايه ..
حتى اصحاب الوشايه ..
خبريهم ..
قصة الحُب العيف ..
قصة إحساسٍ تنامى ..
تمازجت فيه الفصول ..
وشكّل بطاغي هيامه ..
فصل خامس ..
فيه تحتار العقول ..
واتركيهم في فضول ..

وسااافري ...

[خالد الغاشم]

ودّي اقول :

كلّي أنا بدنيا الوله
عايش على شط الفضول
عيني تقول .. همسي يقول ..
حرفي يقول ..
حتى القلم منّي تعلم وش يقول ..
من دون ما اطلب يجي ..
مستهدي لكفّي قِدي ..
يقرى احاسيس توارت في خلِدي ...
هو معتدي ؟... هو مهتدي ؟.. مدري ..!
بس الأكيد إنه تسبب في جهدي ..
والبحر يرسل موجته ..
الشط يلثمها خجول ..

يا بسمة الفجر الخجول ...
الوقت عيّا لا يزين ...
والعين ما صارت تعين ..
حت القدم حارت .. وانا ..
محتار فيني ... من سنين
والوقت عيّا لايزين ..!

[خالد الغاشم]

.

.

.


أنغام حرفـي تشتكـي=إجحاف مقطوع النظير
من نزف جرحي يستقي=يراعـي المبـري دواة
يمشي على خد الـورق=نشوان واحساسه كسير
يرسم معالـم حيرتـي=ميّت ولا يرجي حياة



!

[خالد الغاشم]

صدى صوت السكون اقسى
على قلبي من التجريح
يزلزل نازف جراحي
يجرح صمتي الغافي
يغرّد في سما نبضي
لحون الريح ..!
ويسقيني مع الفرقا
مرار الحنظله والشيح
أنا في حيره من أمري ...!
أنا مدري وش اللي قدر جرى..... وقد صار..!
وش هي أول أفراحي .. وش هو آخر المشوار ..؟!
تعالي واحلفي با الله قوليلي .. من المسروق ..... والسارق ..؟!
من اللي توه الثاني .. من اللي هيض اشجاني ..؟!
من اللي علم عيوني تهل الدمع .. عكس السير ..؟!!
أنا اذكر كان في صدري ..
طفِل موهوم ..!
يناغي لوعة فراقك ..ويلهج بالرضاع سموم ..!
إلي هبت نسايم عطرك الفاضح ..
تباشر .. وانتعش .. يضحك .. بدايفرح
بدا يرسم صور أحلام ........ وأدتيها ..!!
وش أقسى من وأد حلم لـــ طفل ... كانك عرفتيها ..!!؟


ومع هذا .......

تعالي ..واحظني طفلك
تعالي واسكني جنبه
تعالي واطرقي بابه ...تعالي وانعشي قلبه ..
تعالي .. واعتلي عرش الفصول الخمس ... يا حيي ..

تراك انتي..
ظمى روحي ..
هواي ..
وظلمتي ..
وضيي ..
انا عن زمهرير البرد ..
دفاك وحصنك الآمن
وأنا لك من هجير الصيف ..
ظل .. وفيّ
إلي زاد الظمى فينا ... تساقينا .. منك شوي ...... ومني شوي
أبد .. مثل الحمام اللي يعلمنا ... أصول الحُب ...!!

[خالد الغاشم]

.
.
.

حبر و ورق


أنتِ وأنا

كنا هِنا .. نجهش على حف الورق

نرسم نهر

نصنع سُفن

نبحر .. نسافر ... ونغرق ..!!

نتخيل الموجه تجي

ترمي لنا طوق النجاة

لوحٍ طفح .. فووق سطح الماء.. والماء من فوق الورق ..!!

اقول خُذي .. وامسكي باللوح .. حتى تسلمين

واتركي موج البحر وإلا النهر .. لي ..

المهم أنتِ تسلمين

بصارعه ... إما صرعني .. أو صرعته

وإلا ذبحني أو ذبحته

المهم لا زم تمسكين .. والأهم إنك تسلمين ..!

حتى الي الشاطئ يوصلك بأمان ..!!

كوني بأمان ... وإلا أنا .. للموت وربي من زماان

إن سلمت أكيد راح أرجع إليك

وللحياة أعود من لمسة يديك ..!

* * *

جيتك وأنا مشتاق .. والشوق في قلبي رعد

والبرق من عيني شعق

ورغم الضياء والشمس .. وزهور الحقول

ما كنت أشوف إلا سنا وجهك

واطيافك بعيني يجول ..!!

بس للأسف ...!!!

كانت أحلام الحقيقه ... والحقيقه تاهت بغبة بحر

* * *
فوق الورق

كنّا أنا وانت .. على المركب سوى

غصت في غبة اليم اليتيم

ورفرفر جناحك على متن الهوى

مدري كنتِ بحزن ..وإلا تفرحين ..!!؟

الله أعلم بالخفايا والقلوب ..المهم

إني جهشت اليوم .... وأبكيت الورق ..!!

الله يا حلو الغرق ..!!

* * *
إحساسي الليله غريب

عاشق

ومالي حبيب

إحساسي الليله

ألم

حلمي تسامى

وإنثلم

إحساسي الليله

دموع

صدقها يروي شموع / يطفي شموع

ونارها جمرة غضى

وإن خلتها تحت الرماد ماتت

قرب لها يصعد لظاها للفضاء

ورغم الشتاء

تدفي بساتين الألم

وهي الألم فيني توارى ...... ما قضى ..!!

والله يا حلو الغرق .. بحبر و ورق ..

كذبه ..

حكايتها بدت

تمسكنت ... تمكنت ... وكل الموانئ له صفت

وتشعّبت .. في كل شريان ووريد ..

مو غر يبه .. طالما هي صدقتها

تحسب انّي ما دريت ..!

حتى انعتتني بالغبي

قلت : العبي ...

هذا زمانك فاركبي .. متن الهوى ضاهي مراويح السحاب .... وتلاعبي

لا تاخذِك نزوة حنان .. ولا تمنِعِك صحوة جَنَان ... عيشي حياتِك با تزان ..

ثم اطربي واستطربي ..!

ما صدقت من غيّها .. راحت تمارس غيّها .. في شمسها في فيّها

تفخر تماري بزِيّها .. حتى اعتلت عرش الغرور ..!

قالت : ملكته وش عَلَي ..!!؟

دامي على عرشه رسيت .. ورايتي ثبتها .. واوقدت فوقَه مشّعلي

با الله قولوا وش علي ..؟

نادمتها .. واكرمتها .. وعن الظمى أسقيتها .. كاسٍ مِرِي

رغم المرار اللي سقتني .. صنتها .. !

وفهّمتها .. إن الغبا منها وفيها محتبي .. وتفاجأت .. هلّت مدامعها وفاجت

قالت تدلل وش تبي ... ؟

قلت : لِلَّه ... ماهو طريقي ومذهبي ..!

سامحتها ودّعتها .. وطويت صفحات الغبيّه ........ والغبي ..!

صدقوني .. ما اغالي .. ولا ادّعي إنّي مثالي

شاعر واحساسي شمالي

إن عشقت أعشق بقوووووه .... وإن كرهت اصدّ واناجي خيالي ..!

لأني بصراحه قلتها واقولها :

ما بقالي قلب يعشق ويغرق

وفوق الورق أجهش خيالي واحترق

حبر ........ و .......... ورق

.

.


؟

[خالد الغاشم]

كم بالسّاعة دروس وكم بالسّاعه عِبر= في دقايقها حقايق عام جسّدها خيال
وفي ثوانيها تمر سنين من عمر العمر = كل خطوه مع عقاربها نحرّرها مقال
زِيّنا من زِيّها نقطع مسافات وسفر = مثل درّاج السواني في مكانك سر حال
وللحقيقه شمس تشرق ما يواريها كِدر = شاب راس الوقت شبّنا واللقا فيه استحال
يا عيون الكون غضّي لا تطيلين النظر = مابقى بعمر الثواني عمر يسقينا زلال

[خالد الغاشم]

عيوني تكبت الدمعه وعقلي يكبح الهوجاس=وقلبي موقدٍ شمعـة حنيـن بليـل آهاتـي
أصبرني على التغريب صبر ايوب بين الناس=واغني للأمل لحن الخلـود بتيـه خطواتـي
أعيش بدنيتي عازف لحن مجنون فيه عماس=على قيثارة احلام المنـام ارسـم متاهاتـي
أدورني بفضاءآتك يتيم الروح والاحسـاس=واجمعني فتات حروف نزفها القلب في ذاتي
اعايشني حزن وافراح مداد يلوث القرطاس=هتك ستر البياض بلون دمي مـن معاناتـي

[خالد الغاشم]

أنا ماني ضعيف ايمان ولا يائس ولا مغرور = وكل المسأله شوق وحنينٍ يسكن بصدري
على صدري جثم حزن الفراق ولوعة المقهور = اعاني واتصبر وادري إن البعض مايدري
أداري وابتسم واصرف كثير المال بالديكور = واماري من يماريني وافوز لحالي بوزري
أجمّل صبحي بلون الشروق وداخلي ديجور = سبب من راعني فقده وذا يالايمي عذري
قبلته او رفضته أو تجاهلته ترى معذور = ولكن لا تزيد الجرح جرح وتوغل بهجري

[خالد الغاشم]

لاتكترث يا رفيق صباي = للوقت غيّه ولك غيّك
مبداك لك وانا لي مبداي = مافيه زيي ولا زيّك