... وتـبـخّر الغليــون !! [الأرشيف]

فيصل بن عسكر المهلكي

16/07/2008, 06:43 PM

http://www.s77.com/pic/data/media/227/Romance_27.jpg

ليلة الجمعه
/
/

ليسَ كلّ البُكاءِ حُزْن
فإنّ للــ " فَرَحْ " دمعه !!

لوْ كُلُّ الدُمُوعْ / جروح
تضميدها " قُطْنْ "
ليه إنطفتْ شَمْعَه ؟
/
/
/

في ليلَةْ شِتَاءْ ,
يَلْفَح طَرَف وجْهِي ,
بَرْد ! وسَهَرْ , وإكلِيلْ
من وَرْدَها الـ " مَطْفِي "
/
/

ليه المطرْ , مايزْرَعِكْ يا بَذْرَة الدُرَّاقْ ؟
ليه القلوب , تعيشْ مِنْ خَشْيَةِ الإِمْلاْقْ ؟
,
,

ليه الندَى لا عانق أطْرَافِ الزهَرْ
ماله ولا لَمْعَه ؟

/
/
/

هي لحظة فَرَح ؟
ولاّ عيوني مِنْ وَرَق !!
,

تنزف حبر !
ضيم الليالي والأرَقْ ...

,

تاهت مواري ليلتي ,,
من دمعتي
من بسمتي
من نظرتي

يافرحتي

ليت الوطن سوسن
وأسقيه من دمعي ندى !

ليت الزمن لحظه
وأعطيه من وقتي مدى !

ولا أنتظرْ في آخر إسبوع
حالك !

ليلة الجمعه
!!!
!!
!

فيصل بن عسكر المهلكي

16/07/2008, 06:46 PM

http://q02q.com/uploads/6ce4d81993.jpg

فيصل بن عسكر المهلكي

14/07/2010, 06:32 PM

مطلع نهار الفرْح من مغرب الحزن
............... ياساترٍ شمس اللقا في كفوفك !

تيّبست نظرة حنانك .. ورى المزن
............... لامطرت عطف .. ولاملا العين شوفك

من ثقل كاهل موعدي .. مابقى وزن
............... يحمل بقايا عذر .. يقبل ظروفك !!

فيصل بن عسكر المهلكي

14/07/2010, 06:34 PM

http://www.alamuae.com/gallery/data/media/31/1578043-c4e4dd7079973126.jpg

رغم الوضوح اللّي ملا عارض الغيم
........ مازلت ممطر في حشايه قصيده

استنبتك تحت المعاليق .. للديم
........ واقرب عن انفاسي ... مسافه بعيده !!

فيصل بن عسكر المهلكي

14/07/2010, 06:35 PM

http://www.alamuae.com/gallery/data/media/31/uytgfg.jpg

إخضرار الشوارع
.......... ماملاني حنين

احسب الوقت زارع
.......... في سنيني .. سنين

فرحة انسان جايع
.......... يحسب العمر .. تين !

لاتهزّ الاصابع
.......... مابقالي .. يدين

كل يومين طالع
.......... من عروقي حزين

شاب حمل المدامع
.......... وارهقت كل .. عين

لو تجفّ المنابع
.......... بـ اقطف الياسمين !

فيصل بن عسكر المهلكي

14/07/2010, 06:36 PM

http://www.y1y1.com/data/media/730/y1y1.com-tas%20(79).JPG

اوقف مسير الظلم لو انّك اعزل
........ دباّبة العدوان ماتزرع إقدام !

وافتح ضلوع الصدر للموت ..ينزل
........ على بطون الخوف ..والذلّ ظلاّم

فيصل بن عسكر المهلكي

14/07/2010, 06:37 PM

http://pic.jeddahbikers.com/data/media/17/A_Dreamy_World_Wallpapers-2_04.jpg

عيّا طريق الشوق يمشي لآخرك
............ واولك بُعد وضيق واسلاك شايك !

نامت جفون امسي على حلم باكرك
............ مع صوت يزهمني وانا اقول : جايك

على الاقلّ اليوم يجرحني اكثرك
............ ورى حنين النور فوق الارايك

عجزت من حيلي على حيلي اقدرك
........... قصة ذهب يصدأ بلمعة سبايك

آسف حبيبي : لو بعد كنت فاكرك
............ نسيان درب الشوق بلحيل شايك

فيصل بن عسكر المهلكي

14/07/2010, 06:38 PM

http://pic.jeddahbikers.com/data/media/6/13846.imgcache.jpg

وش بقى في القلوب وموج الاشواق هادر
.......... حزّةٍ جات بين الروح واعماق سلمى !

اكتسي بالشروق وليل الاحلام ... غادر
.......... لو سترت المواني .. ماستر عيني .. الما

سلمى لاتتركيني .. للقصيد النوادر
.......... كل ماجبت بيتٍ للحزين .. اكسب اثما

اذكره فيك وانسى بانّي اصلاً مٌغادر
.......... واحطب العمر واشعل للمواليف ظلما

فيصل بن عسكر المهلكي

14/07/2010, 06:39 PM

http://gallery.johina.net/up/9432/1162252180.jpg

ضاقت الدنيا على القلب الرحيب
........ حتى عود الوقت / وقت وينثني

العمر شمسٍ تهادى .. للمغيب
........ياغزير الشيب تكفى ردّني

للزمن والناس والخلّ الحبيب
........ والنشاط اللّي هواه يهزّني

ياغزير الشيب : هل حان المشيب ؟
........ ماتحنّ بحال : شايب منحني

ان غدى قلب المروّه .. قلب ذيب
........ من نحاس الناس .. يظهر معدني !

فيصل بن عسكر المهلكي

14/07/2010, 06:39 PM

http://gallery.johina.net/up/9432/1163047718.jpg

هو يستحيل النوم من مقلة العين
.......... او انّ غفوات القهر حسْب الامكان !

من يحبس احلامه ورى خاطري .. مين ؟
.......... ومن يطلق جنوني معه .. خلف قضبان

ياليتني شدّيت حبل العنـ وين ــا
.......... ولاصار لـ كتاب الغرابيل .. عنوان !

مثل الامل مبطي يمارس بي الطين
.......... من فوّهة ثلجٍ يبي يغيظ .. بركان

وش اصعب من السجن .. لولا المساجين
.......... لاصار وسط السجن رجّال .. له شان

فيصل بن عسكر المهلكي

14/07/2010, 06:40 PM

http://gallery.johina.net/up/9432/1162961058.jpg

يادروبه
واثرنا ظلما عروبه
في خطاوينا
... للشوائب وجه داكن
لكن اجمل في شحوبه !
للثرى : طارت ملامه
شامخه تحت الاماكن !
مالقت حتّى قمامه
فاضيه جنب المساكن !
وينها روح العروبه ؟
وينها روح العروبه ؟
واصلاً : اقصى شي نستنكر ونشجب في عذوبه !
يالهذا الليل قصّه
مانتهت رغم البدايه
باقيِ في الحلق غصّه
والجروح اللّي بحشايه !
يالهذا الليل معنى .. ان حضر وان غاب .. معنا
والمرايه .. ماتبالي .. لوتجيب وجيه منّا!
هي كثير ... وقلّها فعلاً كثير ..
هي كثير
اقلّها : شوف الضرير اللّي في بالي !
هي فلسطين الضحيّه
تنقتل وتعيش فيّه !!
ماعليّه ..
لوبكيت سنين .. والعين محجوبه !
راضي بدمع العروبه
لو فلسطين مغصوبه !!

فيصل بن عسكر المهلكي

14/07/2010, 06:41 PM

http://gallery.johina.net/up/9432/1179685787.jpg

ماعاد لي قلبٍ حبيس النّور
......... يشتاق للهجران فـ غنايه

بدا يجمّر صالي الديجور
......... لاصمّل الساري على رايه

مرْني صباح وسنْبل وعصْفور
......... ولاحدٍ حكالي عنّي .. حكايه !

مـ اخترت اكون الخاطر المكسور
......... كانت وسيله برّرت .. غايه

حتّى صباح القارب المهجور
......... قصّ البعيد .. اخباره الجايه !

سولف : ضباب وموعدٍ مهجور
......... لـ ضْفاف نهْـر وساحل منايه

ياصاح : مادام الزمان يدور
......... لاتهت ؟ .. قبلك واحدٍ تايه !!

فيصل بن عسكر المهلكي

14/07/2010, 06:41 PM

http://gallery.johina.net/up/15895/1165479432.jpg

باب الزمن واقف على درفة مسافات الثواني
........... من قُربه : اشعر بالسنه .. عقرب ثرى .. تلدغ ثريّا !

عيني بعينك ياصبر : عنّيت رجلي في مكاني
........... وَصَلْت اراوح بيني وبينك / وخطواتي .. هنيّا

ياليتني لاشبْت ماشيّب ولي بعض الاماني
........... لاقلّوا الاحباب من زوّادة القلب .. اتـّـــهيـّـا !

ناديت باصوات السنين السود : جدران المباني
........... ماردّ طين الراحلين .... وحاجتي تملا يديّا

خلّوني اعيش بزمانٍ جاهلي .. ماهو زماني
........... كلْ مازهمت الجرح في حاجة سؤالي قال : هيّا !

برحل مع الذكرى .. سفير احلام .. متغرّب عشاني
........... وان جبت للحلم المقفّي ( حلم ) ثاني منه : عيّا !!

مال الزمن .. غيري زمن .. والعمر ماسدّ بمكاني
........... ان غبت لاتبكين : ياعيني عليّه / هي جفيّا !!

فيصل بن عسكر المهلكي

14/07/2010, 06:42 PM

اكثر جميل العمر للموت ناكر
............. بالٍ طويلٍ ماتحدّه سماوات

يمكن .. ضحى مكسوف من شمس باكر
............. ويمكن قصيدة شاعرٍ .. وقتها / فات !

هوّ الوفاء ..بين الزمن سيل حاكر
............. ولاّ السحاب المرتوي .. يرعد .. سكات

رحله ... حقيقه تفتقد للتذاكر
............. وابسط من احساس المُعافى / بالاوقات

ساكت زهر والحكي .. معسول .. ماكر
............. من للقلوب وصادق النحل .. شمّات ؟

ممنون باقي من جحود امس ... شاكر
............... رغم الطريق وزلّة ارض المسافات

باقي عبث .. يحمي عرين العساكر
............... واقدام تحذيرٍ على درب الافلات

هذا انا تلميذ وقتٍ مذاكر
............... حمله قبل حلمه يباعد ... عن الذات

انسان منسي راح مازال فاكر
............. كلّ التفاصيل الدقيقه ... ولو مات !!

فيصل بن عسكر المهلكي

14/07/2010, 06:42 PM

http://gallery.johina.net/up/9432/1157246154.jpg

الوجوه :
اللّي مع اطراف السكوت ..
ماتلتقي في رحلة الجايين .. صوت !
بالرايحين بناس مامعهم دليل
واللّي مع الجرّه تتوه !
من هو دعاها لاتموت ؟
في قمّة غناها ..
وهي في ذمّة الكهف بـ تسير ..
ولا احدٍ جاها !
ينقذ الباقي من الظلّ .. ويطير
تحت عيون الكلّ .. واجفان النهار
لا ماعلى خلّك ملام ..
المساء : يخطف من احلامه .. نهار !
ماهو نهار اليوم / يوم ( اكهف ) منام !!
واحلام تتشقّق عليك ..
تستنطقك صوتٍ يبيك !
ماهو انا :
اكيد .. اكيد .. ماهو انا
او انت !
او حتّى يديك !
هذا إهو : وجه النهار اللّي غدى
بين الوجوه ...
ماعلّموه :
ان الصدى ... ماهو على خُبْر السنين
مخفي : مثل ذكرى / ورى الذكرى يبين !
لاهو رجع صوته مع الايام / صوت
ولاهو نسى كلّ الوجوه
اللّي على باله تموت

فيصل بن عسكر المهلكي

15/07/2010, 06:35 PM

http://gallery.johina.net/up/9432/1158270093.jpg

ياصاحب الظلّ الطويل
............ شمس الطريق مطوّله !

تعطيك من دربك .. قليل
............ وخطواتها .. متسوّله

مـ اشفق عليك الليل .. ليل
............ من نفسك المتحوّله

مرحلك .. توبير النخيل
............ وآخرك ماراح اوّله

من علّم البارح .. يحِيل
............ بين الضلوع معوِلّه ؟

يكسر سنا الضلع الصقيل
............ ويشبّ فكرٍ لي .. وله !

انت .. انت مع نفسك خليل
............ تطمين نفس مهوّله

ياذا القريب المستحيل
............ في روحي المتجوّله

مالي بدل شعري بديل
............ وابيات ماهي مقوّله

ماكنت عن عمري بخيل
............ يمنى الكريم تنوّله

ان جيتني .. راعي جميل
............ ماخاب راع الاوله

وان جيت .. من حالك .. ثقيل
............ في غيّ نفس مموّله

اصرخ .. يطاولك العويل !
............ ولاطحت منه .. ارق .. اوّله !

فيصل بن عسكر المهلكي

16/07/2010, 05:48 PM

http://gallery.johina.net/up/9432/1162252726.jpg

قوم انطفي ضَـوح !
لو .. نادى من الطور ..
احبابك .. اللي رحلوا للنور .. من عام !
وانا بـ ... اروح !
انتظر في دربك البور ..
كلّي امل .. في الامل
لوّ ارجع عظام !
ماهو مهم ... المهم .. استجمع الهام ..
في روح عيّت تغيب
بداخل الروح !
دُخّان ... دُخّان .. دٌخّان .. دُخّان
يتصاعد من الغيم !
ماهو قديم ..
اشتعل في خاطري بوح !
سؤال يبقى مقيم / بظلّ منفاي
لاهوى في بالي سديم / ولابدى راي !
( عانه ) هنا
( عانه ) هنا يرقص مع البال / دانه
لو راح تشعر مكانه .. بين الابيات
خذها قصيد
وجديد العين مابات !
لاتموت في راحتي .. مافي يدي روح
تحت الغضب ترتفع اسراب .. الـ ايدين !
دُخّــــــــــ ن ـــــــــا
يطلق يدين النور وتفوح
!!
!

تفوح
تفوح
تفوح

فيصل بن عسكر المهلكي

31/07/2010, 01:15 PM

http://www.araby4design.com/gallery/data/media/13/18_2.jpg

ياربّ كلّ الليال .. اوراق مسودّه
................ غُبّـة سطر , والقلم : مقري [ قرا ] كاتب !!

وامسٍ فهق شمس [ مطويّه ] على يدّه
................ ماراح نَـفْـرَة عزيزٍ [ ذلّ ] متجاذب

ارخى عديل السهر [ وسمه ] على خدّه
................ وصدّق عليه اعتراف الماضي .. الكاذب

بعد النهايه [ وصلت ] فـ اول المدّه
................ مدري [ بديت ] السلام ,, بـ راحة محارب !

حبيبتي : [ ربّة الياقوت ] .. واللدّه
................ [ ياقارئة وجهي ] المُكتظّ .. بـ معاتب !

جيت فـ عيونك [ رخاء ] في ساعة الشدّه
................ ورجعت : مدري من اكثر ,, [ من رجع خايب ]

جزر مماج الغرام وهاج بي ,, مدّه
................ وابحرت مثل الزمان في يومي ,, الهارب !

يابحر .. ناقص ضميري .. زود عن حدّه
................ لاتنقتل في عيوني .. واكسر القارب !!

في ذمّتك : ماانت [ لجّي ] يابحر جدّه
................ ضحكت منّي ,, ولامك دمعي الغاضب !

مادام صدّيت والصدّه هي الصدّه
................ القلب : [ قلب الذنوب ] ,, بـ قلبي التايب !

وان كان يابحر : فيك من العنا [ شَدّه ]
................ معزّبة جرحي : قامت معي بالواجب !!

فيصل بن عسكر المهلكي

31/07/2010, 01:17 PM

http://thumbs.photo.net/photo/9745755-sm.jpg

وين رايح ؟ .. / .. وين رايح .. ياسديم الارض ؟
وين رايح للشقا ؟ ..
لاتنكفي بالعرْض ..!
.. / .. لين دمعك يستطيل في تفاريق اللقا !
والارض ياصبرك عليها .. / .. ماتبيك ولاتبيها
اخترق ضلعك وموت .. وعاهده .. لاتموت فيها .. !
شقّقت فوقك غمام .. احتاج شربة موجعه .. !
وامطر وطاحت من يده ..
دمعه على كلّ الشقوق ..! وعيّت تبعده ..
كلّ هـ الدنيا عقوق .. والله انْ هـ الدنيا تعوق
واحوالها منّا وفينا .. !
بسّ حنّا .. ماعلينا .. / .. لو يجوع الكون .. نبقى ....
وين نبقى ؟
في البيوت مشرّدين ..
وكلّ شارع ينتصف ..؟
ياخذك بـ اثر الشوف .. عين .. !
... ولو ظميت من المواجع .. / ..
ماظما قلبك ظروف
جوع شبْع / وجوع جايع .. / ..
والمجاعه .. ماتروف !
ياااااا : آهـتـه .. خُفّي عليه ....
بيموت هو .. لاتحتريه !
بياخذ بثاره
شوّي .. شوّي .. شوّي
لين انّه يموت .. !
ويطيح من عينه وجع
لو كان في صبره ... صبور .. !
.. والنور : يبقى لو بدالك في آخره [ حفنة ظلام ] !
مادام جوّك .. ماصفالك ../ ..
قوم اندفن تحت الزحام ..!
واصرخ ... وحاول .. لاتصيح !
في صوتك الجاهر .. فحيح ..
لاتْروح .. من قبل الوداع
جول بشوارع خاطرك
واقرا على الدنيا السلام .... !
!!
!

فيصل بن عسكر المهلكي

31/07/2010, 01:20 PM

http://www.araby4design.com/gallery/data/media/13/araby_12.jpg

ياسراجها اللّي بـ سقف الليل مستلقي
................. من يوم طرّف سوادك .. / .. طالبك : بـ اسري !

لـ احلامي المُترفه , والملح في حلقي
................. في غير دار التعب .. / .. ماينعرف قدْري

جيت المدائن وراس البرْد به .. فلقي
................. وحطبت ضلع المواجع .. / .. وانكسر ظهري !!

ماجاني الباب والبوّاب .. في غلقي
................. محتاج قلبٍ يشيل الهمّ .. / .. مايطري

ماعند قومية النورس .. / .. وجه طَلْقي
................. لو كان كلّ الظروف مواتيه صدري

ماعاد يمدي البحر لو هو شهد خَلْقي
................. نورسني اعوام لين انه قضى عمري

ياما مشيت الدروب الممحله .. زلقي
................. لو امرح البال في جفن السهر .. بدري

ياطاغيه بالشجن : لاتضيّقي خِلقي
................. لاناموا الناس .. / .. طغيانك دخل قصري !

القي عنادك .. / .. قبل عصا الزمن ( تلقي
................. سحر المفارق ) وتلقف وصلك المزري !

فيصل بن عسكر المهلكي

31/07/2010, 01:23 PM

http://www.araby4design.com/gallery/data/media/13/2.jpg

..... ومعك تسافر الاطلال ... للريح .. للـموّال !
وتجتاح الاتربه ذكراك ..
ويقوم من الزمن رجّال !!
وانا البارح معك باقي ..
مع اوراقي .. وَفِيْ مازلت ..
افيق من الليالي الباقيه .. في عامي المخمور !
بعد ماوصلت ... عند اصغر طموح الوادي الممطور ..!
تثيقلْت ... اعشب بروحي
رغم نوض البال بيديّه .. / ..
نده في الطور .. والساعه تروح مسافرهـ .. جيّه !!
ولاجاء في الزمن واحد .. / ..
ولاواحد يقول : ارتاح ..!
ترى من راح مايرجع .. / .. ولو يسجع حمام البور !
هي الدنيا كذا .. تاخذك معها .. بالعطا .. / .. تقتير
تقوم لـظلّها بكّير .. / ..
لـ ابطت بالوعد .. هـ الشمس .. !
ياسلمى :
مارقدت من امْس !
وعيوني شوّي .. / .. وتطير !
رجعت بماضي عيونك
.. وليل عيونك الحاضر ..!
على درب الظنون .. اشوف باكر .. في مدامعها !
وحارهـ تفتقد معها .. / ..
بساطة حلمها الاصعب .. !
وجدران .. / .. وانارهـ .. / .. وشارع ماعليه اسفلت .. / ..
واماني جارفه .. / .. وقلوب ولْفه .. / .. وانبعاث احلام .. / ..
ياسلمى :
مابقت احلام تغرينا عشان ننام !
مادام اللّي بقى : نود .. / .. وبقايا من دريشة بيت .. !
عثت فيها النفود .. / ..
اللي يماطل طيشها .. الترتيب !
بديت اغيب ..
لين اغيب لين اغيب لين اغيب
واذا غبت انشد الدنيا
واروح .. اتعب مثل ماجيت .. !!
ياسلمى .. هزّني التنهيد
وجرّح مهجتي شوفك ..
ليالي العيد .. وين العيد ؟ في قلب الخلي المشتاق
فهقت العيد
مابانت .. عصاري موتة ظروفك !!
متى اشوفك ؟
متى اشوفك ؟
متى اشوفك ؟

فيصل بن عسكر المهلكي

31/07/2010, 01:25 PM

http://www.9or.cc/data/media/72/www.9or.cc%20-%20mno%20(6).jpg

بالله وش عُذر الكِبَرْ لامـن كُبَر .. فرق السنين ؟
.................. لاصار خَدْش مرايتك .. يكبَر تحت مَـلْمَـس يدِك !

ماشفت وجهك في عيون احبابك .. المتْـغـرّبين
.................. العين تتجَعَّـد وساده .. للسهر في مرْقـدِك !

في واحة احلام الورَق : حبر , ورطَب نِخْل , وطحين
.................. ووجيه تتساقط على ارضٍ .. تحرّى مصـعدِك !

هذا انت ؟ .. مو هذا طموحك .. تنقبر في كلّ حين
.................. لاطحت من حيلك حظيظ .. / .. ولارقـى من يسعـدِك !

صافح غِيابك .. كفّ غيَّابِـك .. وعاد اطول .. يدين !
.................. إشتاق لك من كلّ قلبه شوق .. / .. عجّل بوعدِك !

شيّب على ظَرْف الجليد .. / .. [ بلاد ] تستوطِن حنين
..................قصّيت عُمْرك من طَرَف عُـمْرك .. / .. وهذا موقدِك !

... ودُخَّـان يتململ على رَفّ المنام .. / .. بكلّ حين
.................. ودلال باقصى مدْخنتك .. / .. وركن كان لـ مسجدِك !

واصوات ورعانك .. / .. ونور سراجك .. / .. وجارٍ امين
.................. وامّـك تنادي : ياااااااولدي لاتروح من ليّ بعدِك ؟

ياذاك من هو راح ؟ .. / .. من هو باقيٍ نصفه .. حزين
.................. من خاب تحت الارض ؟ .. / .. من هو قيل له : طاب جهدِك ؟

واللّي قعَـد تحت الحياه .. / .. اذاني من طين وعجين
.................. لابدّ يومٍ صـادرٍ من عـِدّ موتاك... وردِك !!

فيصل بن عسكر المهلكي

31/07/2010, 01:26 PM

http://www.phillipdeck.com/wallpaper/banyans/Banyans1440.jpg

لاتختفي فـ اوضح معالمك .. بـ غموض
.......... الوقت بعض احيان .. مايشبه الوقت !

يا اعظم حبيبٍ فيه من وجهي .. رضوض
.......... اذا انصدمت ؟ ... انا من اجلك .. تعوّقت

من قبل يطلع في السماء .. للمساء .. نوض
.......... ضيّقت بعض الليل من كلّك ... وضقت !

لمحت في يدينك مطر ... عَـسِّــه الرّوض
.......... مدري فتح طاريك / عيني ... ودنّقت

ياخائضٍ مزْن الطواريق ... مفروض
.......... تثمر على غصن السطر .. لاتسلّقت !

الشوق : طيحة حيل بالحبّ منهوض
.......... وانا كذا مشتاق من يومي [إ] خْلِقـت !

مُـرهـق , وقالوا عنّي الناس : محظوظ !
.......... مرتاح باعينهم , وفي عيني : أُرْهـقْـت !

لاتندهش لاغبت ! .. ماغبت .. بغموض
.......... ريّحْـت من شوقي [ سنه ] .. بسّ ... واشتقت !

فيصل بن عسكر المهلكي

31/07/2010, 01:27 PM

يابلادي
والسهر ممحل وطرف السفر مايل
والعمر والاموات
من بينهم وادي !!
وانتي فيك ارواح شتّى .. بلاطايل !
ماتنادي في طريق العمر .. تايه
لو تشتّى مصيَف الصبر بـ عبايه
مو كفايه
نترك ارواح ونسافر
نترك الدنيا ونهاجر
مو كفايه
يهجر الحُلم المضاجع .. منافينا
وامانينا تخطف الحِلم .. المواجع .. من ايدينا !
ثم نغيب .. نغيب
في غيهب التخمين
هو بقى للحين
حملٍ رحم شايل !
ياحسافه دمعنا ..يضحك علينا !
ياموطني لاشاب .. يافع من العايل ؟
والفقر دافع .. قيمة العجز .... والمبدا
فارغ و تملا حاوية صمته .. الدمعه
كلّه كذا .. يندا على جمره السُمعه !
ياموطني حضنك خياراتي .. واحلامي
لاشفت غيري طال
وانا عليك اجدا !
ليه انده ايامي وصوت الرجاء امسى ..
عنده اذن من طين .. تبحر بلامرسى
سكّين .. تزهم وجه للقبله .. مسمّي
من يلتفت يمّي برغم اتجاهاتي
لو ينقطع في امانينا عجين امّي
ويعيش تحت الجمر .. منّي .. انا .. اثنين
واكثر بعد .. منّي بعد ... من مواليفي
من غايتي لاطاح ريش التعب .. مرقى !
واول شقا لاختار فيني نهاياته
مو هي حكاياته .. ولاهي حكاياتي
حكاية التأبين
لانسان ماهو ( انسان )
اللي بقى منّه ( لسان ) وجروح كثار
تهزّ صدر الثار .. ياجرح ( لاتصالح ) !
لو يشرب المالح قتيل الغدر فيني !
قد طال حبل الجرح .. ماعاد يمديني
كل شي .. ينبي عنه شيّ ... ورق حتّه
ريح الصبر والجوع
واشياء من حتّى !!

فيصل بن عسكر المهلكي

31/07/2010, 01:29 PM

http://www.qassimy.com/nu/albumsm/253.jpg

شقّق جدار الوله صورة العشق التليد
................ كلّ ماطشّ الزمن .. روح غيّابي .. عليّ

امس لفّيت المواني .. وانا ساري بعيد
................ من يدي طارت قصيده على قلبٍ خلي !

من ضحك باكي ؟ ومن يبكي وقلبه سعيد ؟
................ اشتهي موتي غرَق وسط همٍّ ممتلي !

يا اقدم جدار انتظاري .. ترى مابه جديد
................ لاعطيت العمر ( وقتي ) ولاظلّيت .. لي !

مبطي اسافر معك .. في مشاويري .. وحيد
................ نافذه لاطلّ منها .. سحابك ينجلي

ياعذابي ريح الايام صلفه ... تستزيد
................ كلّ خطوه تبتعد .. مقرُبه من مقتلي !

هوّ انا ماجيت من خاطري / خاطر عنيد
................ رحت مهجر للمدينه .. بمنفى منزلي !

آسف ... انْ كاني رحلت وبقى منّي نشيد
................ قلت اغنّي ... دامني في دروبك مبتلي !