بقايا .. من بقايا !!

[أحمد المطوع]

.
.


http://pix.nofrag.com/a/6/0/be95b34dfe3fb6a2c71f678a5defd.jpg (http://pix.nofrag.com/a/6/0/be95b34dfe3fb6a2c71f678a5defd.html)



سأمي ..

انتظاري ..

روعتي ..

هدوئي ..


أتذكُرين كُل هذا ..؟


إذاً ..

اجمعي أحرفكِ .. !

[أحمد المطوع]

.
.




و يأخُذُني الحنينُ ذات تغيُّبٍ تامّ من هذا العقلُ الذي أرْهَقَتْهُ كثْرة الأسئلة العائمة في هذا الفكر المُشتت :

* أين هي ؟
* هل يا تراني مازلتُ ذاك الذي يتسيّدُ على قلبها ؟
* هل مازالت تتعطرُ بذات العطر الذي أسمته يوماً بـ إسمي ؟
* هل مازالتْ تلك النَظَراتُ اللئيمةُ - إذا ما أرادت استفزازي - تسْكُنُها ؟
* هل مازالت تحتفظُ بـ آخرَ كوب ( قهوةٍ ) شربناه سويّاً ذات ليلةٍ شتويةٍ ماطرة ؟
* هل مازالت تُخطئ بـ اسم أخيها عندما تُناديه بـ إسمي ؟

هل و هل وهل ........................... ؟؟؟

و تتزاحمُ الأسئلة الجوفاء في هذا الصندوقِ البالي ...!!
حتى أغفو , ويعودُ إليّ هذا المارد [ العقل ] ليطرُد كُل هذه الأسئلةِ المُميْته ببطئ ..

و أعودُ إلى رُشدي قليلاً مُحاولاً تجْميعَ بعض ما تشتت من أجزائي ...!
لـ أعودَ إليّ و أنسى !!

[أحمد المطوع]

.
.





مَا زَالَتْ انْفَاسُكِ تَنْتَشرُ بـ جَسَدي ..!

[أحمد المطوع]

.
.



هنا .. ذكرياتك .. و انا
هنا .. تلاقينا !!
هنا .. تناجينا !!
هنا .. تبعثرت كل الحروف " بشوفتك " !!



هنا .. قلتي لي " شلونك "
هنا .. شكّلتي " فنونك "


هنا .. تبعثر فيني " أشياء " و " اشياء " !!
هنا .. قعدت اجمّعني !!


هنا .. حضن / تك
هنا .. فقد / تك


تك .. تك
و الثواني .. و شفا / تك


آآآآآآآآآآه
يا ويل قلبي من .. هنا !

[أحمد المطوع]

.
.



لا سما همّ الـ / عناق ..
طيّرت ذيك الحواجب ..
تستفزّ الشوق فيني ..
بـ كل كلمة .. بـ كل نظرة ..
ياهي مجنونة لئيمة .. لانوَتْ قلبي بـ " نيّة "
و ياني اشواقٍ أليمة .. واكثر جروحي " نديّة "

تقول : شـ اسمي ؟
واقول : قلبي
تقول و" الحاجب مطيّر " : لالا .. لالا آآآآنا كلّك !!
واقول و " الخاطر مسيّر " : والله اكثر .. والله اكثر .

[أحمد المطوع]

.
.




اخذتني منّي ..
شكلتني ليلة ..
.......... لوّنت احساسي !
.......... عطّرت أنفاسي !


و من يومها للحين ..
كن العمر :

































ليلة !!

[أحمد المطوع]

.
.



عيّا يتوب ..
كل مـ امنعه .. يرجع [ يذوووب ] !!
قلبٍ بغيته " عون " ..
قَلَبْ علي " فرعون " !!

[أحمد المطوع]

.
.




هنا .. استوطنك [ ثورة ]
............... أبَتْ تهدا .. تبي أسري
هنا .. واستلهمك [ حسْرة ]
............... بقت للحين .. في صدري
هنا .. واتخآيلك [ نظرة ]
............... تمادت حيْل .. في كسري
هنا .. واستنْطقك [ عبْرة ]
............... تململ .. ماعرفت قدْري
هنا .. واسترجعك [ نبْرة ]
............... تداوي ماكتب .. دهري
هنا .. يوم اكتبك [ زفْرة ]
............... قروها .. وانت ماتدري !!

[أحمد المطوع]

.
.



كنْت ناسي ..
لين جاني [ طيفك ] البارح .. يَـ / قاسي !
جاني ملهوفٍ ينادي ..
كان .. غيرك !
كان .. مايشْبه أحد
إلا [ طيْرك ] ..!
اللي مخْنوقٍ بـ / صدري ..
من ليالي ..!

[أحمد المطوع]

.
.



و كتابي .. عيونك
........... لا صرت .. من دونك


!

[أحمد المطوع]

.
.


http://pix.nofrag.com/7/f/9/23863e2d2b508db774225420ba822.jpg (http://pix.nofrag.com/7/f/9/23863e2d2b508db774225420ba822.html)



بابٍ عتيق ..
ضمتني جدرانه .. و شبّاكه المطفي !!
يرسم ملامح غايبة ..
منحوته بـ ضلوعي ..
و شبّاكها عيوني ..
أسكّر الشبّاك .. و اقرا ملامحها

و ابكي عليها .. حلم
أبكي عليها .. دمّ



و ترسم ملامحها .. معالم اشباهي

افتّح عيوني ..
و القاني من دوني ..!!

حلم قِصر دوني .. و حلمٍ تعداني
و بين الألم و الحلم ..

و قفت انا .. و قلبي .!

[أحمد المطوع]

.
.



اتنفسك .. لين انتشرتي / بي
و
اتحسسك .. لين افقد اعصا / بي !!

[أحمد المطوع]

.
.



تذكر بعد ..
لانويت قلبي [ تشبّه ] ..
تسمّعني .. وبكل برووود
[ عطني المحبة ] !!
بطريقة مُستفزّة !!
حتى نومي .. لـ عيونك اكزّة
و اجيك من دون مـ اشعر ..
" حتى قلبي بك تشبّه " !!

أرسم النجم بـ عيونك
.......... لاغدى وجهك سما
ما أبي هالليل دونك
.......... جرّح شفاهي الضما

[أحمد المطوع]

.
.




لي صاحبٍ دايم يصوّبني و انا
.................... أدرى الرماح .. الطايشة

لا قلت له .. تكفى ترى
.................... روحي بـ حبك .. شايشة

سلْهم بـ رمشه .. و التفت :
.................... للحين روحك .. عايشة ؟

[أحمد المطوع]

.
.


http://pix.nofrag.com/0/6/8/d66a9525be1ed6db4fe2661204523.jpg (http://pix.nofrag.com/0/6/8/d66a9525be1ed6db4fe2661204523.html)


هذه القطـرات ..

كـ شتـاتي يوم رحـيلك ..

ولا أزال أنزفــك



ولا أزل أنزفــك

ولا أزل أنزفــك


ولا أزل أنزفــك ,,



!

[أحمد المطوع]

.
.




تجين مثل النور .. في قلب " كافر "
............... و يذوب بك قلبٍ من الشوق شمعة


!

[أحمد المطوع]

.
.


قمر قلبي ..

غدى قلبي ظلام ..

قمر قلبي ..

غشى عيني الغمام ..

قمر قلبي ..

إلى عزّ الكلام ..

قمر قلبي ..

عقب طول الصيام ..


أمانة .. بلّي عروقي

و كوني بسمة شروقي ..

و ردّي لي ليالِ الأمس ..


أبي الأمان .. لا ضمت عيني لـ شوفك

أبي الأمان ,

[أحمد المطوع]

.
.



من لي غيرك ..
لا حَرَق [ قلبي ] هجيرك ..
من لي غيرك ..؟

و لا لِفَح [ وجهي ] السموم ..
و انا من دونك " غريب " ..!
من لي غيرك ..؟

[أحمد المطوع]

.
.


البارحة .. كانت غَضَبْ
البارحة .. كانت لَهَبْ
البارحة .. و البارحة
يا ثقل دمّ البارحة !!

[أحمد المطوع]

.
.


ما بقى حلمٍ يبينا ..
حتى .. منافينا !!

[أحمد المطوع]

.
.



من شفايفها غدى لـ [ التوت ] في ريقي معاني ..

أي معاني .. و أي توت !!

" ريقها عشْعَشْ بـ / راسي " ..

بين نشوة .. و بين موت !!

تقول : خمرة ..؟

تقول : جمرة ..؟

قهْوَة امي ..

لا نوَت تنْسيني همّي ..؟

يآآآآآآآه ..

و الله اكثر .. و الله اكثر

و الله إن تبطي بـ / راسي .!

[أحمد المطوع]

.
.



سلامة .. سلامة يا سلامة
.................... ذبحني صويحبي .. مادري علامه

أبيعه .. و اجرحه .. و ارجع أدوّر
.................... على قلبه .. وفي عينه ملامه !!

و يهجرني و انا اللي حيل أحبه
.................... يقول إني .. مقصّر في غرامه !!

أنا حبيت غيره .. بس ثواني
.................... و لكنه بـ قلبي .. يا سلامة !!

[أحمد المطوع]

.
.



مساء النور .. والبلور

و احساسي المكسور ..

لا عذّبه طيفك ..

و حضنك الدافي ..

اللي تعبت ادوّره ..

بين الحنايا و العيون ..!!

بين الأمل و يا الظنون ..

و شفاهي جرّحها الظما ..

ياللي جرحني عطرها ..

مرّه و انا غافي !!

[أحمد المطوع]

.
.



أحلامُنا كتابٌ تحكيه مشاعِرُنا ..
فـ تُتَرجمه .. تصرُّفاتنا .

[أحمد المطوع]

.
.





فتحت الباب ..
و في قلبي [ وَلَه مرتااااب ] ..!
لـ / عيونهم ..
لـ / احساسهم ..
لـ / انفااااس هـ الغيّاب !

مدري أنا ويني ..
قعدت اناديني ..!!
و انادي للـ / ماضي :
هل ياترى بـ / تعود ..؟
رجع علي صوتي ..
كسّر لي سكوتي ..!


.
.


اتخايل الذكرى ..
اللي تلبّسني ..!
و اجمع [ ألم بكرى ] ..
و آنا اتحسسني ..!
لقيتني غاااايب ..
قلبي غدى ذااايب ..
لقيتني رااايح ..
رااايح .. ومن دوني !! .

[أحمد المطوع]

.
.



http://pix.nofrag.com/7/1/6/1efec830a1fe7c5e2b1f393bcea7e.jpg (http://pix.nofrag.com/7/1/6/1efec830a1fe7c5e2b1f393bcea7e.html)



للبدر في عشقي مواويل و اسرار
.......... لا زال حرفه حافرٍ وسط قلبي
و ذاك البياض اللي علا وجهه اشجار
.......... تظلّلت منها حروفي و دربي ,

[أحمد المطوع]

.
.


ظلااااااااام ..
كل هالدنيا بدونك ..
مالها أيّ اهتماااااااام !!


لا تعوّرني بغياااااااابك .

[أحمد المطوع]

.
.


ماعاد لي شفٍّ ولاعاد " هقوة "
............... كل الجروح بـ عين قلبي تساون !!

[أحمد المطوع]

.
.


رسمتك يا وطن صورة
.................... تمثّلت بـ سما أمّي
و بكيتك " نظرة مكسورة "
.................... تجلّيت و نشف دمّي !!

[أحمد المطوع]

.
.





ما هي على كيفك ..
تآخذ معك [ روحي ] ..
و تترك لي بس / طيفك !!.

[أحمد المطوع]

.
.



أجمعك ..!
كيف اجمعك ..؟
و انا من ليلة فراقك .. إلين الحين
عجزت اني اجمّعني ..!
و انا من لحظة غيابك ..
أدوّر من يجمّعني ..


تعبت الملم .. شتاتي !
و اوآجهني بـ / كذباتي ..
و استوعب غيااابك ..
و ماللألم آخر ..


تعبت اجمّع جروحك .. من الآلام !!
من شكّك .. وخوفك
من الأوهام ..!!


تعبت ابعثرني .. ألم
تعبت اجمّعني .. شتات


و لآخر جروحي ..
ماللزمن آخر .

[أحمد المطوع]

.
.


ياليت الوقت يتأخر
............... و نبعد عن عيون الناس
تحبيني بعد أكثر
.............. و احبك لآخر الأنفاس
عطيتيني المحبة " ذوق "
............... سقيتيني غلاك بـ / كاس
ياويلي .. لاذبحني " الشوق "
............... وشفتك في عيون الناس !!.

[أحمد المطوع]

.
.


تغيب ..
وتترك لي [ عَبَثْ طيفك ] ..!
يشاغب عيني اللي ..
من رحلْت .. وحالتي " حالة " ..!!

[أحمد المطوع]

.
.



يسْعد مساك ..

بردك .. دفااااك

احضانك اللي .. علمت روحي غلااااك

انفاسك اللي .. ذوّبت صدري .. لحظة جفااااك

.
.


يسعد مساء السلْطَنَة ..

يسعد مساء الهيْمَنَة ..

يا " مملكة قلبي " ,

[أحمد المطوع]

.
.





من يلومك ..
لا غديت آخر همومك .. من يلومك ؟!

ماقويت البُعد لكن ..
كان لازم اتّخذ هالخطوة دونك !


من يلومك !
بعد ما رحت و تركتك للأماني ..
مِتّ انا ..
و اصبحت جاني !

من يلومك ..
و كل شي حولي / نفاني !!
صرت اديْن الليل ..
و الفرقا ..
و قراري ..
رغم ناري ..

يا خسارة عيّت الساعة توقّفْ بسْ ثواني !
و انتَ داري ..
تكفى .. رجّع لي اختياري ..
و الله لـ / اختارك ..
و لو هي لحظة من عمري ..
و اضمّك .. وسط داري !


الثواني ..
عيّت بدونك .. تمرّ
و العمر / مرّ ..
و بكيتك !
ليتها مثلك حبيبي ..
كان هذا الليل .. غير !
كان كل الكون .. طير !
مثل قلبي ..
لما تحضنه الأماني ..
في حضورك !


اهتفي .. خلّي الملام !!
لا يضيع العمر ..
أطياف .. و أماني

لا يضيع العمر ..
أطيااااااااف ..
و أماااااااني ,

[أحمد المطوع]

.
.



غدت جدراني بروازك ..
غدى وجهك .. هو المنفى !!
و وجهي صار بك أعمى !!
كثير ارهقني غياااابك .

[أحمد المطوع]

.
.



نِشَف دمّ الصبر هقوة
...... يحايل غلطة التفاح


شروده للاسف سطوة
...... تغني ماخفاه و باح

!

[أحمد المطوع]

.
.


وينك انتي ..؟
وين كنتي ..؟
و ليه تأخْرتي عليّ ؟
كنت خايف !!
و كان [ قلبي ] لسّه / حيّ ..
____ انتظرتك حيييل ..
____ و ذاب [ وردي ] في يديّ ..!

[أحمد المطوع]

.
.


كثر ما تِتْعِب الدمعة .. عيون الخايف المرتاب
......................... تَعَبْ [ قلبي ] ينادي لك .. ألم يا آخر اوطانه

!

[أحمد المطوع]

.
.



بلحالي ..
قعدت هنااااك ..
أنا ..
و ريقك الحالي ,

[أحمد المطوع]

.
.



أذكر إني ..
كنت المّك ..
أجمع احساسي ..
و همّك ..
كنّي اتعرّف عليك ..
كان قلبي مايبيك .. أو يبيك ..!!
آتلمّس بعض أطرافي ..
كان قلبي .. غير قلبي
وانتِ قلبك .. لك ينادي
وين حضني .. وين حضني ..؟
و كنتي بـ / احساسٍ شتات ..
هو فرح .. و الا ممات ؟!
فاضت انفاسك عليك ..
تشكي همّك ..
تنده كفوفي تلمّك ..
آآه يـ / احساسي معك ..
صدقيني قد هلك .. صدقيني قد هلك
و انهدم فيني طموح ..
و استوت عندي الجروح ..



لمّي بعضك ..
جمّعيني .. و ارحلي
خلّي قلبي ..
و دوك همّك ..
ودعيني .. و اسألي
و نادي قلبي :
من متى للعشق حاكم ..؟
و من يقول الحسّ ظالم ..؟



آآه ياقلبي معاها ..
لو ذبحك الجرح .. هاجر
و آآه ياذيك الأماني ..
لـ / استوت معها الخناجر ..
ولـ / انهدم فيها طموح ..
كثر مافيها جروح ..
تنهي الروح .. و تروووح !!

[أحمد المطوع]

.
.






تقول : شاعر ؟








إيه شاعر ..
إيه .. و ربي إني " شاعر " ..
و كل ما حولي يخرّضْني ..
فيك أشعر ..

شاعر بـ / خوفك عليّ ..
من الم / شاعر ..!

يا بنيّة .. يا بنيّة
يومها عِرْقَتْ يديّه :

الألم .. ما هو شعور !
الألم .. ما هو حقيقة !
الألم .. " حفنة مشاعر " !!
تنقرا بين السطور .!!

[أحمد المطوع]

.
.



ما جت على هـ / الجرح يومك تشرّه
.................... ولا على .. آخر سواياك فيني
أموت " وجد " بـ / غيبتك ألف مرّة
.................... اسأل " عذولي " كيف سوّا حنيني
و الحين تشكي لي غدى الشوق " جمرة " ؟
.................... يا خي قسم بالله .. ما عاد فيني ,

[أحمد المطوع]

.
.



بـ كل أمانة ..
لا قريتيها اضحكي !!
ماعليك من الجروح
......... ولاعليك من الأماني
لانهدم ذاك الطموح
......... الله الله بـ " الأغاني "

شققي كل القصيد ..
واضحكي .. يمكن تعاني !!
و لايهمّك ..
كلّه واحد ..
بس هذا القلب [ غير ] !
يوم شالك ..
صار عطْرك .. صار شالك !!

اضحكي بالله .. واجد !
ماضحك بعدك عليّ الا :
[ فراق ] .. وشخص جاحد !

[أحمد المطوع]

تجربة جديدة باللهجة اللبنانيّة آمل أن ترتقي بكم ..
آثرت أن اكتبها هنا كما تُنطق ..


الإهداء .. لصديقي الملحن اللبناني الكبير :
الأستاذ / سمير صفير


.
.



أدّ النار اللي بتحرئني لحظة ماتغيب ,,
كنت بحبّك ..
أدّ الشوء اللي يبعترني لحظة ما الآك ,,
كنت بحبّك ..
أدّ الإحساس ..
في ألوب الناس ..
أدّ الدحكات ..
أدّ الدمعات ..
كنت بحبك أكتر و اكتر ..


بدّك يانا نضيع ..؟
طيّب يالله ضيع لوحدك ..!
بدّك يانا نتووووه ..؟
لحظة حبيبي .. أوأف حدّك ..!


ما فييّ كفّي المشوار ..
ألبك هوّا ياللي اختار ..
تركني بحالي ..
غنّي موّالي ..
و
أوأف حدّك ,, أوأف حدّك ,, أوأف حدّك .

[أحمد المطوع]

.
.



ما فقدتك ..
ما فقدتك تدري ليه ..؟


خلْني أحكي لك حبيبي ..
إيش معنى اني أحبك :


يعني اِحساسي بـ " أناي " ..!
تكبر أكثر ..
و اعزفك ونّة ,, و ناي !
و افـ غياااابك .. آتبعثر !


تدري إش معنى أحبك ..؟
تعني لما تروح و تنسى ..
تبقى فيني ..
صورةٍ ترسم حنيني !!
و اشربك أكثر و أكثر ..
ليييين ألقاني عطشتك !!


أكثر من الأمنيات ..
اللي تتراكم بـ صدري ..
كنت ادوّرني في قلبك !!


أعذب من الأغنيات ..
امتلا صوتك بـ شعري ..
و دوزن احساسي بـ قربك !


عيّت جروحي تملّك ..
يا للي قلبي صار ظلّك ..
أفقد عيوني حبيبي ..
و لا تجي لحظة ..
و أملّك .

[أحمد المطوع]

.
.


أصعب شعورٍ ينرسم في عيونك
.................... لا شفت فيها هذي وقلبك بـ " ذيك " !!

[أحمد المطوع]

.
.




على أُبحُر ..
سنين أُبحُر ..
حنين أُبحُر .. و اشجانه
تذكرتك ..

أُبحُر الليلة .. بدونك !
مثل حضني !!
آآآه يا أُبحُر بدونك ..
مابقى به شيّ .. يغري
إلا جرحي .. إلا همّي !
إلا موعدك الأخير .. واحساسي بدونك
و بعض دمعي ..
اللي مَـ ارواني وصال ..
و لاشفاني !!



أُبحُر الليلة .. شجن
للقلوب اللي تذوب !!
أبحُر الليلة .. كفن
للبقايا .. و الدروب !!
أبحُر الليلة .. وطن
للنوارس .. و الغروب !!

اللي غنّت في وصالك ..
بس ليلة ..
صوتها صاير .. نحيب !
تبكي موعدنا الأخير ..!

,
,


يالله ياقلبي نروح ..
أُبحُر المرّة [ كئيبة ] ..
لاملامح .. و آلآروح !!
تنْظر بـ عينٍ [ مُريبة ] !!
ما تبينا .. ما تبينا !

[أحمد المطوع]

.
.



http://pix.nofrag.com/0/2/e/625bafa9a1cec93a0cbcc2c419e6c.png (http://pix.nofrag.com/0/2/e/625bafa9a1cec93a0cbcc2c419e6c.html)



رؤية / سمو الأرض :rose:

[أحمد المطوع]

.
.



خذني كلّي ..
مقدر اصبر ... و اعطشك أكثر و أكثر

خذني مجموعة شعور ..
تكتمل بك يا حبيبي ..
تنكِسِر " غرشة عطور " ..
لو فقدتك يا حبيبي ..!

انت زادي ..
انت شربي ..
انتشربي ... كلّي محتاااااجك يا كلّي
يوووووه لو تدري لـ حضنك ..
وش كثر محتاج صدري ..

خذني منّي ..
و الا منّي ... خذ غلاك !
مقدر اتحمّل خلاص ..
ياللي احساسي بوجودي ..
منتهي ... إلا معااااك !

[أحمد المطوع]

.
.



بقى له قلب ينبض بي هنيّا
_____________ و لو انّه بعيـدٍ ما تهيّـا
ثلاث سنين ينبت في عروقي
___________ غدى رمشي ظلاله لا تفيّا
حلف بالله لـ ابقى في عيونه
________ و حلفت آصون عهدي له حميّا
و لكن الزمان اسرف بـ غلّه
_____________ و ضيّع مابنيته في يديّا
على هون المصايب صرت اغنّي
_____________ بعد ما طلت بايديني ثريّا
ذخرته لليالي السود لكن
____________ سواد الليل وقّف لي و عيّا
بيبقى قلبه اللي قد ملكته
___________ علامـة فارقـة فيني " هنيّا "

[أحمد المطوع]

.
.


مساءً .. و الفضا وجهك !
نجومك .. غزوة اشباحي !
غباءً .. تختفي عيوني !
و اصوّت :
ضاع مصباحي ..
من اللي حرّك اعبائي ..
شياطينك / شياطيني !!؟

.

مربوطة عيوني ..
بارد جسد هـ الليل ..
من كحّل نجومك
,, تحت الفضا العاري ؟!

بعض الصبر حكمة
,, كِبْرَت مع الترديد !!

تحت الجفون اطياف
,, علامة الـ " تغْريب " !!

.

دعاءً .. كان ترديدك !
غباءً .. ضاع مصباحي !

[أحمد المطوع]

.
.


انتي لو ليلة تغيبي ..
حتى جدراني اتْألّم !!
و كل هذا الكون يصغر ..

تذكرين ..
لما قلتي لي بـ تجين ؟
صار كل الكون صدري ..
وقتها كن الثواني ..
خطوة الشيخ الهزيل !!
لين ذِبْت بـ ساعتك !!
و ما تجين ..

و اجمع اعباء انتظاري ..
و اذبل اذبل ..
و ماتجين .. تذكرين ؟

أنا للحين ,, لو تدرين
أمارس لعبة التخمين !
و اقطّف من ورق هـ التين ..
و اعلّقها على الموعد ..
وجهٍ حزين ..
و ماتجين !!
تذكرين ؟.

[أحمد المطوع]

.
.




[ 1 ]



هَا هوَ عِيْدُ ميْلادِكِ يَعودُني للمرّة الثانية ..
يَمُرُّني .. مُرورَ " اللئام " ..!
هَاهيَ جُدْرَاني تَنْتَحِب ..
هَاهيَ أحْرُفي حُبْلى بك ..
كلُ أَشْيَائي هُنا تَرْثيْك ..
تُصَلّي كل ليلةٍ بـ " مِحْرابِك " ..
تَبْتَهِلُ بـ تضرّعٍ و خشوع ..
أن تَعودَ لها الْحَيَاة .!



[ 2 ]



ما زالت أطيافُكِ تُشاغِبَ جفوني ..
ما زالت هَيْبَةُ عِطْرِكِ تمْلأُ أرجَاءَ صَوْمَعَتيَ الْعَتيقة !!
تُتَمْتِمُ جُدْرَاني اِبْتِهَالاتها ... بَحْثاً عَنْكِ !



[ 3 ]


حُبُكِ خَريْطَتيَ التي أَبَتْ أنْ تَرْسِمَ لي حُدُودَاً أو مَعَالِما ..!



[ 4 ]



أيَا رَاحِلة ..
بَعْدَكِ مَاتَ النْساء ..
ضُرِبَت الأُنُوثَةِ في عُقْرِ دَارِها ..!



[ 5 ]



لِمَنْ أَكْتِبُ أَشْعَاري
_________ و عيناكِ لَمْ تَسْكُنْهَا ؟
لِمَنْ أَعْزِفُ أوتَاري
_________ و إحْسَاسُكِ لَمْ يُطْرِبْهَا ؟



[ 6 ]



ما زَالَ للحَديثِ بَقيّة ,, كَمَا لِغِيَابِك كُلُّ الْـ [ بَقَايَا ] !



[ 7 ]


و .. " انْزُفُكِ " لا أَزَال !



الرياض 19 / 11 / 2008 م

[أحمد المطوع]

.
.



من الغباء ..
يضيع هـ الإحساس ..
و يكون في لحظة ( هباء ) ..!


بالضبط مثل " القلب " ..
لمّا يكون بدون ( باء ) ..!


بالضبط مثل " الماء " ..
و انتَ على جال الغدير ..
و لا تشرب إلا " الضما " ..!


مثل النوى ..
لا طوّل أحبابك عليك ..
و في عزّ يأسك و العنا ..
ترسم ملامحهم " سماء " ..
و تشربها من حرّ الضما ..
بس للأسف ... ما تشربه ..
من غير ...... آء ..!


يا سيدي المكسور ..
خلف المدى و السور ..
أتعبت " علّ " .. و " عسى " !


أنت .. و عيونك .. و المسا
[ صورة جميلة للـ غباء ] !!

[أحمد المطوع]

.
.



بين ايدينك ..
ذآآآب فـ شفاهي العتاب :
إنتي وينك ؟
و رحت اقبّل راحتينك ..
و اسأل جروحي من اللي :
أملك الدنيا فـ لقاها ..
و في الغياب .. تمتلي عيوني رماد ..؟
و ينتهي عمري فـ رجاها ..
تقول اِنتي .. و اقول اِنتي


و احتفل هـ القلب .. يضرب
و المشاعر .. يرقصون !
و هاجت الخمس .. الحواس
إنتي وينك ؟
و ارجع اتأمّل يدينك ..
[ لا تأمّل : كلّها ذكرى سنينك ] !!


" هذا صوتٍ كان فـ اِذني " ..!
و ارجع اسأل من جديد :
من هداني العمر .. عمر
من سرق هـ الصبحٍ منّي ..
تردد الأشياء : اِنتي ..

و اقول اِنتي !



المنافي .. خلّ وافي !
لـ انسان ضاع من الزمن ..
من لحظة فراقك ..
إلين ما بنتي !!
أوااااه يا إنتي ..

اسألي كل الأحبة :
من شَرَقْ بـ اسمك ..
و صار الحرف .. دمع ؟!
من إذا غبتي ..
يصير الصبح ليل ..
و اوصد أبوابه .. بـ شمع ؟!
من ملى طيفك ..
فـ جدرانه .. مصابيح !
ترجع حواسي السبع :
تقول اِنتي .. و اقول اِنتي !.

[أحمد المطوع]

.
.


ليل باااارد .. و اشتعلتك !
ذهن شارد .. و انطفيتك !
جمرة في وجه الرياح و .... زمهريرك !

اِحرقي شمسك فِـ شمسك ..
و اسألي البدر البعيد ..
من سكون الليل للفجر الجديد :
هو في هذا الكون .. مثلي ؟
بترجع اشيائك تقول ..
لا .. ولا فـ قلبه أحد .!

ألبس ثياب الغياب ..
و انزوي في وسط قلبك ..!
ترجع وجيه الصحاب ..
ما بقى لي غير حبك ..!

أوقِد اطرافي هبوب ..
تنتحر ألفين دمعة ... و ألف شمعة .. تحتريك !
من يدفّي الليل لا طاحت نجومك .... من يلمّك ؟
من يهندم للسما أجمل غيومك .... من يهمّك ؟

اِنزعي هـ البرد و اِلا ..
اِتركيني للهبوب ..!
أشتِعِل في وسط قلبك ..
ميّتٍ ما حدٍ درى بي !.

[أحمد المطوع]

.
.


رتّبت لك شيٍّ كبير ..
هـ الصدر منزالك .. و القلب مجلسك
و دمع العيون .. سحايبك مثل المزون !
و كل الجوارح أعلنت .......... في حضرتك معنى الخلود :
أما أكون ,, أو لا أكون !!


هذي الطعون .. الكراسي !
تخيّر لك ألم و اِجلس !
دام هـ الجرح .. ناسي
تقدر تخليني أحس ..
تقدر ترجع بسمةٍ .. .. من شفتي يا ما اختفت
و إن الأمل .. .. لا زال فـ الدنيا كبير
يا اجمل حياتي .. من تكون ؟


الألم .. لمّ السكون اللي تلبّسني فـ غيابك !
و الأمل .. ملّ و تركني غارق بمعنى .. إيابك !
و الأمان .. مان و رحل بي دمعةٍ تِثْمِل ثيابك !
كل هذا يا حبيبي ..
و آنا مدري .. من أكون !!.

[أحمد المطوع]

.
.



[ 1 ]

و حبيتك ..
ياللي هنا بيتك ..
خلّيت للناس بعضي ..
و شِلت أكثري ... و جيتك !


[ 2 ]

ياللي تمنّيتك سنين ..
قبل أعْرِفِك ... في دمعتين
ماظن تِنْكِر لهفتي ..
و اِنتَ معي ... و انزف حنين !


[ 3 ]

ما كانت عيوني تشوف ..
ما بين ظلمى ... و بين خوف
شمسك أبَت لا تِنْتِظر ..
شف كيف ... تجمعنا الظروف ..!


[ 4 ]

يا ماخذٍ كل الخيال ..
يومي مثل أمسي ... محال
بس اِنتْ ريّح خاطرك ..
و اِترك علي همّ السؤال .!


[ 5 ]

قِم غنّ لي عَذب القصيد ..
جوّاي نارٍ بي ... تِقيد
من يِزرع بقلبي غلاه ..
أموت أحبّه من جديد ..!


[ 6 ]

يا سيّد الأحباب ..
" تحبّك الأسباب " ..
قد قلتها مرّة ..
يا قلبك الكذّاب ..!


[ 7 ]

ناظر مكانك من زمان ..
وشلون فاقد هـ الأمان ..
حتى العروق اللي نشفَت ..
شِف كيف .. يبكيك [ المكان ] ؟!.

[أحمد المطوع]

.
.


تدري وش معنى التعب . .؟
إنك تحب . .!
و اللي تحبّه بين ايديك . .
و اقرب من انفاسك إليك . .


دايم عيونك تحرسه . .
و عيونه لك . . سكّة و بيت


تلقى الأمان افـ نظرته . .
و لو غاب لو لحظة بكيت . .!


تقول و انت تناظره :
لو أفقدك . . يعني انعميت !
و يزفر من اقصى خاطره :
أحيا أنا لو أفقدك . .
بس قبلها هـ القلب . . ميت !






معنى التعب يا صاحبي . .
ما هو الأرق هـ اللي تشوف . .
و إلا الشحوب افـ نظرتي . .
الموت لو تدري بعد . .
كل هـ المحبة تنتهي . .
باكبر سخافات البشر . .!


يا صاحبي بالمختصر . .
و الله زِهِقنا هـ الحياة . .
الموت أرحم من حياة . .
طريقها . . كلّه حَجَر !


أحسن نموت و لا نقول :
إن النهايات الجميلة ما تكون . .
إلا على غفلة ( ..... ) !.

[أحمد المطوع]

.
.


دوّريني . . في المنافي !
و اشربيني من فراغات الحنين . .
لـ آخر أطراف الغياب . .
فـ كاسك اللي قد رواني . .
و اتركي هـ الصبح يبكي . . . يبكي يبكي !
يمكن أوجاعه تصحّي . . . داخلك حفنة شعور !
لـ انكسر وجهه يدوّر . . . في إيابك بعض نور !
و لو تذوب فـ عين خلّك . .
نظرتك بيموت لكن . .
يبقى قلبه . . . أعظم أحبابك و ظلّك !

بس انتي دوّريني . .
و صدقيني لو أموت . .
يبقى فيني قلبك اللي . .
أقسى من يبكي علي .!

أقسى من يبكي علي .!

أقسى من يبكي علي .!

[أحمد المطوع]

لـ .. قلبٍ واحدٍ فقط ..!
.
.


سامحينا . .
يا القلوب اللي من أقصاها تحب . . سامحينا !
ما لنا فـ جروحنا ذنب . . . غير إنا . . وفينا !!
غير إنا لبسنا أقنعتهم . .
لين صرنا مثلهم . .
و ما بان فينا . .!


كل دربٍ للنهايات الأليمة . .
له مشينا . .!
و كل كلمة ,, كل معنى . .
و أجمل احساسٍ جمعنا . .
صدقينا لو نقول :
ما هو والله افـ يدينا . .
يوم ضاعت . .!


سامحينا يا القلوب اللي تفانت . .
من رضى يلبس وجيهٍ ما هي له . .
صدقينا . . ما صدق !
صدقينا . . ما صدق !
و الأكيد إن المحبة . . . يوم ضاعت
ما هو والله افـ يدينا . .


يا الله ننسى . . . ما علينا
و سامحينا . . . يا المحبة !.

[أحمد المطوع]

.
.



مع التنهيد ..
و ما خلّفته المواعيد ..
قضيت بك ليلي ..
يا لعبة العيد ..
صرتي لي القيد ..
و اقسى مواويلي ..!


يا حفنة الضيّ ..
ما في يدي شيّ ..
إلا عقارب ساعتي ..
تاكل خَضَاري من سَعَة !!


صار [ الألم ] قوت ..
يستنزف اعيادي ..
و عقاربي الـ " تابوت " !!
قيده أنا و العيد ..
و موّاله التنهيد ..
و لعبةٍ مكسورة !!
في قلب حاملها !!.


صوتية (http://www.4shared.com/get/171079745/b14d026a/__online.html;jsessionid=4F995E1167EA37F5FAA7EBFE4 E3DA912.dc156)

[أحمد المطوع]

.
.


توجعيني . .
لا غفى رمشك فـ عيني . .
و رحت أدوّرك افـ ضلوعي . .
و لا ألاقي غير صوتي . .
بعض أنفاسك و موتي . .!
توجعيني . . . و اِنتي أجمل من سكنّي

لو بتوفيك القصايد . .
لو بتوفيك الحروف . .
صدقيني لو أقول :
أصدق احساسي قصيدة . . . ما بعد قلبي كتبها
كانت عيونك و دارك . .
توجعيني . . . و اِنتي أطهر من من سكنّي !

يا الأمان اللي انتشلني . .
من غياهب ليلي الدامس . . . شرود !
كل شي هـ الليلة موجع . .
من أحبك . .
لين تسكن أغلى دمعاتك فِـ عيني . .

مُتعب الشوق لـ عيونك . .
ياللي خانت بي ظنونك . .
ينتهي هـ العمر كلّه . .
و لا تجي لحظة و أخونك !.

[أحمد المطوع]

.
.


... ... ... وآتسااااقط من أعالي هـ الحروف ..
ورق أصفر !
ورى هذا المدى باقي ..
مآذن تنده اشواقي ..
تسلّ الروح ... من روحي
حيّا على جروحي :



ركّز هنا .. طالع بوجهي ملامحك
.......... .......... .......... قد قلت لك لا غبت .. مالي ملامح
سامحتك .. و عيّت جروحي تسامحك
.......... .......... .......... و دعتك .. و عيّت يدك لا تصافح
و ذاك الأمان اللي نبت في مصافَحك ....
.......... .......... .......... كفّي .. و ذاك الشوق لا صار جامح
و دّعتها بـ شعور خيّب مطامحك
.......... .......... .......... و الحين شفني شارد الذهن سارح
منحتني أعظم شهادة مسارحك
.......... .......... .......... دور البطولة عشته بـ قلب فاضح
علمتني معنى غموضك فـ واضحك
.......... .......... .......... و موت الأمل وشلون يكتبه رابح
و علّمتني معنى الحياة ابـ تسامحك
.......... .......... .......... و في عزّ عثراتي .. أشوفك تسامح
شمس الأمل أرخت هدبها و جارحك ..
.......... .......... .......... خيّب يقينه دمع .. بـ الحيل مالح
الموت .. لا صار الوله حيل فاضحك
.......... .......... .......... ثم انكسر بك قلب .. لازال طامح
و الموت لا ضمّيت صورة مجرّحك
.......... .......... .......... و اودعتها ليلٍ سكن هـ الجوارح
و الموت لا شابت بوجهي ملامحك
.......... .......... .......... قل لي و حق الله .. وشلون اسامح ؟
و الحب لو هو مثل ماقلت ذابحك
.......... .......... .......... وش قولتك بالله .. في هـ المذابح ؟!.

[أحمد المطوع]

.
.


سافر . .
و اترك الليل لعيوني . .
و لهموم الوقت . . باكر

سافر . .
ماقدر اشوفك تساقط . .
لو كسرني ألف خاطر . .

كان لازم أعترف لك . .
إن هـ المرّة قراري . .
مو بيدّي . .
كان موت الحب . .
شيًّ إضطراري . .

آه لو تدري وش اللي . .
بعد هـ الموقف تغيّر . .
شيِّ أكبر من خيالك . .
لما قلب إنسان صادق . .
ينكسر قدّام عينك . .
و ما تحسّ . .!

يعني كل الكون في عينه تساوى . .
يعني لوّك من حياته ما انتهيت . .
الأكيد إنك من عروقه نزلت . .
و إن هذا الهم كافر . .

يا لله ســــــــــــــــــــافر .!.

[أحمد المطوع]

.
.



كثر ما يعْرَق لسانك بترديد الأغاني ..
غَرَق صوتي بترديدك .. و تجديد الأماني !!
على غفلة من الترتيل ..
نثرت أغلى عطور الوصل
على اهدابك ..
وغَفَتْ تهليل ..



قاسية كلّ الأغاني .. لو تغيبي
قاسية كلّ الطرق .. والمسافات ..
ونصيبي !


قاسية كلّ الملامح ..
و اخضر طعونك .. ووجهي
لما تكْسره المرايا ..!

حتى وجهك يالمدينة .. حيل أرهقني شحوبه !!
صار بغيابك ضباب !!
حتى دمعي اللي تبينه .. صارت أنفاسك دروبه !!
وصارت عيونك كتاب !!
وليه طيّب كلّ هذا ؟
وانتي أقسى من غرس خنجر غيابه ..
وانهال في وجه الأغاني ..
دون ذمه .. !!


قاسية كلّ الخناجر ..
اللي مغروسة بصدري ..
مثل بُعدك .. حيل [ فاجر ] !!
كلّ هذا .. وماكفاك ؟
يا انتِ جيوش عتيدة ..!!


سمّعيني .. كيف [ نبضك ] ..
لمّا تشعلك الأغاني .. في غيابي !
سمّعيني .. كيف سوّت
[ الشبابيك القديمة ] في عروقك ..؟


رددي أعذب شجن ..
واعزفي جروحي ونادي :
[ للمواعيد القديمة ] و بوح / صوتي ..
من تشقّق فـ المدى ..
و اشجاه ترديدك !!

عِجِز يوصل ..
ذرته الريح في صوتك سنابل ..
و انحنى لليل .. ذابل !


كثر ما يعْرَق لساني بترديدك على لحن الأغاني ..
غَرَقْ دمعي بمنديلك ..
ولا ملّ الأماني !.



استماع , حفظ (http://www.4shared.com/audio/u9NE49EA/__-___.html)

[أحمد المطوع]

.
.


إنتي يا حسّاسة ..
نامي يكون أحسن ..
شاعِرك ما يضمن ..
قلبه ... ولا احساسه
دايم تصيح وسادته ..
عيّت تغيّر عادته ..
كلما نبض قلبه ..
رماه بك ../ داااسه !

آسف على الإزعاج ..
و الشوق و الإحراج ..
مع قلبي و عيني ..
ياللي عقدتّي حجاج !

هذا المسا بارد ..
في ذهني الشارد ..
اللي تِعِبت آجمّعه ..
من قلب هـ المارد !

قروك في حرفين ..
هناك وسط العين ..
لك هـ الحنين المرّ ..
ما يكتبه سطرين !

يا روحي يا بلادي ..
هذا الألم ../ سااادي
لا صوّتت فيروز ..
غنّيت يا شادي !

لو شوقي الليلة ..
هدّ الصبر حيله ..
بالله قولي لي ..
وشلون أنادي له ؟!

يا ام الهَدَب و الليل ..
جبينك القنديل ..
ماقوى أخونك لو ..
فسّرتي هـ التأويل !.

[أحمد المطوع]

.
.


ما وصلت ..
أذكر اني كنت أمشّط هـ الطريق ..
و اتوسّل خطوتي ..
خايف السكّة تضيق ..
ولا ألاقي .. إلا صوتي !
أجهش الموقف بكائي .. بالدعاء !
و احدودب الصبر ..
و صرت سيّد هـ الرصيف !


أجمع أصحابي فـ صدري ..
وجه وجه !
وآتأمّل هدير الماء ..
أعشاب في جلدي تنامى ..
من قلوبٍ آمنت بي ..
الـ فسوق النظره الصفرا ..
في عيون العابرين !


أخذت من ظلّي الشحوب ..
وقلت أنسى ..
و استمرّيت افـ دعائي ..
قلت : أطاول هـ الطريق و خطوتي ..
مُدهش الحزن الفجائي ..
يِخْرِس أفواه الشوارع ..!
ودي أعلن إنتمائي ..
بس هذا الحزن .. فارع !
كانت أرصفتي تنادي :
و ين سيّد هـ المكان ..؟
حتى أرميني عليه ..!
كنت تايه ... بين ماء و إنتماء
مدري ويني !


يا صوتي الواقف تموت ..
ما بيني و ظلّي ..
يشيب في حلقي السكوت ..
غيرك .. أنا من لي ؟


يا عابر فيني هناك ..
قلّي إذا وجهك نساك ..
و حلمك توسّد إصبعك ..
و جمعت بعضك من أساك ..
من هو اللي يسوى أدمعك ..؟


ما بقى حولي سوى
...... بعض أشجارٍ و ظلّ
حزنٍ افـ صدري ذوى
...... و ليل من جفني يطل



نفضت من الغبار عيون ..
وقلت آهندم شحوبي ..
مدام إن الطريق الناس ..
و ارصفتي الكراس ..
يصير أجمعك يا حظّي ..
و أنسى نفسي و الطريق ..
و ارمي أعبائي على هذا الرصيف ..
و ترحل النظرة هناك ..


ذيك المحطة ... بااااردة
تستوعب همومك فقط ..
إسرق ثواني .. شاردة
و اكتب حروف .. بلا نقط
خلّك مثل هذا الرصيف ..
بسيط .. لكنه مُخيف !
و قل للطريق إنسى .

[أحمد المطوع]

.
.


لايفوتك ..
رحت أدوّرك فيني ... البارحة
و لا لقيت إلا صوتك ..

ماكنْ قلبك شافني ..
أو حبّني ليلة ..
ما كنْ قلبي عافني ..
في غيبتك ليلة !

مدري وش اللي تغيّر ..
كنت كلّك فيني ساكن ..
اتحسس في غيابك ..
فيني وحشة هـ الأماكن !

وين راحت رهبة غيابك فـ صدري ..
وين راحت ؟
وين ذاك اللي إلى منّك زعلت ..
زلزل أرجائي ... و جيتك
كل ما فيني بيتك ..
لهفتي /.. خوفي عليك
آآآآهـ منها /.. ومنّك
و آآآآهـ من صوتك حبيبي ..
يا حبيبي ..
لما كلّك تختفي ..
و لايجيبك حتى صوتك ..
و كل مافيني يفوتك ..
و انتهي بك منك ..
و أنساني معك !.

[أحمد المطوع]

.
.

الساعة : إنتي و نص !
فيني أقدّمها ..
و تصير إلا ربع ..
و عقاربي ترقص !
قومي و حبيني ..

الساعة إنتي وعمر ..
لا مابعد عشته ..
لكني أحيا به ..
ليل /. و حنينٍ مرّ ..
و شيٍّ على هـ البال ..
يمرّني غربال ..
علّق لي أهدابي ..
صار انتظاره جمر !
قومي و ناديني ..

الساعة إنتي و خوف ..
كافر .. ولا يوحي !
ينهش وسط هـ الجوف ..
ينسلّ من روحي ..
ما يسمعك /. أبكم !
قومي و ضمّيني ..

الساعة إنتي و همس ..
لاتصدقينه دوووم ..
لو هو لِبِسْك هدوم ..
بعض السوالف ... لمس ..
و شاعر مهزوم ..
دايم يصدّق كذبته ..
يقول " أحبك " للأخير ..
و يرجع يكسّر /... لعبته
بقولته : مهموم ..!
قومي و غنّيني ..
ما قلت لك شاعر ؟!.

[أحمد المطوع]

.
.

في غيابك ..
قالوا إني كنت أخونك ..
كنت أخونك في عيون الناس لمّا ..
تختصرهم في عيونك ..!


كل شيٍّ فيك ... ياخذني معه !
طيبتك /.. خوفك علي
لمسة يدينك .. حنانك
صوتك اللي .. كل ما ضقت أسمعه !
همسك اللي ترجمه دمعي : أحبك
لِينك اللي خلّى قلبي .. جوّا قلبك !


حاولوا بي .. من عيوني ياخذونك
مالقوا بي .. إلا قلبي في عيونك !
وإني أجمل حيل أجمل ..
لما شافوك فـ عيوني !
قالوا إن الروح تكمل ..
يامعك و إلا بدونك ..
ولما شافوك الذهول ..
صار منطق حكيهم !
أدركوا معنى .. أحبك
و إن هذا العمر كله ..
يكتمل بس .. فـ عيونك !.

[أحمد المطوع]

.
.


قد ما فيك تبعد .. اِبعد
اِملى هالكون فغيابك ..
لا تخلي للأمان فرحلتك أي بارق ..
اِحمل أعبائك .. و فارق
دام حتى الارصفة ..
ما قوت حتى تشيلك !!
اِترك الدنيا أمامك ..
و دير وجهك للسما ..
الأرض مليانه ضما ..
والعشب الاخضر .. سالفة
نرويها للي بعدنا ..
لأجل الأمل يكبر ..
و ينسى الزمان يعدّنا !
و اللي بذرت أمك سنين ..
تسنْبل فبطن الجراد ..
لا لاتحاول تحصده ..
و القيظ بدده البراد !
واِضحك إذا خاب الأمل ..
لانه غدى لعبة !
بتموت ما حققتها ..
و تموت لو حققتها ..
ولان النتيجة واحدة ..
بس اختلاف المفارق ..
ولان الألم فارق ..
احمل أعبائك و فارق !.

[أحمد المطوع]

.
.


حبيبتي إنتي
و الناس و الذكرى
و اللي ترك باكر
سطور جداً باهتة
عجزت أنا لاقرا !
لو همّي الكافر
يترك ( بقايا الوسم )
و عيونك تسافر
... لوحة ( بيوت الطين )
و عاشقٍ ما طال
من غايته إلا
دعوة عجوزٍ طاهرة
مرسومة فوق الجبين
ولا تسألين ..
العاشق اللي مارحل
ولا قدر يوصل
مشتاااقلك ،، وجداَ حزين !.

[أحمد المطوع]

.
.


من ايدك ذي لـ ايدك ذي ..
شف اللي بس يرجعنا ..
وانا حاضر .. وممنونك
أبيع الدنيا لـ عيونك ..
ولا أترك في نفسك شي ..

أنا اللي من تفارقنا ..
إلين اليوم ، إلى باكر
إلى .. مالا نهاياتك
و انا تارك لك عيوني ..
على المفرق .. ورى سْهادي !

و أقضّي ليلي البارد ..
أعدّ أوراق رزنامة ..
تركتيها تحت جفني ..
وانا اتحرّاك ..
و اقول الله ياهادي !.