حنانيــ .. آت !

[عبد العزيز الجرّاح]

ما خذاني منْك إلا .. حاجتين :
"طيفك" اللي من حضنته .. نام بعيوني .. وخايف لو صحيت
ترمش أهدابي ويصحى !

و"حبك" اللي من نبضته.!
صرت احس اني بدوني .. من كثر منتي "معاااااي" .. وقلت :
يا تحنان مرحى ! :)

[عبد العزيز الجرّاح]

تقول : تذبح
وانا اقول : موتي..!
الغصن غصني
وّذا التوت توتي ..
بـ آتفيا الغصن .. واقطف ما تهيا..!
واليا شهقتي
وّذا حال صوتي ..
مرّي بصدري
مع انفاسي وفوتي ..
ومن اهنيا :Heart:
قولي أحبك .. وانا اقول : موتي..!

عبدالعزيز الجرّاح

[عبد العزيز الجرّاح]

إنتِ لوني ،
وكل لونٍ تلبسينه ..
صار لوني
وصرت أحبّه يا عيوني ..
ولو أقول :
إنك جنوني لو نفوني
أدري إنك تعشقيني
وتكرهين العمر دوني
وانتي كوني
وأدري إنك تشعريني
من عيوني ..
إنتي كوني ..

[عبد العزيز الجرّاح]

اليآسـ/مييين.؟
لجل يسكن .. في حنايا الياسمين .!

[عبد العزيز الجرّاح]

ضاع الكلام ..
وانا في وسط صدري
زحاام ..
شعر و احساس وغرام ..
وشلون ضيّعت الكلام .!؟

ودّي أقول :
اشتقتلك ، واحتجت لك ،
والشوووق لو مايقتلك ،
شفني بموت اشتقتلك
لا تقول أنا ما قلتـلك

يا وارفه ،
يا ليــت نظره خاطفه ،
أشواق قلبي عاصفه ،
عذري جنون العاطفه ..

احتااج ــلك دايم معي ،
وانتِ هناي و مدمعي ،
و قربك ،
رضـاااي و مطمعي ..

[عبد العزيز الجرّاح]

من عشقتك .. صارت افعالي .. مضارع =وكل ماضي .. قبل اعرفك .. ما ذكرته !
من عشقتك .. اشعر اني .. صرت بارع=واشعر اللي .. قبل احبك .. ما شعرته !
لا غفيتي .. انطفت كل .. الشوارع=ونامت القمرا.. وانا ليلي .. سهرته !
ولا صحيتي .. ينبثق فجر .. المزارع=ويزهر الرمان .. لو غصنه .. كسرته !

[عبد العزيز الجرّاح]

خفوقي أزفر همومك .. "تنفس" .. من "أمل" بكره
. . . . . . باكر صُبحنا يشرق .. "يغرّد" في الصدر .. "عصفور"
خفوقي " هالحياااه اجمل " .. من انك تحزن وتكره
. . . . . . ترى قبل الظلام .. "النور"، ترى بعد الظلام .. "النور"

[عبد العزيز الجرّاح]

ورب الناس ،
أمانه يا بعد هالناس ..
إذا جا للخيانة كاس ..!
هنا لازم تدق اجراس ..
في قلبك :
وفا نبضك .. وفا حبـك..
في روحك :
وفا بوحك .. وفا جروحك..
وكثير اشيااء في ذاتك ..
مع مرآآتك ..
ويتكسّر : على إحساس.؟
انا له لو تخون الناس ..!
عشقٍ ما وصله قياس ،
لين تموت بي الأنفاس ..
ورب الناس ..

[عبد العزيز الجرّاح]

،
،
تعلّق فيك ،
مثل طفلٍ .. تعلّق في مراجيحه ..
تعلّق فيك ..
سقط منها.. وكانت موجعة الطيحه !
ونسى يبكيك !
تعلّق فيك ..!

[عبد العزيز الجرّاح]

مامن فـ السهر شي ٍ،
سوى طيفك يناجيني .!
لامن غيّبت صوتك .. ظرووفٍ ما تخليني .!
تزرع فـ الصدر آهٍ .!
توجعـني وتشقيني .!
ولا به غيرك فـ بالي.. وانا والله بـ لحالي .!
ياكود معاي جوالي .!
أطالع شاشته ودي ..
"حلم عمري" تكلمني .. حنان وحب تغمرني ..
وتلهمني ،
قصايد حب تكتبني .. غرام وعشق تسكبني ..
وتشربني ،
حنانٍ لا بغت تعرف .. غلاها فـ قلب عاشقها..
تجي تقراه بـ شفاتي ، في وجهي وفي عيني ..

[عبد العزيز الجرّاح]

يسعد مسا روحك .. وهيبة عيونك = ويسعد مسا قلبٍ ..على الخير يغتاب
ياشين وقتٍ .. لا سهرته بـ دونك= ويا ثقل دم الليل .. كانه بلا أحباب

[عبد العزيز الجرّاح]

قربيني لين أنفاسي .. مع أنفاسك تذوب =وأشربك لي حلم عمر .. وتشربيني لك حياه
قربيني لين همك .. يا غلا عمري يتوب=ولك ابهدي .. كل حبي .. لك ابهديني معاه

[عبد العزيز الجرّاح]

احتاج ـني شاعر..
إلى ضاق صدري .!

[عبد العزيز الجرّاح]

من سنين :
وكل صبحٍ عانق عيوني حزين .. وكل صوتٍ مر في صدري أنين ..
وكل ليلٍ ينثر الهم الدفين ..
وآه يا طول السنين ..

من سنين :
و ليلتي هم ومدامع .. خافقي نبضه مواجع .. و الحزن عيّا يوادع ..
وآه ياطول السنين ...

من سنين :
وشاعرك يشكي عذابك .. وكل عرقٍ في خفوقي ..
اكتوى بحرقة غيابك ..
وكل نبضٍ مر في قلبي .. يا قلبي حكابك ..
وآه ياطول السنين ..


من سنين
وكنت أوصيها عيوني ما تخونك .. مثل قلبي يا بعد قلبي تصونك ..
لو أعيش العمر يا عمري بدونك ..
وآه يا طول السنين ..

من سنين :
وإنتي وصلك أمنية و حلم و طموح .. وإنتي فيني تعشقك ألفين روح ..
ويا كثر مابي ولا أقدر أبوح ..
وآه ياطول السنين ..


من سنين :
وإنتي فيني تكبرين ... حب و اشواق و حنين .. ولو تجين أو ما تجين ..
أعشقك كل السنين ..
أعشقك كل السنين ..

[عبد العزيز الجرّاح]

كل ليـلٍ مر من دونك عتـيم = وكل صبحٍ مر ما جابك حزين
ياعظيمة صرت في حبك عظيم= قبل " احبك " مالها طعم السنين

[عبد العزيز الجرّاح]

أنت الصباح .. وضحكته .. وابتهاجه =لا صار جاني منك .. شي ٍ رضيته
واكتبك شعرٍ .. منْك ، فيك .. انتهاجه= لولا وجودك .. يا حبيبي .. جفيته
مدري ولكن : كيف لوّ انتواجه ؟! = الظاهر ان العمر .. قبلك بكيته

[عبد العزيز الجرّاح]

يسعد صباح اللي .. خذتني من اقصاي= الجادل اللي صعب أوصّف غلاها
هي نبض قلبي .. حلم عمري ودنياي = وأنا الحبيب اللي فهم محتواها
طفلة لها هيبه .. وتسكن حناياي = الفكر كبّرها .. وزوّد حلاها

[عبد العزيز الجرّاح]

كيف أنام؟ وصوتك أنتِ ما سمعته !!= كيف أنام؟ وسحر صوتك يعتريني !!
كيف أنام؟ وكل شوقي لك جمعته !!= كيف أنام؟ وكل هذا الشوق فيني !!

[عبد العزيز الجرّاح]

قبل ما يشرق صباحك .. وأنبثق للعيـن نـوره=كن همي ينسج خيـوط الظـلام .. ولا نسانـي
ويوم جيتي يا صباح الحب .. يا روعة حضـوره=أمطرت غيمة "حنانك " .. وأروت عروق المحاني
وأورقت أغصان عمر ٍ .. ذابله قبلـك زهـوره=وابتدى مشوار " حلم العمر " .. يـا درّ الأمانـي

[عبد العزيز الجرّاح]

مجنونة الروح .. روحك ليه تسرقني = ليه الثواني بدونك مالها داعي
ما أجمل العمر يومه فيك يحرقني = أنسى همومي وحزن القلب وأوجاعي

[عبد العزيز الجرّاح]

يا لاهية عني .. وأنا فيك مشغول = هدّي بعض شوقي .. لو هو برساله
والله فيني شوق .. ماهو بمعقول = يمكن يفوق أشواق .. أب لعياله
اللي له سنينٍ .. سجينٍ ومعزول = من بعد عشر سنين .. فكوا حباله
يوم سجنوه بجرم .. غامض ومجهول = تخيّلي بالله .. يا ويش حاله ؟!

[عبد العزيز الجرّاح]

من يشبهني،
و أنت تكتبينَ من دمي : قصيدةَ حبّ
فأتساقطُ لكِ
قطرةً ، قطرةً
حتى تكتمل القصيدة.

[عبد العزيز الجرّاح]

من يشبهني،
وأنتِ تزرعينَ في صدري : سنابل غيابك
فأبتسمُ،
و أمضي في مساحةِ حزنٍ تشبه انتظااارك ..

[عبد العزيز الجرّاح]

من يشبهني،
وأنتِ تسكنينَ بين النبضِ والنبض ..
أشتاق إليكِ،
أرددُها،
يورقُ من ابتسامتكِ حديثُ الزهرِ ..

[عبد العزيز الجرّاح]

من يشبهني،
و أنتِ تحضرينَ كـ حلمٍ أبيضَ ..
ياسمينةَ روحٍ
أتنفسها عطرًا
أضمها في حنايا الروحِ
"أمنية".

[عبد العزيز الجرّاح]

الله يبارك يا غناتي بيومك = ويسعد خفوقك في كثر نبضاته
واللـه يجلي يا غلاتي همومك = حظك يقوم وتنتهي عثراته
فاقدك يومي و مشغلتني علومك = أكثر دقايق يومي وساعاته
عسى قوية يا حبيبه عزومك = م.أبغى خفوقك يمتلي بآهاته
وان كان عني غيّبتك غيومك = قلبي وصالك يحتري قطراته
من زود شوقي ياهواي الومك = ليتك تشوفي بالخفوق سواته
واللـه احبك واسأليها نجومك = دايم أسولف للسما ونجماته
وما دام سلمي وافقته اسلومك = الله يبارك بالهوى وخطواته

[عبد العزيز الجرّاح]

ما يموت الحلم .. دام القلب ينبض .. في غرامك .. يا غرام الوايلي = ولا تجنَّب من دروب الوصل دربٍ .. ياخذ ايديني .. ويشعرك بدفاها
لين ما يصبح حقيقه .. حلمنا اللي به حلمنا .. يا حناني يا هلي = وافتخر بك لين راسي .. يطرف أهداب السحاب .. وينتثر ماها

[عبد العزيز الجرّاح]

ملح يومي يا صباحاتي صباحك = والله ان آمووت بـ.اشراقة صباحي
ينشرح صدري إلى شفت انشراحك = ضحكتك تفتح آفاق انشراحي

[عبد العزيز الجرّاح]

لو يخون البحر ملحه والنوارس = والطيور يخونها الغصن وليانه
والأصايل دوم تكبو بالفوارس =والعزيز يعود ما يلقا مكانه
والله أنك سيّدي للقلب حارس = عاد لااوصيك في حفظ الأمانه
وكان ودك في جنون الحب مارس= نشوة المجنون في روعة جنانه

[عبد العزيز الجرّاح]

يا عطر ..
ورد الياسمين
يـ اطهر ..
قلوب العاشقين ..

بالله ،
مثلي تسهرين؟
تكتبين و تمسحين؟

بالله،
فيني تشعرين ..؟
وش كثر ودي ..
تجين ...
شاعر الصبح ..
الحزين ..

[عبد العزيز الجرّاح]

قرّب مدام اللي مضى حي ما مات =أزرعك في صدري وانا القلب بيتك
يعني نعيش الجاي عن كل مافات=صعبه اعيـش العمر دونك فديتك

[عبد العزيز الجرّاح]

يا روعة "أول عيد" .. يجمع هوانـا =صباحه أجمل من صباحات الاطفال
من زود سعدي كن محدٍ سوانـا =عيّد ياروحي بـ.اول ايام شـوال
العيد هذا من السعـادة عطانـا=عيدٍ سعيدٍ كله اشـواق وآمـال
والعيد الآخر فيـه "فرحـة لقانـا"=ماهي مثل فرحة سواليف جـوال

[عبد العزيز الجرّاح]

مد كفّك ،
لا تكف الما وأضمى
مد كفّك ،
دونك الخفّاق أعمى
هذا كفّي ،
يشتهي لمسة يديك ..
هذا حرفي ،
يبتدي منّك وفيك ..
مد كفّك ،
قرّب الحلم البعيد ..
مد كفّك ،
نكسر الحظ العنيد ..
هات يدك ،
نرقى ياخلي سمااا
هات يدك ،
نهجره عالم دُمى ..
مد صوتك ،
خلني أسمع صدااااه ..
دون صوتك ،
مالها طعم الحياااااه ..
مد كفّك ،
لا تكف الما وأضمى
مد كفّك ،
دونك الخفّاق أعمى ..

[عبد العزيز الجرّاح]

وينك ؟!
تغيب ولا قضى دينك ؟!

وينك ؟!
عهودٍ بيني و بينك !!

[عبد العزيز الجرّاح]

لو يطول الصمت وايام انتظاري = عهدٍ علي والله م.انسى صباحك
البعد ياعمري فلا غيّر مساري = راضي مدامٍ ف.البعاد ارتياحك
حتى لو انه فيه كل انكساري= عادي وربي دام يعني نجاحك
أحيان أشعر يا غلا ب.احتضاري = لكن تناسي لا يضيق انشراحك
مبسوط دامٍ فيك يبدا نهاري = وأقول : أحبك .. يسعد الله صباحك

[عبد العزيز الجرّاح]

ودي أضمك في عيوني وانامي=دام بعيوني آمني لا تخافين
أعوام ادوّر على مثلك غرامي=واعوام مثلي بـ البشر ما تلاقين
عاشق وشايف في عيونك مقامي=شاعر وصرتي في قصيدي عناوين

[عبد العزيز الجرّاح]

لا تحسبين القلب هجرك يهابه = قلبي واخبره ما يهاب التجافي
غيبي وقلبي لا يهمك صوابه = ياللي غيابك على قلبي عوافي
غيبي وباكر تمتلّك الكآبه = ثمٍ تجيني تطلبين التصافي
لانه غرامي مثل عشق الكتابه= منهو عشقها ما يعاف القوافي
لانه وصالي مثل رش السحابه = يروي ضماك وفيه أقول اعترافي:
إنّي وربي فيك مغرم صبابه= وإنّي أحبك حب عذبٍ وصافي
وإني كما صدر الفضا بالرحابه= وقلبي أعرفه بالهوى دوم وافي
أنا السؤال المستحيل يتشابه= وأنا الجواب المستحيل اختلافي

[عبد العزيز الجرّاح]

غمض عيونك ونام ، وخله إحساسك ينام ،
عادتك قبلي تنام !
وإن قلت لك ماهو حرام ، تهمل شعوري وتنام !
صدق أنت وروح نام ..
وينك و وين الغرام ؟!



مو جديده ،
تاقف أنفاسي بصدري .. وأنت تدري !
مو جديده ،
أزفر انفاسـي بصبري .. وانت عذري !
وجايني تبغى تنام؟! .. كل أحاسيسك نيام !
صدق أنت و روح نام .!
وينك و وين الغرام؟!

خلني للضيق والحزن وعناي : والسهر و الهم و الليل الطويل
والجفا والبرد و الشوق وبكاي : والشقا و الجرح والصبر الجميل
وكلّ هذا مو حرام ؟! لا سؤال ولـ اهتمام ..!
صدق أنت و روح نام
وينك و وين الغرام.!
وينك و وين الغرام.!

[عبد العزيز الجرّاح]

أنت ياللي صباحك وردتين وقصيد = وشاعرٍ من ضلوعه لك يطيّر حمام
سرب يوقف بدينك يالقريب البعيد= لك هديله مشاعر مع سلام وغرام
وسربٍ آخر يمثّل دور ساعي البريد= منْك ياخذ علومك يا خصيم الظلام

[عبد العزيز الجرّاح]

انتي معي من دون لاخذك وياي = وآنا معك لو كان وحدك بقيتي
يكفيني ابدى فيك صبحي وممساي = ويكفيك شمعه في حياتي ضويتي

[عبد العزيز الجرّاح]

يا صبحك اللي ابتدي به جديدي = لاسترسلت أنفاس صدري تعابير
يورق على أغصان صبحك قصيدي = لين ان من صبحك تغار العصافير

[عبد العزيز الجرّاح]

نامي على إحساس .. قلبٍ يحبّك = واصحي على إحساس .. عاشق جنونك
مدري علام الليل .. دايم يسبّك؟! = يمكن عشان الصبح .. نام بعيونك.!

[عبد العزيز الجرّاح]

كــل يــوم راسلـنـي .. عـلــى أوّل الـصـبـح=من قال فيها ازعاج.؟! وصلك ضروري
والله لـــو بـدلــت .. حــرفــك مــــع الــرمــح=لااقــول رمـحـك .. مــن دواعــي ســروري

[عبد العزيز الجرّاح]

جيت ارسم البسمة على شفتينك = وامسح دموعٍ من عيونك تناثر
وازرعك في صدري واعوّض سنينك = ويقوم حظٍ بالهوى كان عاثر
واهدره دمي لجل لحظة حنينك = ما عاد تفرق كان عمري تداثر
ليتك قريبه كان أقبل يدينك= وحبك بقلبي كل دقه يتكاثر

[عبد العزيز الجرّاح]

واتنفسك عطر .. ان تبخّر .. تبخّرت = لا تكسري في يوم .. قنينة العطر

[عبد العزيز الجرّاح]

من يوم غبتي والليال اتشابه ! =ولليوم مدري ليه كان ابتعادك ؟!
ليل وسهر وهموم ، ضيق وكآبه ! =حزن وأرق واوجاع جرح افتقادك !

[عبد العزيز الجرّاح]

أدري بأني أوحشك كل ساعه= واني على بالك ولو فيك ضيقه
وادري بعد تدرين فيني طماعه= يومٍ يمر بدون صوتك م.اطيقه
وادري بعد تدرين مر القطاعه = والحال من بعضه دقيقه، دقيقه
وتدرين عندي في غرامك مناعه = ماغيرك أحدٍ معه مني وثيقه
وادري بعد هالكون رغم اتساعه = مثلي فلا تلقين في هالخليقه

[عبد العزيز الجرّاح]

رفيق ليلي هالشعر، كيف أخليه ؟!=محدٍ يخلّي في الليالي رفيقه
هذا خويي دونه الليل م.اقضيه =مبطي وانا وياه خوّه وثيقه
وان كان يجفاني فلاني بجافيه = أشعر معاه طيور روحي طليقه
الشعر يحييني وانا دايم احييه= واتنفسه لا صار في الصدر ضيقه
م.اذكر عصاني لو صعيبه قوافيه = كل ما ندهته صوبي يعرف طريقه
مجنون شعر واعشقه حيل واغليه= وحرفٍ كتبته صعب يخفت بريقه

[عبد العزيز الجرّاح]

جيتي بدربي لين صرتي بقلبي = صدفه وتسوى بالهوى ألف موعد
في حين غيرك يحلم بيوم قربي= شرّعت لك بابٍ له اسنين موصد

[عبد العزيز الجرّاح]

وافتقدني عشق والقاني وحيد = في غياهب ليلتينٍ غيّبتك
واتساءل ليه تبقيني بعيد؟ = خايف الأيام بعدي عذّبتك
هذي الأشواق تكتبني قصيد= وادري انها شيبتبي وشيّبتك

[عبد العزيز الجرّاح]

مرّت عليّ اسنين حزن ومصايب = من قبل تشرق في صباحي صباحي
الهم في قلبي كتايب ، كتايب= من زود حزني اقضي الليل صاحي
واليوم جيت تحث سير الركايب = لين ان نورك شّع واطلق سراحي
أنت الحبيب اللي له اسنين غايب = اللي معه والله تبرى جراحي
لا ياحبيب الروح سيد الحبايب = بعدك عناي وجيت معك ارتياحي

[عبد العزيز الجرّاح]

مجنون هذا الصبح سبّة جنوني = حتى توافق مع جنوني جنونك
كثر الرسايل ما يشبّع شجوني = وادري فلا والله يوصف شجونك
الحب أسمى من قوافي فنوني = وارقى وأسمى من بيادر فنونك
الحب نعمة تنتخي قدروني = الله يحفظ ناسٍ يقدرونك
ودي عيونك لا ضمت يشربوني = لنّه عيوني لا ضمت يشربونك
ماغيرك أحدٍ إيه يملا عيوني = وادري بأني غيرهم في عيونك
يوم اتصالي من دوافع جنوني = جاني اتصالك من دوافع جنونك

[عبد العزيز الجرّاح]

بيني وبين الصبح عهد ومواثيق = ما نام انا ليلي ولا الصبح يبطي
ما دام فيني من الحزن فوق ماطيق = سود الليال من المواجيع حطي

[عبد العزيز الجرّاح]

ارتعش هالقلب من صوتٍ حنون = لين روحي لك خلتني وراحت
وجيتلك تايه وأنا قلب وعيون = وابتسامة جمرتين التوت لاحت
وامتزج عطرك مع انفاسك دخون = لين والله شمعتين الشوق ساحت
ويش أسوّي بي وانا كلي جنون؟! = اعذريني لو عزوم الصبر طاحت
لا تلوميني وأنا اشوفك فتون = لو شفاتي كل ما فيك استباحت
يالله اخذيني على عذب المزون = ياجنوني لو شربت أنفاس فاحت

[عبد العزيز الجرّاح]

ودي اجمع مع جنوني جنونك = ودي اوصل معك شي ٍ ما وصلته
ودي آخذني واقدمني لعيونك = وتعرفين اللي لك بقلبي حملته
ما أعيش العمر بعد اليوم دونك = والله ان العمر فدوالك جعلته
قولي لصوتك على "الجرّاح" هونك = لا تقول الناس إن انتَ قتلته

[عبد العزيز الجرّاح]

قبـل امـل الشـعـر وازهــق منْه جيتي = جيتـي وانتِ مُلهمـه بكـل المواسـم
جيتي نورٍ يشعل الشعر و ضويتي = جهزي للشعر في الصبح المراسم

[عبد العزيز الجرّاح]

ياخذ صباحي نكهتـه مـن توتـك=ويفـقـد مسـائـي روعـتـه بغـيـابـك
مابيـه صبـحٍ مـا يجيبـه صـوتـك=م.اسهره ليلٍ ما تجي واحضابك

[عبد العزيز الجرّاح]

ظميتك كثر ما صوتك .. شربته ليلة البارح =ظميتك كثر ما كنتِ .. بعيده والأمل مفقود
ظميتك إيه يا حلمٍ .. يعيش بفكري السارح =ظميتك كثر ما ودّي .. اشوفك واقعٍ مشهود
ظميتك ما قويت أنكر .. وأكون لخافقي جارح =ظميتك لو شعوري لك .. تحسينه معك محدود

[عبد العزيز الجرّاح]

شلال شعره فوق متنه تنثّر= ليلٍ عرف مقدار هيبة نهاره
يا ويل قلبي كان حظي تعثّر= ان كان ماشفته ولا جيت داره
الدم والله بالعروق يتخثّر= والشوق يشعل بالمعاليق ناره

[عبد العزيز الجرّاح]

صدري تشرّب حزن يومي وليلي= وانقطعت انفاسي وانا حيل مخنوق
والهم قيّدني ولا اطلق سبيلي = كنّي خصيمه ولاانا منْه مخلوق
ياويل حالي ، ويل ويلي و ويلي= عظيم حزني ذوّب عيون وعروق

[عبد العزيز الجرّاح]

حي صوتٍ لا لفى يروي اعروقي =يوم جفّت من غيابه ما جفيته
يوم غاب ولا شعرها نار شوقي = ذلك اللي بآخر اعماقي نفيته
حي صوتٍ صاحبه يسكن خفوقي = كم سهرته في غيابه ما غفيته
كان جاني ياحروف الشعر روقي = واظهري له اعذب اللي له خفيته

[عبد العزيز الجرّاح]

تشبهين الغيم ياهمس الغمام = والبياض اللي كسى صدر الشمال
والعطر والورد يا طهر الأنام = والصبح والنور والماء الزلال
من يحبّك والله انه ما يلام = لو يخون النّسا لجلك حلال
من تغيبي على الدنيا السلام = وان حضرتي صارت الدنيا عدال

[عبد العزيز الجرّاح]

صباحك نور ،
مثل فجرٍ صحى توّه وشّع النور

صباحك نور،
مثل غيمٍ سقى ورد وغدى ممطور

صباحك نور ،
مثل وردٍ صحيتي بغرفتك منثور

صباحك نور،
مثل ( ميمه) تفيق و توقد التنور

صباحك نور ،
مثل بسمة طفل توّه يجي للنور
صباحك نور ..

[عبد العزيز الجرّاح]

حظ الرياض بجيّتك والشوارع = كل المدينه لا وصلتي بساتين
وحظ العيون الساهره والمدامع = وحظ العروق الضاميه والشرايين
وحظ الكفوف بلمستك والمسامع = في همستك يافتنة القلب والعين
ان كان قلبك من شقا البعد جازع = أنا لك بقلبي غرام المجانين
لكن غير الشوف مالي مطامع = لو يشره الرمان والورد والتين

[عبد العزيز الجرّاح]

وين صوتٍ هزّني لامن سمعته؟ = يوم عنّي غاب، واظماني غيابه
لو سهرته طول ليلي ما شبعته = والله ان الليل من بعده كآبه

[عبد العزيز الجرّاح]

في عشره عشره عام عشره وألفين = بأكد إنك حلم قلبٍ يحبّك
ما هانت العشره ولو غبتي سنين = ولا مات حبٍ في عروقي يصبّك

[عبد العزيز الجرّاح]

وينه اللي كل ما ضاقت يخليها وسيعه.؟! = واستظل بفي صوته يوم تتدلّى عذوقه
صاحبٍ ل.امطر سحابه يزهر بصدري ربيعه = لين يورق في خفوقي كل غصنٍ من عروقه
صاحبٍ لا غاب عني ليلتي دونه شنيعه.! = كيف يحسبني اتجاهل جيته وانكر حقوقه؟!
أدري اني عشق روحه ، يدري اني ما أبيعه = مثل ماهو في خفوقي ، مثل ماني في خفوقه
ليت لي حظ يحضابه صاحب الطلّه البديعه = ويهتني عشقي وشوقي واهتني عشقه وشوقه

[عبد العزيز الجرّاح]

ما بالنهار اللي ورى طلعة النور = روحٍ لها خاطر فبعدك تعيشه
والصبح من دونك من الضّي مهجور= وش لي بصبحٍ معك ماعيش طيشه
كن العمر بعدك على الوصل مقصور= وكل الأماكن في غيابك وحيشه

[عبد العزيز الجرّاح]

يا كثر مالك في قصيدي سيره = لو كان ماهي ترتقي لعناقك
من يوم حبّك والقصايد ديره = انتِ ملكها ماتطيق فراقك

[عبد العزيز الجرّاح]

كان الوصل حلمٍ تعايش مع الذات = واليوم أصبح في حياتي حقيقه
ودامٍ قطعنا في هوانا مسافات = واجب علينا اليوم نكمل طريقه
لن الغياب تضيق فيه الفضاءات = عجزت لـ.اقدر ياحبيبه أطيقه

[عبد العزيز الجرّاح]

ياحلم عمري ، يابعد كل ناسي= أنا بدونك ياغلا الروح من لي؟
يا كثر ودّي تنتهي هالمآسي=ويفرح خفوقٍ في وصالك يهلي
محدٍ شبيهك بالغلا أو يواسي= ولا غيرك أحدٍ بالمخاليق خلي
انتي مكانك فوق شم الرواسي = واموت لو غيري يحل ابمحلي
للموت أحبك لو كسرتيه باسي = يا أجمل اللي في حياتي حصلي
فديت روحك يابعد كل ناسي = فديت كلّك يا بعد كل كلي

[عبد العزيز الجرّاح]

لحظة سؤالك تنتشي روح غاليك = ويفز قلبه من ضلوعه يلبّي
أهلًا حبيبي اسعد الله لياليك = وحشتني واشتاقلك حيل قلبي

[عبد العزيز الجرّاح]

أحبك .. كثر ما ينبض .. خفوقٍ صار مجنونك= أحبك .. كثر ما تسهر .. عيونٍ تحلم بشوفك
أحبك .. كثر ما قلتي : حبيبي وقلت : يا عونك = أحبك .. كثر ما قلبي .. عليك يخاف ويطوفك
أحبك .. كثر ما ودي .. أوقف للحزن دونك =أحبك .. كثر ما ودك .. أجيك وأنزعه خوفك
أحبك .. كثر ما فجري .. تنفس واكتسى لونك= أحبك .. كثر ما عطرك .. عشقها راحة كفوفك

[عبد العزيز الجرّاح]

مانام ليل اليآس، صاحي عشاني !=لبّس سواده وجه كـل المعانـي !
عامين وآنا كـل ليلـه اعانـي !=واسهره وحدي وانا عازف الناي !

[عبد العزيز الجرّاح]

بنتٍ تطالع للسما ينهمر ديم = ثم تبتسم للأرض تزهر نواوير
يسعد صباحٍ جابها جنّة الغيم = وش عاد أجمل منه صبح التباشير

[عبد العزيز الجرّاح]

ودي أسولف للمسا عن غيابي != واقول : فاقدني وانا بين ناسي !
يا كيف أجمّل فيك حرف انسكابي ؟= لا صار ضيقي ممتلي فيه كاسي !

[عبد العزيز الجرّاح]

يغرس حضورك بالعيون ابتسامه = وتنبت سنابل فرحتي في حروفي
لكن صبحك ماعطاني علامه ! =أردم بها فيني مواريد خوفي

[عبد العزيز الجرّاح]

يسعد صباح اللي صباحه أسرني = اللي له حروفي مع الصبح تنساق
وإليا حصل في يوم ظرفي عثرني = م.ارسلت تصبيحه ولا ارسلت الاشواق
ألومني لو كان خلي عذرني = وشلون راح الصبح ما قلت مشتاق؟!

[عبد العزيز الجرّاح]

تصدقين.؟
لو تجيني منْك هاللحظه
رسالة !
وآنا داله !
يمكن أني من العجاله !
با تلعثم !
واكتب اني فيْك افكّر :)
وانسى إني قلت :
داله ;)
شوفي فيني وش تسوّي !
لو تجيني بس رسالة .!
صدقيني ،
حالتي وياك حاله !

[عبد العزيز الجرّاح]

من ودّه يغنّي ويعزف مع الجرح؟!= من ودّه يساهر عيوني واساهره؟
من ودّه يقاسم أحاسيسي الترح؟! =ويكون لي ملهم وانا اكون شاعره

[عبد العزيز الجرّاح]

الغاده اللي فكرها لانبثق نور = ودك تعانق فكرها من رُقيّه
تحتاج مثله لا غشى الناس ديجور =يافكرها اللي فيه تسمو البريّه
متعة حواره تجعلك فيه مبهور = راقي حضوره باختلاف القضيّه

[عبد العزيز الجرّاح]

وين هالغيبه؟ وانـا تونـي معـك =اطرق ابـواب الغـرام المُلهمـه
شاعرك سهـران ودّه يسمعـك =لا تنـام عيـون فـنّ السلهمـه

[عبد العزيز الجرّاح]

تكفى أبنهل صوتك العذب وألهى =عن حزني اللـي فـي غيابـك روانـي
ماعاد به أقرب من الحلـم وأشهـى=يـاكــود طـيـفـك ، لا دعـيـتـه لـفـانـي

[عبد العزيز الجرّاح]

كل ذكرى معك ، تندهلي تعال = يوم كنتي تنثريني واجمعك
واسرح بفكري على متن الخيال = لين تشربني ، كل ذكرى معك

[عبد العزيز الجرّاح]

يا عذابي ،
كيف هالليل بغيابي ؟
مثل ليلٍ ، مرني دونك عقيم ،
حزن و شعورٍ أليم ..
غربه و برد و عتيم ، دمع وإحساس اليتيم ..
كيف هالليل بغيابي؟ يا عذابي ..


ياعذابي ،
كيف هالليل بغيابي ؟
مثل ليلٍ ، كنت أنادي فيه وينك؟
ليه ضيعتي مع سنيني سنينك
وطالت الغيبه ولا جابك حنينك
كيف هالليل بغيابي ؟ يا عذابي ..



يا عذابي ،
كيف هالليل بغيابي؟
مثل ليلٍ ، كان ينزف به صوابي
كان برد ، وكان يتلبّس ثيابي ،
وكنت أشعر بـ اغترابي ، وكنت ما ألقى جوابي
كيف هالليل بغيابي ؟ يا عذابي ..

يا عذابي
كيف هالليل بغيابي ؟
وكل ذكرى معك تنده لي تعال :
يوم كنتي تنثريني واجمعك ..
واركض بفكري على متن الخيال :
لين تشربني كل ذكرى معك ..
كيف هالليل بغيابي ؟ ياعذابي ..

[عبد العزيز الجرّاح]

انتهى عام وبدى عامٍ جديد = وانا عذابي م انتهى من بدابي
يشبه بصدري عمر عشقٍ وحيد = أكبر ويكبر كل م اكبر عذابي

[عبد العزيز الجرّاح]

ما سد جوعي بالهوى يوم قطعه = إما رغيف الحب ، ولا افتراقي
واعرف إلى قفّيت ما فيه رجعه = لو كان في فرقاك جوع التراقي

[عبد العزيز الجرّاح]

كل صبح اتنفسه شوق وحنين = ودي ان اتنفسك بوسة غرام
يعني أصحى لا شعرتك ترسمين = في شفاتي بوسةٍ تقطر هيام

[عبد العزيز الجرّاح]

من طلوع الشمس لين غيابها = من غياب الشمس لين طلوعها
والفتون اللي خفوقي ذابها = تصبح و تمسي بقلبٍ طوعها

[عبد العزيز الجرّاح]

من زود شوقي ياكثر ما أدندنْك=من كثر م اكتب فيك سميت شاعرك
كلّ الـقـصـايـد ما تعدد مـحاسنْك = في عيني من الحسن مـا شيّ قاصرك

[عبد العزيز الجرّاح]

الغروب اللي عشقته ياغروب = به تذوب الشمس ويهيض الحنين
من يحب الليل لا يمكن يتوب = السّهر و الشعر و السّر الدفين
والله إن من السّهر عيني تذوب= لين تشرب صحوة الصبح الحزين

[عبد العزيز الجرّاح]

ضاق الفضا بعيـون قلـبٍ يحبّـك = وصارت تشابه كل الأيـام دونـك
متى علـى الله التقـي يـوم دربـك؟ = وتغرق عيونٍ تعشقك في عيونك

[عبد العزيز الجرّاح]

انتهى عام وبدا عامٍ جديد = وانا عذابي م انتهى من بدابي
يشبه بصدري عمر عشقٍ وحيد = أكبر ويكبر كل م اكبر عذابي

[عبد العزيز الجرّاح]

يوم شفت البرد بضلوعك جفا = قلت اضمك عن شتا بُعدي واجيك
كل ضلعٍ فيك .. صوّت لي : دفا = كيف ماجيلك واضمك واحتويك؟!
واغرس ضلوعك وسط صدري وفا = وأنت تدري مالك بصدري شريك
عمر حبّك في خفوقي ما طفا =كلّ نبضه فيه تنبض لك أبيك
والوله ما يوم في قلبي غفا = والله إني ميتٍ منّك وفيك
قلت أسامح يجزي الله من عفا = واسأل الله إنه لقلبي يهديك
يمكن إنه خاطري منّك صفا = أو يجوز إنه بقى شايل عليك
بس شفت البرد بضلوعك جفا = قلت أضمك عن شتا بعدي وأجيك

[عبد العزيز الجرّاح]

الفاتن اللي طلّت بصورة العرض = ما تدري إن عيونها موت في موت
ياهي عيونٍ فاتنه عشقها فرض = إيه الجنون إن كان ماهو بتابوت

[عبد العزيز الجرّاح]

أهرب من الذكرى وحلمٍ رسمته = والقاه صوتك حي ب اربع جهاتي
والله م اذكر يوم حبّك ندمته = لو كان بعض احيان كدّر حياتي
الصبح لجلك يا كثر ما جهمته = أموت لكن ما تموت أمنياتي
والشعر عقد من القصايد نظمته = واهديت لك هالعقد معه أغنياتي
واللي بنيته بيننا ما هدمته = يمكن وفائي معك أجمل صفاتي
حتى شعور الحزن لجلك عدمته = جمعتني شاعر وعشقك شتاتي
ياعمري اللي في غيابك ظلمته =عادي اعيشه لين ليلة وفاتي
لاصار م اذكـــر يــــوم حــبّــك نـدمـتــه = آموت صوتك حي ب اربع جهاتي

[عبد العزيز الجرّاح]

كل صبح بجيّتك مشرق ، بديع = كل صبح بغيبتك بائس ، حزين
لا ضحكتي ، كن يضحك لي الربيع =لا زعلتي ، سال دمع الياسمين

[عبد العزيز الجرّاح]

ادري بقلـبـك لـــو يـغـيّـم جـــوّك =وتدري بقلبي لو فقدته صوتـي
وادري غيـابـي ينطـفـي بــه ضــوّك =وتدري غيابك مثل لحظة موتي

[عبد العزيز الجرّاح]

مـــــد كـفـيـنــك و نــاديــنــي تـــعـــال=قــل تـعـال: وشوفـنـي قــدام عـيـنـك
كيف أضيّع صاحبي درب الوصال=وأنــت تــدري غايـتـي مـــدة يـديـنـك

[عبد العزيز الجرّاح]

من علّم العصفور ، صبح الشبابيك ؟!

[عبد العزيز الجرّاح]

في هالزمن قد صار ( بعض ) الرفاقه = احتاجك ابني معك أجمل صداقه
واليا قضيت الأمر أنهي العلاقه = واقول في ظهرك راعي مصالح

[عبد العزيز الجرّاح]

كل فرقا ضيق و دموع و ضياع = يكذب اللي قال بالفرقا حييت
شف عيوني منك بغيابك جياع = ما لقيت اللي ملا عيني وجيت

[عبد العزيز الجرّاح]

قلبك العصفور لو مهما يطير= أدري إنه في قفص صدري يحط
يعني إنه يصبح لقلبي أسير = صدقيني دون قيد، ودون شرط

[عبد العزيز الجرّاح]

ينهمر صوتك قصيد وأغنيات= وتضحك لصوتك ورود الياسمين
مثل ديمٍ مر أرض الأمنيات = واينعت في روح كل اليائسين

[عبد العزيز الجرّاح]

( شُكرًا ) تجي منّك لها طعم ( سُكّر )= زيدي ( شُكر ) ما دام ذابت نقاطه

[عبد العزيز الجرّاح]

قصيدة " برد و دفا " وقد نشرت في جريدة الصباح الكويتية - ملف "مقامات"
الذي يشرف عليه الأستاذ الشاعر والكاتب/ فهد دوحان.

http://www.alsabahpress.com/media/files/versions/13_28.pdf

[عبد العزيز الجرّاح]

قصيدة " كيف هالليل بغيابي " وقد نشرت في جريدة الصباح الكويتية - ملف "مقامات"
الذي يشرف عليه الأستاذ الشاعر والكاتب/ فهد دوحان.

http://www.alsabahpress.com/media/files/versions/11_26.pdf

[عبد العزيز الجرّاح]

أنتَّ هنا ؟
يـ أول صباحات السنة ؟
من العام ما شفتك هنا .. وش جبت لي وياك ؟
عساه مو حزن و عنا ؟!
يا أول صباحات السنه ..

جيتني في هم واوجاع وألم ؟
حالي ترى أصبح عدم .. ما عاد فيني احتمل ..
يموت حلم و أنهزم ..
محتاج قلبي : للسلام ، وللحياااه ، و للهـنا ..
يـ أول صباحات السنه ..

[عبد العزيز الجرّاح]

الحمام أحلام :
قلبين : عانقها الغرام
قلبين تبغى لو تطير
تلمس أطراف الغمام
لكن ..!
تخاف من الملام !
ولعبة الأيام
وصيّاد ما عنده ضمير ..

[عبد العزيز الجرّاح]

البعـض حرفه يلمس القـلب والـروح=والبعض حرفه منْه الإحساس خالي

أحيــان داله يدّعـي زيــف مـجروح =وأحيــان مجروح الهــوى ما يبـالي

[عبد العزيز الجرّاح]

يسعد صباح إحساسها = لو كان باقي ما صحى
عطشان أبشرب كاسها = أعشق مواعيد الضحى

[عبد العزيز الجرّاح]

كــل صـبـحٍ يـمـرّك مــا يجـيـبـك عـمــى =كيف يشرق صباحٍ ماصحيتي معه.!
لا حضرتي صباحي يبتهج بك كمـا :=قـلــب طـفــلٍ بعـيـنـه كـــل شـــيٍ سـعــه

[عبد العزيز الجرّاح]

منّك صباح الخير ،
ت
ق
ط
ر
" عذووبه "
باقــة تفـاؤل و ابتســام
و رحابه

وغيرك صباح الخير ،
منّه : "عقوبه" ..!
ضيق و تعاسه و انهزام
و كآبه.!

[عبد العزيز الجرّاح]

قصيدتي هذه كانت إحدى فقرات حفل تخرّج طالبات جامعة الملك فيصل بن عبد العزيز
في مدينة الدمام عام 2011م بصوت المنشد عبدالله الخشرمي

"ودعتك الله ياسنين الدراسه = جينا انتعلم ثم رحنا نعلّم"
لبس التخرّج حلمنا في لباسه = واليوم جينا نلبْسه مانتحلّم
للمجتهد فال الفرح والوناسه = يصدح بصوته لين قام يتكلّم
يفرح به الناجح واهله وناسه = وتفرح به سنينٍ قضاها يتعلّم
دنيا كفاح وكل شخص ومداسه =واللي صبر ما يشبهه من تظلّم
تحتاج للعليا ذكاء وفراسه = خطوة بخطوة ينصعد كل سلّم
بالعلم رقيا وازدهار ورياسه= ما يرتقي من نام عنْه وتحلّم
أربع سنينٍ باجتهـاد وحماسـه =من شاف روعة جامعتنا تبلّـم
اللي تسمّت بسم رجل الساسيه=فيصل وفيصل ليْت منْه انتعلّـم
لبس التخرّج حلمنا في لباسه = واليوم نلبْس حلمنا مانتحلّم
بألفين وحدعشر تحقق مساسه=والحين حنّا للشهـادة انتولّـم

[عبد العزيز الجرّاح]

منّا لكم تقدير و اكبار و إجلال = وباقة من الورد المندّى و ريحانه
أعمالكم تبقى منارة و تمثال = وأسماءكم سجل لها التاريخ خانه
عنوان كنتم للوفا ما بها جدال =عمرٍ مضى والصرح كنتم كيانه

[عبد العزيز الجرّاح]

يـــســـعـــد صــــبـــــاح الــــلـــــي صـــبـــاحـــه أســــرنـــــي=الـــلـــي لــــــه حـــروفـــي مــــــع الــصــبــح تــنــســـاق
وإلـــيــــا حـــصــــل فـــــــي يـــــــوم ظــــرفــــي عــثـــرنـــي=م.ارسلت تصبيحه ولا ارسلت الاشواق
ألــــومـــــنـــــي لـــــــــــــــو كـــــــــــــــان خـــــــلــــــــي عـــــــذرنــــــــي =وشـلـون راح الصـبـح مــا قـلــت مـشـتـاق؟!

[عبد العزيز الجرّاح]

لو تسألين الليل منهو يسهّرك = تلقيني اللي سهّر الليل حَرفه
شاعر وأدري في حروفي أجمهرك = واجمهر اللي ما غفى الليل طَرفه
وان كانني مع كل هذا فلا ابهرك= ابعتبر ما قيل يا بنت طُرفه
ياعُمْر وان كان السهر قيل قصّرك = قل السهر يفتح للابداع شُرفه

[عبد العزيز الجرّاح]

قـــلـــبــــي و روحــــــــــي فــــــــــي غـــــرامــــــه مــجـــانـــيـــن=والله ذبـــحـــنــــي حـــــســــــن خـــلــــقــــه و طـــيــــشــــه
لـــــو كـــــان بــيـــدي لـجــعــل الـعــمــر نـصـفــيــن=أعـطـيــه نــصــف .. و نــصــف ويـــــاه أعـيــشــه

[عبد العزيز الجرّاح]

يسعد مسا روحك و روح الصداقه = ويسعد مسا فكرٍ مبدع و راقي
ما جيت أدوّر في قصيدي علاقه = مابي قلوب تموت لحظة فراقي :p

[عبد العزيز الجرّاح]

ما كنت أصّدق فيه حـب ومحبيـن=وأقول ويش الحب..؟ يا ناس ويشه..؟

حتـى لمحنـي مـوت كـل المزاييـن=بالناظر اللي طحت برمـاح جيشـه

قلبي وروحـي فـي غرامـه مجانيـن=والله ذبحني حسـن خلقـه وطيشـه

لو كان بيدي لجعل العمـر نصفيـن=أعطيه نصف .. ونصف وياه أعيشـه

ما للسعـادة فـي غيابـه عناويـن=كـل الليالـي فـي غيابـه وحيشـه

ما عيش دونه بهجة القلـب والعيـن=عيشه بدونه صدق ما هـي بعيشـه

والحين أصّدق فيـه حـب ومحبيـن=وألوم من هو يسـأل الحـب ويشـه

[عبد العزيز الجرّاح]

يارب فِّي من الحزن فوق ماطيق = مخنوق لين الـدمع فـاض و ذرفـته
يارب عفوك همي أكبر من طويق= يارب تغـفـر كل ذنـب اقـترفـته

[عبد العزيز الجرّاح]

من قصيدة " برد و دفا "




يوم شفت البرد بضلوعك جفا=قلـت اضمـك عن شتا بُعدي و اجيك
كل ضلعٍ فيك ينده لي : دفا=كيف ماجيلك واضمك واحتويك؟!
واغرس ضلوعك وسط صدري وفا=وأنت تدري مالك بصدري شريك

[عبد العزيز الجرّاح]

خلني للضيق والحزن و عناي=و السهر و الهم و الليل الطويل
و الجفا و البرد و الشوق و بكاي =و الشقا و الجرح و الصبر الجميل

[عبد العزيز الجرّاح]

غِبْتي وَقَلْبي كِلْ نَبْضَهْ يِحِبِـكْ =جِيتي وَحِبِكْ وِسْطْ قَلْبي نِبَضْتِهْ

[عبد العزيز الجرّاح]

لو يخون البحر ملحه والنوارس = والطيور يخونها الغصن وليانه
والأصايل دوم تكبو بالفوارس= والعزيز يعود ما يلقا مكانه
والله أنك سيدي للقلب حارس = عاد لااوصيك في حفظ الأمانه
وكان ودك في جنون الحب مارس = نشوة المجنون في روعة جنانه

[عبد العزيز الجرّاح]

يسعد صباحك بالرياحين و الفُل = وردٍ يشابه شي في وجنتينك
يفرق صباحك عن الناس بالكل = الله لو بالصبح لمسة يدينك

[عبد العزيز الجرّاح]

أنتَّ هنا ؟
يـ أول صباحات السنة ؟
من العام ما شفتك هنا .. وش جبت لي وياك ؟
عساه مو حزن و عنا ؟!
يا أول صباحات السنة ..

جيتني في هم واوجاع وألم ؟
حالي ترى أصبح عدم .. ما عاد فيني احتمل ..
يموت حلم و أنهزم ..
محتاج قلبي : للسلام ، للحـياااه ، و للهـنا ..
يـ أول صباحات السنة ..

[عبد العزيز الجرّاح]

ذاب بصباحي سُكرك في مرورك = وصارت تحايا الصبح لجلك قصيده
واودعتها في قلب يعشق حضورك = وانتي نبض هالقلب وانتي وريده

[عبد العزيز الجرّاح]

صباح الأربعاء : 14/ 2 / 2018

يا رب سحابة خير تمطر علينا = تغسل بها أرض الرياض وسماها
يا كثرنا اللي لك رفعنا يدينا = يا رب تقبل من عبادك دعاها

[عبد العزيز الجرّاح]

يُمّه ،
ودّي أشرب :
صوتك العذب و أضمّه ..
ودي صوتك شي ملموس
وأشمّه ..
ودي كفّك بين يّديني ..
وأبوسه
والله إنّك بـ آخر أعماقي
مغروسة ..
وألف لا باس و طهور
انتي جنّة .. وانتي نور ..

الله لا يحرمنا منّك ،
وإيه لا يحرمك منّا ..

[عبد العزيز الجرّاح]

الله يصبّحكم يالوجيه المطاليق = ب.أجمل وأزكى من ورود الفيافي
اللي مداوم جعل يومه توافيق = واللي مأجز جعل نومه عوافي

[عبد العزيز الجرّاح]

لا صار عشقي .. عشق طهر و نقاوه = مثلي إلى من غاب .. يوجع غيابه
أنا حياتي صدق ، ضحك و شقاوه = وانتي حياتك كذب ، دمع و كآبه

[عبد العزيز الجرّاح]

واتنفسك عطر إن تبخر تبخرت = لا تكسري في يوم قنينة العطر

[عبد العزيز الجرّاح]

يا طول ليلٍ به الذكرى ونيسك = ينثر عليك من الهموم وتعسها
الحزن يبقى بالمحاني حبيسك = والشوق ناره في ضلوعك قبسها

[عبد العزيز الجرّاح]

كـــــثـــّـــر الله خـــــيــــــرك .. كـــــــــــان تــــبــــغــــى وصــــــالــــــي =وكــــــــــــان تــــبــــغــــى فــــــراقــــــي .. كــــــثــّــــر الله غــــــيــــــرك

[عبد العزيز الجرّاح]

حضرة جنابك مغرمه في سموّي= وانا سموّي عشق حضرة جنابك
فكرك وحبّك من يليق بعلوّي = يومٍ علوّي هايمٍ في سحابك

[عبد العزيز الجرّاح]

انتي أجمل من صحت عيني عليه = وانتي أكثر من ملا قلبه طُهر
لو عدال الأرض مثلك في يديه = كان مابه ظلم في العالم ظَهر

[عبد العزيز الجرّاح]

وصلك دفا في ليل من شعر ومطر = وصوتك زهر في قلب من قلبه خَلي
وشَعرك بحر في ليل وانفاسك عطر = وحسنْك دُرر ، يا قوت و الماس و حِلي

[عبد العزيز الجرّاح]

يا هلابك غايتي في كل حزّه = وانتي اصحاب ومواليف وقرايب
ما نسيتك لو نسى الأعراب "غزّه" = ما نسيتك لو غدى هالعمر شايب