جميل العتيبي
11/06/2009, 04:07 PM
ياهل البحرين وإن جات قولولها = البحر تصفق جنوبه وتهدر بي هدر
فإن تأخر عن عيوني نبا مرسولها = جهزوا لي النعش وادفنوني في القبر
اختلط مر الليالي على معسولها = والدهر أعوذ بالله من صدوف الدهر
اتْحداني للشقا واتعدّى دونها = وإن جلست اصدّ عنها مراييش النظر
الرجول تشيل جسمي حسب مقدورها = والسنين تهدّ واليدّين تبني وتعمر
والبشر تخفي مظاهرها ردى مستورها = كود رجلٍ في المجالس لاحضر يعني حضر
اصفقي ياهبّة النسناس في مبذورها = ولقّحي جرد البذور وطلّعي منها الثمر
واتركيني مع شفاياها ومع منظورها = وامسحي دمعٍ تجمّع وسط عيني وانهمر
واستفيضي ياسحابة على مجدولها = غرّقيها واغرقيني بالمزون وبالمطر
واغسلي ظلم الليالي وحدّة جورها = وكملي فيني العمر مابقى فيني عمر
عايشٍ دنياي عاني وانا مقهورها = والقهر شئٍ أليمٍ وأنا ميت قهر
المنايا تآكل اللي دخل طابورها = ومن دخل طابورها لا هروب ولا مفرّ
كيف اسلّي ضيقةٍ فيني وانا مجبورها = قدلها عشرين يوم وزاد فيها كم شهر
صاحبك ضيّع مداخلها وضيّع نورها = صار يمشي في خطر وصار يجلس في خطر
والليالي تجبر الواحد على محظورها = تورده حمر المنايا وتسقيه الضرر
قرّبي ياجمرة الملهوف في تنّورها = قرّبي ترى الصبر ماش ماباقي صبر
وأنتي البحرين مع ناسها مع سورها = ماتقول إلا هلابك وحيّا هالقمر
ولو سمعتي شور خلق الله وطعتي شورها = ثم عكفتي يم قطر اذكريني في قطر
وكان جتكم ياهل الدوحه طلب قولوها = البحر تصفق جنوبه وتهدر بي هدر
فإن تأخر عن عيوني نبا مرسولها = جهزوا لي النعش وادفنوني في القبر
مع خالص تحياتي .. جميل العتيبي
فإن تأخر عن عيوني نبا مرسولها = جهزوا لي النعش وادفنوني في القبر
اختلط مر الليالي على معسولها = والدهر أعوذ بالله من صدوف الدهر
اتْحداني للشقا واتعدّى دونها = وإن جلست اصدّ عنها مراييش النظر
الرجول تشيل جسمي حسب مقدورها = والسنين تهدّ واليدّين تبني وتعمر
والبشر تخفي مظاهرها ردى مستورها = كود رجلٍ في المجالس لاحضر يعني حضر
اصفقي ياهبّة النسناس في مبذورها = ولقّحي جرد البذور وطلّعي منها الثمر
واتركيني مع شفاياها ومع منظورها = وامسحي دمعٍ تجمّع وسط عيني وانهمر
واستفيضي ياسحابة على مجدولها = غرّقيها واغرقيني بالمزون وبالمطر
واغسلي ظلم الليالي وحدّة جورها = وكملي فيني العمر مابقى فيني عمر
عايشٍ دنياي عاني وانا مقهورها = والقهر شئٍ أليمٍ وأنا ميت قهر
المنايا تآكل اللي دخل طابورها = ومن دخل طابورها لا هروب ولا مفرّ
كيف اسلّي ضيقةٍ فيني وانا مجبورها = قدلها عشرين يوم وزاد فيها كم شهر
صاحبك ضيّع مداخلها وضيّع نورها = صار يمشي في خطر وصار يجلس في خطر
والليالي تجبر الواحد على محظورها = تورده حمر المنايا وتسقيه الضرر
قرّبي ياجمرة الملهوف في تنّورها = قرّبي ترى الصبر ماش ماباقي صبر
وأنتي البحرين مع ناسها مع سورها = ماتقول إلا هلابك وحيّا هالقمر
ولو سمعتي شور خلق الله وطعتي شورها = ثم عكفتي يم قطر اذكريني في قطر
وكان جتكم ياهل الدوحه طلب قولوها = البحر تصفق جنوبه وتهدر بي هدر
فإن تأخر عن عيوني نبا مرسولها = جهزوا لي النعش وادفنوني في القبر
مع خالص تحياتي .. جميل العتيبي