المساعد الشخصي الرقمي

مشاهدة النسخة كاملة : مسابقة جمان على صدر الغمام(1)

ثامر بن عبد الله الأسمري
22/07/2009, 03:56 AM
:::
http://www.emlaat.com/vb/uploaded/14_1248223348.jpg

( وطن مجفي ) رزان العتيبي
http://www.emlaat.com/vb/showthread.php?t=2265

( مو حنين أكثر ) اشتياق الناصر
http://www.emlaat.com/vb/showthread.php?t=2396

(حارس الليل ) بدر عبدالله الساري
http://www.emlaat.com/vb/showthread.php?t=1967

(الماي فير) محمد السالم
http://www.emlaat.com/vb/showthread.php?t=2409

(شرفة الأوجاع) محمد الحارثي
http://www.emlaat.com/vb/showthread.php?t=2328

( خرايط ذكرياتي) محمد الفيفي
http://www.emlaat.com/vb/showthread.php?t=2363

(دور الناي) نايف السميري
http://www.emlaat.com/vb/showthread.php?t=81

(مجاهيم الهموم) سلطان العاصي
http://www.emlaat.com/vb/showthread.php?t=2294
إملاءات المطر
22/07/2009, 06:00 AM
وطن مجفي لــ الشاعرة رزان العتيبي:
{ مدخ ـل
رعشة خفوق .. !
سـ أنزف إلى أن يملّ النزف "

أدوّرني | ولا ألقى .. أثر يكشف مكاني وين ..!= أدوّرني | وأثاريني .. وطن مجفي من أحبابه

مَ غير الهم يرسمني حكايا ترفض التّلوين= سِوى بلون السواد اللي جروحة سبّة أتعابه

ثلاث سنين والفرحة تعاندني ثلاث سنين= وأنا من يوم مافارق عيوني أبكي غيابه

ثلاث سنين أصوّت له ويخنقني شهر تشرين= يزيد الجرح في صدري ويرميني على بابه

ثلاث سنين أنزف له على سكّة جروح البين= ولايحضنّي إلا الهمْ وشارع فاقد أصحابه

أجمّع دمعتي/حزني/طعونٍ ماأعرف منين ..!= بقايا فرحتي/ضحكي .. وأطيّر للسماء أسرابه

تعبت أتنفسة ضيقة ويكبر داخلي تخمين= يبي يرجع يلملمني ! بعد ماضعت ب/أسبابه !

وأنا في غيهبة حزني خذتني صورة لطفلين= ملامحهم تشابهنا .... وحتى الضحك متشابه

زوايا بيتنا.. جدراننا .. همساتنا الأثنين=بقايا نظرته .. تسريحته .. شمّاعة ثيابه

أنا أذكرها محبتنا..شقاوتنا..بيوت الطين= وصوتٍ لاسكن فكري .. سرحت أشكيه لألعابه

يجيني ليش زعلانة..! ويحضن وجهي بكفين= وأتمتم حيل ما" أحبك " ويضحك حيل كذابه

رسمته حلم فرّحني سكنّي واستحل العين= تعمّق داخل عروقي عشق طاهر محد صابه

زرعني في تفاصيله وغاب بضحكة الواشين= تعلّم منّهم يَقسِي .. حصدني شوق يغتابه

رحل واستاحشت روحي وقلبي إنشطر نصفين=تخبّى نصف في كمّه .. وذاك برفّ دولابه

كبيره إنّي أخونه بسيط (ا)نكون له وافين= أنا / وإحساسي / وكلمة / تخبّت داخل كتابه

أحسّ بداخلي شعبٍ تعب من كثرة التوطين= تجرّد منّي ومنّي خذا من صدري ترابه

تعبت أستنزفه فيني آنينٍ إشتعل بي لين=طفى وهجة من أعماقي وذابت ل/أجلي أهدابه

أغنّي له أنا بعدك صحاري ملّها التكوين=حزينه / تَعْزِفْ ضلوعي لحون بنغمة عتابه

فقدته / وإنكسر عشقٍ تبلّور ف الخفايا زين= وضاعت معه احلامي وضعت بزحمة أطيابه
مخ ـرج }
صمت قاتل .. !
إملاءات المطر
22/07/2009, 06:55 AM
مو حنين أكثر!! لــ الشاعرة اشتياق الناصر



الحنين

أكبر خطايا للغياب

وأعذب عذاب..

في ليلة الجرح

والعمر الحزين..

الحنين إنك تذكرثم

تبسّم لأحلام

صارت

من

سراب..

الحنين


تراتيل الحنين تشق صدر الليل وجد وشوق=وانا لاجيت ابي للحلم صبحٍ ذبلت عيوني
تقاسمني الجروح وكن قلبي لجلها مخلوق=وأكابر لا ضحك ناب العذاب وحال من دوني!
واش يفيد أن حرسني هالفجردام الفرح مسروق=واش يفيد أن نطرتك ياربيع وخانني لوني!
قبل كم جرح ودموع وذبول وطعنة بعروق=انااذكر كنت اغني للبياض وغيمتي عوني
أنا أذكركانت عيوني تطالع حلمها من فوق=وتضحك لي ملامح كنت أحسب إنهم تمنوني
أنا أذكرماشكيت وقلت صدري ضايق ومخنوق=ولاقلت ليدين ماتصون لعهدها صوني!
ولو ثارت علي دموع قلب راح حلمه بوق=أغني له وأقول اللي نسوني يوم ويجوني!
أزين للسنين السود وجه بالغدر محروق=وأشيل هموم عمرٍحملها كلت به متوني
تعبت أكذب على نفسي بأن اللي رحل ملحوق=مع إن اللي رحل ماهمه إن كان أحترق كوني!
تعبت ومابقى لي غيرجرحٍ حط ضلعي طوق=تأوى به وأناماودي أكسرخاطرطعوني!
بأخاوي جرحي اللي من وفاه أحس عنده ذوق!=يسامرني ويبكي لاذكرمن يوم خلوني
ولوهب الحنين وشق صدرالليل وجدوشوق=باعذره دامني من يومها مانامت عيوني!!



الحنــــــين إنك ولاشيء

في قلب


حبيته وغاب

غاب

غاب!!
إملاءات المطر
22/07/2009, 07:07 AM
حارس الليل لــ الشاعر بدر عبد الله الساري






ياحارس الليل غادر شابت السهره = شابت عيون السهر في وجه وحداني


تبي تواصل جروح اليوم مع بكره = إذا غفى جرح قمت تصحي الثاني


ماأكفاك من هالمساء إن أكثره مرّه = صبّار يـُسقى مرار ومنــّه أسقاني


سريت تحصد وجع حصاد ياكثره = سنابل الروح مورقةٍ بأشجاني


جفت عروق الفرح وإخضرَّت العبره = ماعاد يجري سوى دمعي بشرياني


يانافخ القهر ملـَّت كفي الجمره = شبيت ضو العنا في كل وجداني


حلم توفى وتوه مإنتعش زهره = اليأس حوض إرتوينا منه يالجاني


ذاب إنتظاري وليلي وشوشه فجره = طيفك حرسني ووجهك ليه ماجاني
إملاءات المطر
22/07/2009, 07:12 AM
الماي فير لــ الشاعر محمد السالم


مرّوا على مفرق "الريان"وادعوني = يمكن حقيبة دموعي معكم تسافر!

يمكن تسولف لكم عن حاجة عيوني = لعيونكم ؛ لا ضواني حزني الثاير

على غياب ملأ ؛ دلوه من طعوني = يروي ظماياه من صدري وانا صابر!

يا معزمين السفر ؛ يرضي تخلوني!= ياويش انا بعدكم لا مرني باكر ؟

لامر باكر وحيد إلا من حزوني = وتكسر الشوق في صدري وانا ناطر

تجون من بُعدكم ؛ يامن سكنتوني = بغيابكم ؛ والحزن أول بلا آخر!

ياكثر من غيركم من لا يهموني = في قربهم جاحد وفي حبهم كافر

من مر طاري السفر وانا يمروني = طيوف شخصٍ وحيد يكسر الخاطر

في "الماي فير" السكن لو مارأيتوني = تأكدوا الشوق مني عندكم حاضر

من دونكم ويش أنا؟ ؛ ويش انتم بدوني؟ =إلا خطئة فقيرٍ مالها غافر!

يملأني إيمان ؛ بانكم لو خذلتوني = تبقون لي في الورى ما يبهج الناظر

لا ؛ لا يطول السفر يا من ملأتوني = بغيابكم عادكم في "الشارع العاشر!"
إملاءات المطر
22/07/2009, 08:41 AM
شرفة الأوجاع لــ الشاعر مـحــمــد الــحــارثــي


تهب ريح الشعر مع كل مشراف= وعلى بساط الريح نستنبت الشرد



ومن شرفة الأيام صوت الوجع طاف= والليل يتلو مابقى فيه من سرد



الدرب مظلم والحزن كنه إغلاف=أسدل جناحينه على وجنة الورد




وليل الشتا قاسي ونحتاج لإنصاف= من ينصف البردان من لسعة البرد


وش ذا الفراغ اللي نصبنا للأهداف= نصير شاره والمدى حولنا فرد


تهاوت الاحلام في موسم جاف= تحت الركام تعيش في قاعه الجرد



وماعاد باقي للأمل ستر ولحاف=دام الأماني مثلت لعبة النرد



الواقع المؤلم طمس صورة القاف= وأضحت رموزاً شايكه مابها سرد



وتبقى رياح الشعر مع كل مشراف= تنفض غبار الصمت وتحوله شرد
إملاءات المطر
22/07/2009, 08:43 AM
خـرايـط ذكـريــاتي لــ الشاعر مـحــمــد الــفيـفــي

.



آه ..
يانبتة .. عروق الشوق ..
وياغرس .. السنابل ..
آه ..
ياهمس البلابل ..
إنتي أروع .. من بكى ..
فوق صدري ..
واشتكى ..
إنتي أصدق ..
من خلق ..
من رجفة ضلوعي ..
مقاتل ..
في عيونك لي مدن ..
وفي عروقي لك سفن ..
وفي شعوري ..
تزرع الغفوة ..
على صمتي .. قنابل ..!!

.. .. .. .. .. ..

حدثيني ..
ياحزينه ..
عن شوارع .. هالمدينة ..
حدثي قلبي ..
عن أسراب الشعور ..
عن عواصف ..
ذكرياتك ..
عن هدوءك ..
والسكينة ..
عن غضب ..
موج الجروح ..
حدثيني ..
من هو .. ربّان السفينة ..
ياحزينة ..
علمّي شوقي ..
على رفض السواحل ..
في عيونك لي مدن ..
وفي عروقي لك سفن ..
وفي شعوري ..
تزرع الغفوة ..
على صمتي .. قنابل ..!!
.. .. .. .. .. ..

إنتي ..
ياأروع ..
خرايط .. ذكرياتي ..
فيك أسافر ..
يرفض إحساسي .. الحدود ..
فيك سلطان .. العواطف ..
والسوالف ..
فيك ..
أنفاس الوجود ..
أمطريني ..
بالفرح ..
أمطريني ..
بالبكى ..
تنبت ..
أغصاني ورود ..
عالم عيونك ..
غريب ..
عالم جروحك ..
غريب ..
انتي الكون .. الغريب ..
انتي صوت الحب ..
وأروع ..
إنتي كل العشق ..
وأروع ..
إنتي ..
إحساس الخلود ..
من سيوفك ..
تنبت جروحي ..
تفاؤل ..
في عيونك لي مدن ..
وفي عروقي لك سفن ..
وفي شعوري ..
تزرع الغفوة ..
على صمتي .. قنابل ..!!

أنا متأكد إنك .... ماطعنتيني .... بخنجر زور = وإذا كنتي قصدتي مقتلي ... فأنتي نصفتيني !!

إذا غابت سواليفك /. تضيق من الجفاف صدور= وإذا جيتي رقص نبضي وغنت لك شراييني !!

أنا اللي كنت أغيب وماحسبت إن الغياب قصور= وإذا طال الزمان بغفلتي ../ جيتي تصحيني !!

ترى ماجيت أعاتب قلبك .. اللي مولده من نور= أنا جيت أشحذك عفوك .. إذا فعلا ً طعنتيني !!

صحيح إني طفل في عالمك مترف غلا مغرور= ولا عمر المسا .. ضيع مداي / إلا حضنتيني !!

وإذا كان الجفا يوجع فَ أنا موجع حشاك دهور= ولا عمرك ../ تشرهتي على صدري وبعتيني !!

تحمّلتي عبث شوقي .. وبيت إحساسي المهجور= وإذا جيت أشتري منك الغلا ... مني شريتيني !!

أحس إنك مزن عشق ونسيم ٍ في روابي / بور= سكنتي صدري المقفر ...../ وصحيتي بساتيني !!

وإذا كنتي طعنتيني .. حشى ماأقول طعنة زور=فديتك وابشري بَرخص هديه لك ..../ شراييني !!


ماحد ٍ سهر في جروح العاطفه كثري = وماحد ٍ سرى في وريدي . ووجَعّه كثرك !!
من علمك تزرع السكين في صدري= وأنا تحاشى مرور الآه في ...../ صدرك !!
إن مات فيني الوفا للحب لي عذري= وأنت إن صَحَت ذمتك .. بالله وش عذرك !!
يسعد حياتك مدام الموت من صغري= ويسعد لي موتك بسيف الطيش في صغرك !!


.
إملاءات المطر
22/07/2009, 08:57 AM
دور الناي لــ الشاعر نــايــف السميري


وتأخذني مشاريه الوله لاقصى طموح اخطاي!=واجي كني وحيد من الفرح والروح واحبابـي !!
تعبت اضحك وامارس مع جروحي مثل دور الناي!=وانا بأقصى خفوقي خفقتين وحزن واعتابي !!
اثق ماشال حزن اقصاي لو كابرت غير ادناي!=واعرف ان البسيطة تحتضر وتموت بإركابي !!
وانا شاعر واشيل من التعب مايستبيح اقصاي!=تعيش ابيه مشاوير التعب وتفيض بأهدابي !!
ولو اني رحلت وجيت ماحصلت من رجواي!=سوى حيرة قلم متعب كثير .. وحفنة اغرابي !!
وانا مدري هذا فعل الزمن ولا فعل يمناي!=كثير اقول معي اصحاب واخذل بأقرب اصحابي !!
تشربت الطعون وجيت افتش مالقيت ارضاي=وحصـلت التعـب يقتاتني والهـم يقرابـي
رحلت ولاصدفت من الوجيه إلا وجيه اعداي=وصرت اضحك واكابر والحزن يرعى ويرقابي !!
وجيت ولا لقيت إلا دروبٍ تايهه بأخطاي!=وحيـد من الفرح والحب والاحباب واصحابي !!
إملاءات المطر
22/07/2009, 09:00 AM
مجاهــيم الهموم لــ الشاعر سلطان العاصي


رخصت وباعني رخص التراب ومن رخص ينباع=ومن سوى سواتي وش على مـن قـال له ذقهـا
أنا اللي طاع نفسه لين تالـي ضيّعتـه وضـاع=سواة اللي كذب كذبه على حالـه وصدقهـا
آمنت ونمت والديره ذيابه لا كـلاب جيـاع=إلى ماغمضـت لـي عيـن ماقمـت ابحلقهـا
يقولون الرجال الرجل مـن لايقبـل المهـزاع=ومن دنـق رقبتـه للوطـى يبطـي مدنقهـا
ومدام الطيب خيبه والمدى زيف وردى وخداع=وش أبرك من غثى بعض الدروب إلا مفارقهـا
اليا صرت الكبير بعين نفسك خل شبرك بـاع=ولو ضاقت بك عيون الصغير وهـو يبحلقهـا
تواضع والسباع اليا انثنيت الها تجيـك أسبـاع=وفرخ البوم بوم ولو حـرار اللـي يصادقهـا
ومدام أن التطبع عمره ما يكبر عـن الأطبـاع=تـرى الجهـال ماتنطـق لله بغيـر منطقـهـا
نصيحه لاتساوم بالكرامـه ثـم تشـم القـاع=الى من هنـت نفسـك لا تلـوم إلا طرايقهـا
ولا تنثر حيا وجهك ولا تلبس حيـاك قنـاع=ولا تشكـي مجاهيـم الهمـوم لغيـر خالقهـا
ولا تامن طرف حوا ولاتشري رضا مـن بـاع=ولا تتبع بعـض زيـف المشاعـر أو تصدقهـا
ترى ماعاد به قلـبٍ يحـس بلوعـة الملتـاع=ولا باقـي معاميـل العلـوم إلا مسوقـهـا
تعبنا نتصّف بالحلم وانهكنا الجـروح أوجـاع=وملتّنا الحـراوي والوعـود اللـي نسابقهـا
لقينا وش لقينا كذبـةٍ صفـرا وحلـمٍ ضـاع=وسالفةٍ تعـدت ممطـرت لـو هـل بارقهـا
عبد العزيز الجرّاح
22/07/2009, 09:53 AM
جميع القصائد رائعة ومميّزة، وتستحق أن تكون
" جمانة لصدر الغمام "

دعواتي و أمنياتي لجميع الشعراء و الشاعرات
بـ التوفيق.

همسه:
شكرًا كثيرًا للشاعر والكاتب / ثامر الأسمري
إيمان بنت عبد الله
22/07/2009, 02:45 PM
شُكراً لهكذا إبداع !




/



إيمَان
مريم العمري
22/07/2009, 05:20 PM
تم التصويت وبالتوفيق للجميع يآرب :)
فتحية الشبلي
23/07/2009, 12:09 AM
منافسة رائعة ومدهشة
/
شكراً لكـ سيد ثامر الاسمري علي ما قمت به من مجهودات لأنعاش قسم صدر الغمام فهو فعلا ً من الأقسام المميزة بالمطر
والشكر موصول لجميع الشعراء المميزين بقصائدهم الجميلة
ونرجو التوفيق للجميع

تحياتي وتقديري
فتحية الشبلي
23/07/2009, 12:12 AM
تم التصويت ... مع امنياتي بالتوفيق للجميع
محمد الحارثي
23/07/2009, 04:17 AM
شكراً لك وشكراً عليك ياثامر ...!!
فكرة مميزة كتميزك أخي الحبيب ...!!

دعواتي للجميع بسعادة الدارين ......!!!
عارف بن حامد العضيب
23/07/2009, 04:25 AM
الشعر سباق بلا ميدان
المشاعر ميدان بلا سباق
سواء علينا قمنا بالتصويت لهذا أو ذاك
وسواء عليهم فاز فلان او خسر علان
فجميعهم مبدع بلا شك
لكن الأمر يعتمد على الذائقة ولكل قاريء
ذائقته التي يعتمد عليها
شكرا لمن تبنى هذه الفكرة
عفوا لكل من شارك بها
تم التصويت من قبلنا

ابو وطن
ابتسام آل سليمان
23/07/2009, 01:34 PM
بورك في الجهود....
تم التصويت ...!
توفيقا وعونا للجميع ...!
شكرا لك ياثااااااااااااااااااامر.
سودة الكنوي
23/07/2009, 07:09 PM
بالفعل ليس هناك رابح و خاسر
و شاعر و أشعر..
فكل المرشحين من كبار الشعراء الذين تفخر بهم القصيدة الشعبية
و بأحاسيسهم الصادقة و اقتدارهم و جمالهم في عالم النظم
و لكن العملية تخضع للذائقة و تتوقف على الجمهور..

نرجو التوفيق للجميع
و شكر و عرفان لا يحد للأخ الكريم
ثامر الأسمري منسق المسابقة رغم انشغاله
إلا أنه لم يبخل بخدمة المطر..
لينا المهتدي
23/07/2009, 10:27 PM
ما شاء الله !

استمتعتُ كثيراً في قراءة القصائـد ..

كان علي اختيار واحدة فطالت حيرتي .!

لكن تم التصويت بعد عنــاء ..

وجميعهـا جميلــة أعجبتني ..

بارك الله في أقلامكم ..

وشكـراً للجهود ..

^__^
ذكرى بنت أحمد
24/07/2009, 12:29 AM
تم التصويت ،

شكراً للجمال هنا ،

وبالتوفيق للجميع ،

flwr3
سهى الأحمد
24/07/2009, 03:05 AM
تمّ التصويت ,

أمنياتي بالتّوفيق للجميع ,
وَ شكرًا لجهدكم المُبارك .

محبّة :rose:
مفاهيم الخجل
24/07/2009, 04:31 AM
؛
الكـل آبـدع
تـم التصويـت
باالتوفيـق لِ الجميـع :)
إملاءات المطر
24/07/2009, 03:26 PM
أهلا و سهلا بكم أعزاءنا المطريين
شكرا لكل من مر من هنا و ترك بصمته
و العتب لكل من ترك اسمه في ذيل الصفحة و لم
يدلِ بدلوه..
المسألة تعتمد على الذائقة لا أكثر و لا أقل فترشيحك لقصيدة ما
دليل تذوقك الفني و الأدبي و ليس تحيزا لفلان أو انتصارا لفلان
فنرجو منكم التفاعل فكل ما نقوم به هو من أجلكم و لكم و لا يثمر إلا بكم..

ملاحظة:
بإمكان العضو التصويت لأكثر من نص (تبعا لذائقته بمصداقية)
و نرجو النظر للنص كعمل أدبي دون أخذ الأسماء بعين الاعتبار..


نشكر لكم حضوركم و تفاعلكم
و ننتظر المزيد من الأصوات المتذوقة
ثامر بن عبد الله الأسمري
26/07/2009, 04:13 AM
أفـواه الغـداة ترتل ذكركمْ

وثغرُ الأصيل يردد شكركمْ

وأديـمُ الحَرْفِ يَـْرقُـب وَدْقَ تصويتكمْ

شكراً لمنْ هطل ، ولمنْ سيهطلْ

وشكراً

للمطر بكمْ أنتـمْ .

flwr2
محمد بن حليلان
26/07/2009, 12:31 PM
جميع القصائد رائعه وتستحق التميز والتصويت..


لكم أطيب الأمنيات