تعاليل ,,

[تركي النامي]

المساء لا اظلم عرفت اني بدونك=شخص ماله في حياته اي شي


يازهر عمري ولو تقتل ظنونك=خـلني ويـاك ميـت و الا حي


يوم عيني كل ماتذكر عيونك=نادت الدمعه على خدي يدي


قلبي الاوطان وشعوبه طعونك=والسهر سكين وعيوني هدي


انت وينك ؟ ايه ادري انت وينك=غايبٍ عني واشوفك كل شي

[تركي النامي]

آآه ياسرع السفر
لاصرت راجع

لغربة الدنيا وهمي
والمواجع

شتـت ضلـوعي الفـراق
مـثل تشتـيت الـعـراق
وانتهـاكات المضاجع



في البدايه ... راح نص الشعب اسرى
في النهايه... صارت ارواحً شهيده



هـو رجع تاريـخ .. قيصر
او رجع تاريــخ .. كسرى



لانتهـت حـرب العـراق
بـنـبـتدي حـرب جديده !!



وحنا لا قلبً يحـس
... ولاجروحً فيه تبـرى

بس نستـنكر ونشـجب
في عناويـن الـجـريـده

[تركي النامي]

حسابات



اذا حسبتي اثنين قسمة على اثنين=قولي وش الي بس يطري على البال

واحد وساكن داخل القلب والعين=نـاتج حسـاباتي على كـل الاحـوال

لوهي تروح سنين او تقبل سنين=ابكيـك دمعة مغترب شاف الاطـلال

واسامر الذكرى من الحين للحين=و الهم يـاخذني لمـسافات و امـيال

مـتى بـجرحي يـاعيوني تحسين=راح العـمر والدهـر جـاير و ميال

[تركي النامي]

اصبحت لا غالي وقريب

كني اعيش

في اخر القصة اليتيم

مات البطل


مات الامل


مات اليتيم


والي بقى صورة

من الحب القديم


ياليتها عن ناظري
مره تغيب

[تركي النامي]

.


الصراحه




تبي الصراحه لاتجامل واجامل =لولا الوشايه ما تركنا بعضنا

دايم احس انك علي متحامل =وتحس مثلي والنتيجه افترقنا

[تركي النامي]

دمع الرحيل الي على طاري العام=تلقى على جفن المعنى وسومه
الليل طال واصبح الصبح مانام=وازرى يسلي بالقصايد همومه

[تركي النامي]

والحزن لويغيب اليوم بعده يعيد=عودتني حياتي حسبة اليوم عام

وخافقي لاذكرها ضاق مجرى الوريد=وازدحم فيه شوقي لين يصبح حطام

ياولي السعاده خل عمري سعيد=ياكريم العطايا رب كل الآنام

[تركي النامي]

دونك مسافه

والتعب لك حسافه

بديت غيري

ولا رضيت الوصافه

[تركي النامي]

اسجل اعجابي من ابداعك الحرف=ما اسجل اعجابي ابي حرف تمجيد

وان غاب ردي عن فصاحة بني طرف =ماهو تكبر حيرتني التغاريد

[تركي النامي]

مدخل {

تدري هذا الوقت ظالم

يكتب الايام مفرد

ويحرق حروف المثنى










سئلتيني ..

وش الي من الزمن فيني

وحسيت السكوت ارحم

وحارت دمعتي بـ عيني


احـس بضـيق أنـفاسي

و هـديهـا و تعصـيني


احس بخوف من باكر
شبـح حـزني ينـاديني


ويبكيني ظلام الليل

ولا ادري ليه يبكيني


واثار ي الليل من همي

..على قـلبي يعـزيني


تعيش بنظرتي قصة

اشوف ابها عناويني


سئلتيني ..

وش الي من الزمن فيني


رحل فرحي وخلاني

وانا ماعاد يمديني







مخرج }

وتدري لو قالو تمنا

قلت اعيش العمر طفل
ماشقا قلبه وتعنا

[تركي النامي]

.









الكلمه الي تجرحك خلها مثل السراب =الي توطاها وهي تروي ظمى اصحابها







.

[تركي النامي]

وش ذنب حرفي يكتب الجرح فيني=ماعله إلا الجيم والراء و الحاء

مرات يبكي علي و مره يبكيني=ياليت حرف الجيم لي ينكتب فاء

[تركي النامي]

ان جار صدك ويني و وين لقيآك=أخاف ترحل في زمانك بدوني
وأخاف همي أتعبك يوم وأشقاك=أبي لك الراحة ولو ضاق كوني
و ان جيت بتخيل حياتي بلياك=أشيع أفراحي وتثقل متوني
وأنسى حياتي بس لايمكن آنساك=الين في بطن الثرى يدفنوني

[تركي النامي]

أنا يا وين بمشي وين
ودمعي وادعته العين

مثل من فارق أوطانه
وحس بغربة الأرواح

مضى لي يوم من بعده
وهمي يطعن بحده

عسا ما شر يا قلبي
تطيح وصاحبك ما طاح ؟

[تركي النامي]

علمني إن اللي مضى حي ما مات=وعلمني إن الحي فيني فقيده


وعلمني في دمع النهاية بدايات=وسم الزهور اليانعات الشهيده


وعلمني إن الوقت ما فات لو فات=عزم القلوب اليا تمنت تعيده


وعلمني إن الحب فرحه وآهات=حزنً يطول وفيه لحظه سعيده


وعلمني إن الصبر نور المتاهات=وعلمني أقنع بالحياة الزهيده

كُتبت في أخي

[تركي النامي]

,




رغم افتقادك وجرح الليل ماعفتك=رغم انك الهم في دنياي حبيته
سامح وصالي عسا مايوم كلفتك=لا صار شوفي تكاثرته و مليته

[تركي النامي]

رداً على sms

شحت سحابي وأشوفك جيتني عاني=وكن ظرفي وأحس بضيقة الكنه
ما أسقاك حظك وشفته راح ما أسقاني=يا ليتنا لو ثواني نرتوي منه
والليل أقبل حزين وبصمت ناداني=وأنا أبوحه غلا واسهره لين إنه
يقفي مع الصبح وتقفي معه قيفاني=ومعها جواب السؤال ولابها منه
ألي سرق قلب وينوي سرقة الثاني=يستغفر الله رب النار والجنة

[تركي النامي]

,



صمتي وبوحي كلبوها سويه=تفضح خفايا خاطري عند الأجناب
إذا كتمت اتبان دمعه نديه=وإذا حكيت اتفك لأسراري أبواب

[تركي النامي]

,




الله كتب لي مرُ عمري وحاليه=آمنت بـ الي كاملات صفاته

مثل البذر روحه على يد ساقيه=وارضً كواها القيض ميت نباته

ويـا بايع قلبي إلك حق ترميه=من دون ثمره كيف تسوى سماته

قلب(ن) همومه كل يومُ تبكيه=لا طاب وقته وروق البال جاته

[تركي النامي]

,




حد(ن) يبكي على قلبي و نساني=و حد(ن) عيني بكته ولا نسيته

اشوف الحب يسقيني المراره =و انا الي من وفاء قلبي سقيته

خسارة يا العمر ذيك الليالي =شتاتك ضاع وضعت ولا لقيته

مثل من تاهت اقدامه وعينه =تشوف الوقت جار وهد بيته !!

[تركي النامي]

,


دمعي نثرته , وطبع الناس هراجه=تلحق وراء أسرار حبٍ غربل سنيني

حبٍ أسرني ونبض القلب يحتاجه=طاريه يقطع خفوقي من شراييني

قلبٍ طبيبه رحل و بيده ( علاجه)=حالف على وقف نبضه ما يداويني

كني سجين وتمنى رحمة إفراجه=والوقت من ضحكة أعدائي يواسيني

صبري سفينة وهمي هاجت أمواجه=أشوف فرحي وحالة بينه و بيني

[تركي النامي]

,



الناس فضّلهم على حساب ذاتك=خلك وطن لاجاك زائر مواطنك
وامسك بيد الي يحس بغلاتك=وواس الحزين واكتم الي محزنك
هذي وصاتي ياخفوقي بحياتك=اضحك لمن حبك واضحك لطاعنك

[تركي النامي]

,




اليوم غير الأمس ياللي تنادين=كل شي له بالوقت عمره وحده

حرمت مامشي في دروب المحبين=وجـبرت عيني ما تحن وتلده

تشوف يده في رحاها بساتين=وان جتك طعنه ماطعن غير يده

[تركي النامي]

,



آه من كلمة تزل بقدر مغلينك=لو ما غيري سمعها قلت لك ما قلتها

مشكله لا صارت أخطائك تدينك=و الغلا في داخلي ينتظرك تزلها

[تركي النامي]

علموه الي يبلغني سلامه والختام=الوفي يذكر حبيبه والزمن ما طبعه

مانوى قلبي عتب بس له شرهة ملام=كل مايرخى هدب شاف طيف مودعه

السنين الي مضت كنها في صرف عام=لابعد ماهيب عام شهر واقفى واتبعه

صاحبن لا مايفرق الحلال من الحرام=كيف حلل طعنته في خقوق مولعه

[تركي النامي]

ياقلبي لاتحزن على بعد الأحباب=عنيت حالك بالهوى وش تبيبه

دمع الفراق وملته كل الأهداب=جرحك وأنا ادري سبة الجرح غيبه


الحب دايم خطوته تجني أتعاب=و القلب ما فاده عناه و نحيبه

والوقت كم فرق مواليف و أقراب=محدن خذاه الوقت تقدر تجيبه


في الصبح من نوره تباشير كذاب=وفي الليل من ظلمه هجير الحبيبه

وبالدمع قصة مغترب عاش مرتاب=ياغربة همومه وما اغرب نصيبه


ياقلب لا تسأل عن غيابه أسباب=يا ما سأل دمعي ولاحدن يجيبه !!

[تركي النامي]

,




كم شاعر يناقض بحرفه مباديه=وكم شاعرً حرفه صورة لذاته
وكم حي لا شفته تلاحظ تعاليه=ليت التواضع ما يفارق سماته
وان كان حرفه صوب ظهري شلافيه=أعطيه ظهري و مايهم إنفلاته

[تركي النامي]

,



دلعتك امـك وعـشت بعـز ابوك=اتمـخطر في غــرورك والتـمايل

الزهرهو مفرشك من دون شوك=تركبين البورش ماهي بالجمايل

ان طلبتي شي في لحظه عطوك=والا انا مـافي يدي والله وسايل

وتـاكـلين بـ ملعقه و يـوكـلوك=شي مـاندري و شـسمه كيف قايل

تلبسين الجنز وغربي درسوك =وتعـشـقين البوي تـقـرفك الجدايل

ليتـهم في البر ياعمري نسوك=مع سموم القيض في لهـب القوايل

صدق ليته !! بس نصيبك دلعوك=وصابني حـبك وسـوا بي عمايل

لا تـقولي لي احبك.. يسمعوك!! =مـادريتي ؟؟ عـنـدنا فـيها قبــايل

كيـف يـعني؟ بيـقتلوني ويقتلوك= يرحـم امـك لا تشـبيـن الفـتـايـل

يكفي اني شيل ابوك واحط ابوك=شفت في عمري من الدنيا هوايل

[تركي النامي]

تدري وش الي يغير كل ما فيني=لا قلت احبك وضيقي يخنق أنفاسي

وتدري وش الي يعذبني ويبكيني=إني معك للحين مدري وش إحساسي

[تركي النامي]

بـ اختصار




احدن تحطه على جرحك ولا يبرى=لانه يضمد جرح غيرك بجرحك



مـاني بـ قايل خلهم ينفـعونكـ =وان كان باعو عشرتك قلت لاباس



ان كان فعلي تردى مايجملني=يا جعل يومً اعيشه ذل يقـفيبي



ياكثرهم وقت الرخا والوناسه=وان ضـاقت الاحـوال كنـي لحـالي



العين تـرقب جيتك كل ساعه =من شوقها حتى الهوى تلتفت له