شجرة إحساس

[أحاسيس]

شجرة الإحساس من هزيتها = جاتك أثمار المشاعر ناضجه
أورقت بالحب يوم ارويتها = ترقص اغصون العطا متغانجه

[أحاسيس]

صوتك اليوم ما عطر مسامعنا = ويومٍ بلا صوتكم ماهو من ايامي
ساعات فرقاك يالمحبوب توجعنا = وانت اتعرف كيف حال الهالك الضامي
لا تهمل الجرح شوف الوضع سنعنا = تراي ميّت ضمى والماي قدامي

[أحاسيس]

حتى ( وجع ) منّك لها طعم ثاني = وشلون أجل لا قلت كلمة جميله
أذوب منْك وفيك واسكب حناني = مع اني إنسانه عفيفه ، أصيله
لكن ربي بالمشاعر بلاني =واللي من الله مالنا فيه حيله

[أحاسيس]

تذكر الفجر الجميل بيوم جمعه = تذكره يوم انت كنت ابيت ابوك
تو عمري ماانولد واضويت شمعه = يوم ذاق السمع خمرك زيدني لا فض فوك

[أحاسيس]

أنت الأمان وباقي الناس خوفي=أنتَ قدرت اتغوص فيّ وتعمّقت
أنتَ غلاك امنْه تراجف اكفوفي=أول رجل من داخلي يمّه انسقت
رغمٍ عن اظروفك وحاجز ظروفي=أنا بحبك ياغرامي توّهقت
قبلك غليظ إحساس قلبي عيوفي=مااذكر ولا مرّه لغيرك ترقرقت
واليوم صرت بوسط قلبي وشوفي=إسمك ان مرّ أجواي من جد عرقت
شيٍ يهز اعضاي تقل امخفوفي= وعندك خبر وش يفعل الشوق لاشتقت
















.

[أحاسيس]

عايش على وارد وصادر رسايلك= أحرقت قلبي أحرق الله عدوّك
ليت السنين اتجود في عذب سايلك=واكسب رضاك وينهمر ليّ نوّك
















.

[أحاسيس]

ثرثرة احساس ساخن وأنتَ أطهر= من مدارات الجنون وثرثرة همس الصبايا
لاتوتر من غيابي خلك أكبر= من حكايات الظنون وسالفة وجه المرايا

[أحاسيس]

من كثر مااقرالك واذوب ابمشاعرك = أخاف انا أكتب شيء قبلي كتبته
شربتك من اول حروفك إلى آخرك=واسرت عقلٍ في اسلوبك سلبته

[أحاسيس]

أحس اني بالحيل محتاجك اليوم = ليتك إتحس احساس روحي معايه
لحظات يمكن بالغلا مالها توم = اتوصّل المجنون حد النهايه

[أحاسيس]

أحتاج لك كثر ماتحتاج للمويا = ثمن مدى حاجتي وش كثر انا احتاجك
مفعول صوتك عليّه مادة صويا= ورحي فراشه حرقها واهج اسراجك
أدلّه النفس وأفسّر لها الرويا= بس الحقيقه سجينك وانطر افراجك
ماابغى أسبح بحر وصلك وامشي (العويا)= يكفيني اسمع نسيمك وأنظر امواجك

[أحاسيس]

ياهلا بعيونك اللي تنتظر مسجاتي= والله إني ياغلاتي كلني لعيونك
وياهلا ب.اشواقك اللي تنتظر همساتي=أعشقك من مبتدا عقلك لحد اجنونك











:rose:

[أحاسيس]

أنتَ غلاتك عاطفه في داخلي ماهو شعور= لن الشعور من الفرح والحزن غير العاطفه
العاطفه حاله تصيب الذهن واعصاب الجذور= فيها إيجاب وسلب وأضداد الخطر مترادفه
يمكن تعيش إسنين وأنت براحة النفس امغمور= ويمكن تبدل حالتك في ظرف لحظه خاطفه

[أحاسيس]

يسعد مساها الضحكه المجنونه= اللي سببها مشاكساتك ليّه
إلى ذكرت الكرت وش مضمونه= أضحك وأنا في قاعة الكليّه
ويسعد مساك اللي مساي بدونه=ماكنّه إلا سجن للحريّه
:)













.

[أحاسيس]

من حضر كف الغياب وصك بابك =مابقى للنور نورٍ وأنت غايب
كل هاجس راود الفكر وحكابك = وغاب نومي والسهر سقته ضرايب
وش اسوي مع حضورك في غيابك= وكيف أغيبك وأنت متمكن وصايب!
من ذهب باللب كاسٍ من شرابك =صرت مرضانك ولاني منك طايب
صدري أضمى قاع يستمطر سحابك = من وهج شمسه بكا غيم السحايب












flwr3

[أحاسيس]

ذبحتني ذبح يارجال =إسبوع احاسيس مانامت
عليك نومه وطولة بال= أظن قلبك على الصامت

[أحاسيس]

عمّ الجفاف افياض كل الاحاسيس = وجفّت من اضرار الجفاف الخميله
جفاك تخنٍ مانفع فيه تخسيس = شوّه رشاقة حب كانت جميله

[أحاسيس]

أكيد به عن عامي اللي مضى فرق = وأكيد به متغيرات بحياتي
أهمها صوتك وبلسمك يا الطرق =وكيفية اعلاجك لجرحٍ بذاتي
سايرتني حتى انسرق خافقي سرق= الله يحقق من ذنوبك نجاتي
مفعول حبك صار في محتوى العرق = أخذتني ما عاد فيها ثباتي