.. مسودّة إحسـآس..

[عامر الصيعري]

.. هنـا سـأسطر كلّ مـا أخطُّ من شعر ..
..
.. لأستطيع اللجوء إليه ، كل مـا ضـاقت علي الوسيعة ..
..
.. أرجـو من الله العلي القديـر أن يوفقني لمـا يُحب ويرضى ..
.
.
.
flwr1

[عامر الصيعري]

.
.
.

وش هو يزيد الصبر يا صاح قلّي = لآ صار خلّك مبعدٍ عنك مدّه


يزورني في هجعة النوم ظلّي = وانا وحيدٍ دون خلي وقدّه


وافزّ من نومي ، وابارح محلي = واسهر انا ليلي وامسه وغدّه


يخطف بثوبي مثل محرم يتلّي = باحرام خيّه ينقذه من مهدّه


ولا كما حرٍ على الصيد هلّي = علّق مناته والهوى صار ضدّه


تبعد ؟ بترجع والنهايات للي = رب البريّة ماله سواه ندّه

.
.
.
:coffee:

[عامر الصيعري]

.
.



يا بحر ليه المشاعر تعتق دموع الجراح = لا انفرد رمل الشواطي مع طواري ما تقال
واحتضن صدر السمـا عاشق وخافيّه يباح = منتظر شمس الوصال تغيب ويشد الرحال
هذا انا لي انتظر من حين تشرق فالصباح = شايفٍ قرص الضحية للموادع والزوال
حاليٍ مر التجافي / مـالحٍ عذب القراح = وتنتهي قصة مراح وتبتدي قصة تعال
واعذابي من محبٍ عايشٍ وقته نواح = ويتسامر مع هواجيسه على صفر الدلال
معلن اني ببتعد / رح يا عسى دربك سماح = يا عساكم للهبايب والذواري والسوال

.
.

[عامر الصيعري]

.. في ربوع الصين ، ما بين ضرس الشوق وناب الهم ..
.
.
.

الزيف في ذا الناس واجد وتلقى = احدن يسوق الكذب ويلفقه سرق

واحدن على الخوّات بالطيب يرقى = واحدن على الخوّات دفتر بلا ورق

واحدن تباطى به عنا الوقت سرقا = من بعد خلٍ والصواديف تمرق

واحدن يعيش الوقت قاسي وحرقـا = من زود ما عندك عسى فاله الحرق

واحدن يعشّم فيض دمعه بغرقا = ويلاوع حزونه على مخايل البرق

واحدن على الشطّات ضاري ويهقا = انه على الشدات بيحدث الفرق

لا يا وجودي كل ما ناح ورقا = على عويد البان في ديرة الشرق

من شوق وسط الروح نازل ويبقى = اذكر به اخواني على مجاذب الطرق

وختامها صلّوا عليه المنقّى = شفّاعنا في يوم باعمالنا غرق
.
.
.
:flower2:

[عامر الصيعري]

عودة عزيز بـ / السـلامة والله يرد كل غايب لاهله ..
.
.



من بعد سبع ايام والقلب نازح = عاد العزيز اللي فضا عقبه الكون
لا ادبرت ناسي ذه عيوني تفاضح = صالح عسى داره هماليل بـ الهون
صالح اخوي اللي على الدرب ناصح = صالح حزامي لا اظلم الليل بسكون
صالح يا صالح للمواصيل صالح = صالح مكانك وسط ذا العين والنون
ان اقفيت صالح وان اقبلت شارح = لصدور ناس موادعينك ما يدرون
اترد والفرحة بعدك تناضح = في عيون ناس موادعينك ويلقون
.
.
;)

[عامر الصيعري]

يالي اتّنكّر واتشبّه بالاطفال
................. علمك درينا به وزلاتك تفوح

يا صاحبي واصبحت مضرب للامثال
............ يوم الردى لابسك لا تشكي بـ / نوح

يا شينها ويا شيب عيني على رجال
........... تسوق هرج الصدق والصدق مطروح

البارحه امست وعودك ولا تزال
............... ويوم حان الجد اصبحت مفضوح

ويوم القصايد بالتّزاين تختال
...................... ازين فعولي بجمالاتٍ تبوح

دقيت بُنّي قبل ما اصبه دلال
.................. واسوق فنجالي على كل مذلوح

الا الردي يعقب ويخسى اذا مال
............ وماني على دروب النقا حيل بـ / اشوح

هذي علومي يوم خاويت الاشكال
................. ومالي بخوة لاش / جسمٍ بلا روح

ما ينقطع رجوى من تمسك ولا زال
....................... دامه تقبض بالدعا لله جروح

[عامر الصيعري]

.. بسم الله الرحمن الرحيم ..
.. قصيدة موقف ، والتفاصيل في طيّاتها ..


..


وجدي على اخوالي بعد ما شدوا = وجد الخلوج الفاقده حاشيها
يا صاحبي والعبره اللي تخنق = باحت بـ / سدّي واظهَرت خافيها
يا صاحبي والدمع ماهو عيبٍ = لو كان في موقف شرف ناخيها
وانا دموعي سالت وبكّتني = وابرك لي انه قد دفق جاريها
رجواك يا ربٍ عظيم الشاني = اتهون الفرقا على شاريها
وتصبّر الفاقد حنان الخالي = اللي بمثابة والدي ناصيها
وجدي عليهم وجد لا من شدّوا = وجد الخلوج الفاقده حاشيها
تمسي وحاشيها جويعٍ يلكش = وتصبح على [ بوٍ ] شِبه حاشيها
وختامها يا عل راسه يسلم = وتسقى ديارٍ حل خالي فيها

..