خلاص كنسلتك.

[سحايب العازمي]

خلاص كنسلتك ومليت طاريك
وحتى خيالك من وجودي محيته
عافك خفوق ٍ بالموده مصافيك
وأنهى معك قصة غرام ٍ بديته
رحل عَنْك .. ما عاد يتبع خطاويك
واضح من العنوان خط ٍ قريته
فاق الخفوق اللي محبك ومغليك
وندم على ممشآ لشخصك مشيته
قضيت منك ولا بقى غير ماضيك
أتعبتني لين المفارق نويته
ماني تراني لعبةٍ بين أياديك
وش في غرامك من نعيم ٍ لقيته ؟!!
غيرالشقا ودموع عين ٍ تراعيك
هذي نتيجه للوفا اللي عطيته
تحرمني الفرحه ولا يمكن أجفيك
وش ذنبي اللي في حياتي جنيته ؟!!
رضيت تعذيبك ونفسي أداريك
وخسارة ٍ مثلك بروحي فديته
بانت مع الأيام وش هي خوافيك
وصدمتني بأسلوب لا ما هقيته
يا للأسف أشغلتني في تماديك
أدمح خطاك وخاطري ما رعيته
كان التصنِّع والردى مِـيِّـزَت فيك
لازم أهد اللي من أجلك بنيته
وأبي أعترف لك وأقسم اليوم مابيك
ملامحك ذكراك شخصك نسيته
ولا عاد تعنيني ولا عاد أنا أعنيك
وهذا القرار اللي لذاتي خذيته
أعز نفسي عنك لا يمكن أرجيك
وإن حن لك قلبي رفضت وعصيته


http://www.anhaar.com/arabic/index.php/permalink/14084.html

[بَصيْص]

شيءٌ مَا في كُلّ نهَاية قد يصنَعُ كذبةً تُدعَى النّسيَان
ذَات الشيء يُثبت أنّنا لم ننسَ أبدًا .. !
هَا نحنُ ذا نرمي الأحرف في حضن القَصيد مُكابرة رُغمَ أنّها تحدّثت عنهم ..

قضيّةُ النّسيانِ أمرٌ مُرهق ، تُرفَعُ جلساتها دائمًا ..

سَحايب /
صحّ اللسَان يا فاضلة على هَذا الإغداق الشّعوري ،
قَد يَحدث وننسى ، لكن المَاضيَ لا يُمحى !

:flower2: