ديوان همس البنفسج

[برهان المناصير]

بسم الله الرحمن الرحيم السلام
إن شاء الله تعالى سأجمع بعض ما أكتب من خربشات هنا في هذه الصفحة ولكل من مر هنا أجمل تحايا البنفسج برهان المناصير
flwr2


قلوب العصافير
(1)

ثملت ضفاف الروح عبره وهوجاس
...........وفاضت على الريضان تطلب عوضها

يا ليتها مثل العصافير هالناس
.................ما كان قلبي يوم جتني رفضها


تلبس عباه من المطر كنها الماس
................والغصن مثل العقد حنّ ونهضها


شفها تعادي البرد والريح والياس
............... لجل الدفا حنّت وحضنت بعضها


يا كنها تدفى على حر الانفاس
...............يوم السما تصرخ ويلمع ومضها


تحت الورق تلتم والتم الاحساس
.................بيح خفوق القلب ساعة لحظها

فزت وهز الغصن واوميت بالراس
..............نبض القلب باحساس طيّر غمضها


يا ليتها منها غدت تاخذ الناس
.............بعض الشعور اللي يداوي مرضها

برهان المناصير

[برهان المناصير]

شهرزاد
(2)
.
.
الف ليله أكتب الحزن ويزيد
................ليتني بحكي وتسكت شهرزاد

اهمز لمهرة خيالي واستعيد
................حلمٍ اخضر كان في قلبي وباد

واهنيي لا حيا الحلم الوحيد
.................ابتسم فيني وعاد احيا الرماد

التقي باللي يسافر بالوريد
..................ابحر بعينه واصير السندباد

وكل بسمه هاجرت عني بعيد
..................تهجر المنفى وتسكني بلاد

لو تنادي البوصله حلمٍ جديد
................... لاكسر الدفه ووجه للبعاد

ليت خلي لا غدا الحلم الوحيد
...............أنطق ويسمع وتسكت شهرزاد

برهان المناصير

[برهان المناصير]

(طعم الموت)
(3 )
لي صاحبٍ ينصى ويسأل عن الموت
..................وده بذكر الموت يقرا قصيده

والقاف بالبستان يقطف لنا التوت
...............وشلون طعم الموت ودك يريده

يا صاحبي والموت يحصد بلا صوت
...............ما يعجزه حد الحقول المديده

والله مصيبه تترك العقل مبهوت
...............كم نزعة الروح المريحه شديده

قبورنا قصه ليا صارت بيوت
...............ختامها بعث وحياةٍ جديده

حفره ولكن جنة الخلد مبخوت
.............اللي مهدها قبل يسكت وريده

واللي طغى يندم على لحظة الفوت
.............حفره ولكن نار سوده وقيده

لا جيت تسألهم تلاقيهم سكوت
...........تخلط ترى ما بين عبدٍ وسيده

قبر الجحيم اللي به الهم مكبوت
............وقبر النعيم اللي تبسم وحيده

يا صاحبي والقاف بي غص بالتوت
........لا جاب طار الموت عاف القصيده

برهان المناصير

[برهان المناصير]

دفى العصافير
( 4 )

اشلون ألملمني وتدفى العصافير
اللي ذبحها البرد سبة جفاكم

علم فؤادي يا كثير المشاوير
اشلون أبمنعها المدامع وراكم

يوم المشاعر في فؤادي نواوير
جتها السنين الماحلة من تلاكم

النرجسية في فؤادي غدت غير
من صورت لي بالمحبه حلاكم

بين الجفن والعين متحف تصاوير
شف السهر شاهد علينا معاكم

خايف على زهري يمل المعاذير

ويجف قبل الشوق يرويه ماكم

من هامت بعقلي هجوس التفاكير
ما عاد أشوفه غير ساكن مساكم

ياليت فيكم ينفعن التعابير
وأرقى بحرفي لين أعانق سماكم

وأنثر حروفي ما أخاف المحاذير
ويصير وبل الديم غاية مناكم

برهان المناصير

[برهان المناصير]

صباح الورد يا يمه
( 5 )
..

صباح الورد إلى وشوش نداه بسيرتك يمه
.......................يفوح العطر من قلبي وسلم يسبق لساني

ويتنفس غلاك الصبح روحي تركض تشمه
.................ترى ما هي سوى نبضه غدت في قلبك الحاني

نسايم ورد دعواتك تجي بالحال مهتمه
......................ولا تبرح حنايا الروح الين تهاجر احزاني

وأنا في داخلي طفلٍ نثر دمعه على كمه
.....................إلى بزعل ركض يمك وبيده سلة اشجاني

وإلى بسكت يطير القلب يشكي ال قلبك وضمه
...................وإلى يعجز سواة الطير قلبك بالدوى جاني

وانا مثل الربيع الهش غير الغيث ما همه
....................ولا غيرك بغيث الصدق امطرني وواساني

يذوب الورد في قلبي يعطر بالغلا دمه
..................سرى فيه النفس روعة وصار الورد ميداني

ومنزلتك يا يمه فوق فوق وفوق في القمه
....................وغيرك ينزل ويطلع وحبك ثابت اركاني

يبعثر قلبي ذكر الناس ياتي ذكرك يلمه
............يصب الطيب لين الطيب صار بصورة انساني

صباح الورد يا عطره ياروح الورد يا يمه
..................صباحٍ حبك اتنفس وشهق همي واحزاني

برهان المناصير

[برهان المناصير]

حلم البنفسج
( 6 )
الغيم يعزف للبنفسج بالعروق
.....................وصب المطر نساه صدة رفيقه
طيفه تربع بالحشا وازهر الشوق
.....................والروح صارت للبنفسج حديقه
هذا وليفي رافق غيوم وبروق
......................ويّا المطر لا صب روحٍ رقيقه
كنه فرح من مهجة الغيم مسروق
.....................حلمٍ غدا لي بالحنايا حقيقه
من وين ما يقبل يلاقيه بشروق
.................واليا مشى فاح النفل في طريقه
يا سرع ما مرت على جرح مفتوق
...................ليلة فرح ما كنها إلا دقيقه
الطيف روّح واترك القلب مخنوق
..................يوم الوله شب الجمر في عميقه
والغيم سافر واشعل البرق بالموق
.....................اركض ورى نوره وانادي بريقه
كني لفظت الروح مع صرخة التوق
.....................وكنه ولا يدري بقلبي وضيقه
ادري عبث ناديت من قلب محروق
.....................البحر ما تلفته صرخة غريقه
برهان المناصير

[برهان المناصير]

دمعة وفا
( 7 )

شفت إلى من السما تصرخ وتبكي يالحبيب !!
................تضحك ارض وتورق اغصان وتفتح للحياه


وشفت دمعه من عيونك !! هزت القلب الصويب
.......................والوفا وبله حيا ورد المحبه يا مناه

ظلك ابكي !! وابكي مثلك لا من اقصاك النصييب
....................يمكن بيومٍ تلاقى ويشكر العاني وفاه

اه لا منك رحلت القلب ما بطل نحيب
.....................جفت عروقه وقاعه ينتظر دمعة سماه

منك هتان الوفا من يلمس جروحي تطيب
........................لا ترد الدمع تكفى دام يشفينا دواه


آه لو شفت المدامع لا سقت خد الغريب
......................الوطن ينبت بخده والاماني في شفاه



وانا في وجهي نبت وجهك سنابل يالحبيب
....................والاماني في شفاتي تنبت وتزهر حياه

برهان المناصير

[برهان المناصير]

الدنيا رزنامة
( 8 )
الدنيا رزنامه والايام صفحات
..................والعمر ينزعنا وياخذه منّه
انسوّد الصفحه ونكتب عبارات
.................عند الحساب الحرف ترويه عنّه
يا نفس توبي واكتبينا بدايات
..................قبل النهايات الأليمه يجنّه
يا كيف نتونّى وللموت غارات
...............لا جا يتوب انسان ما يمهلنّه
الدنيا غمضة عين تمضي بلحظات
............وبالقاع الابيض نفتح العين حنّه
ما تنفعك عند الموازين حسرات
............ولا قولة ان ابليس هو من فتنّه
تتعب تنادي الموت يطوي المعاناة
................وتحرم السكرات مع قربهنّه
ما دمت بالدنيا والايام عجلات
..............احرص مدام الدار نارٍ وجنه
ودار السلام اللي بوسع السماوات
.................افطن تراها يالمعنّى وطنّه
يالله سترك يوم نشر السجلات
.............ويارب عفوك تعفو اليوم عنّه
برهان المناصير

[برهان المناصير]

حلم طفل
( 9 )

طفلٍ لمحته كاسف الحال ! حيران !
............زورق ورق .. بيد النسايم تذله !

يا ديم عينٍ ، ساقت الهم هتان
..................تنبت على خده سؤالٍ وحله

لي يضحك اصحابه فرح ليه حزنان !
.....صوت الضحك ! والعاب! . قلبه تتله

يشبهني لكن يختلف لون الأحزان
............مثل الجريح ! وصورته بالمجله !

لما عطيته ما يبي راح فرحان !
..............كني عطيته فرحة الكون كله !

رجع الطفل يبكي ! تقل فيه بركان !
............بيده شظايا لعبته ! ويش اقله ؟

اش حال من هو فارق اليوم خلان ؟
.........وقلب انكسر ما بين عله وعله !؟

جمعت باقي الحلم بيدين الاشجان
............ورجعت قلبي لوعته تستحله !

لعبه ولكن كسرها هز وجدان
...........طفلٍ وشاعر فارق عيون خله !

برهان المناصير

[برهان المناصير]

هلا باللي
( 10 )

هلا باللي ليا منه تبسم
........... ينير القلب يتمنى رجوعه

أنا قلبي ليا منه توسم
.........يشوف النور كله في طلوعه

اشوف الكون بي كله تقسم
.........وما غيره تمادى في سطوعه

ظلامٍ في غيابه بي تجسم
.........وصار انسان يرثيني بدموعه

حبيب الروح إلى منه تنسم
.............تزيد انفاسه الحرى ربوعه

جفاف الروح خلي لا تبسم
...........يصير الديم تتمنى رجوعه

برهان المناصير

[برهان المناصير]

ظلام المخاليق
( 11 )
بعض البشر ينسيك ظلم المخاليق
.......... واليا لمحك بضيق كان المواسي

يسري عليك يحن يومنه الضيق
............... يملا حياته بالشقا والمآسي

يسقيك عذب الما وهو يابس الريق
...... ثابت ثبات الشامخات الرواسي

والله ياظل الحانيات المواريق
.......... جيتي وقيظ الشمس يحكي براسي

جيتي كتبتي بالحشا والمعاليق
.......... بالكون بعده مركب الخير راسي

الطيب طبٍ للجروح المفاتيق
....... .... اللي أثرها بالظهر ما يقاسي

جاني قمر خفف ظلام المخاليق
......... يجزاه ربي خير ذاك المواسي

برهان المناصير

[برهان المناصير]

الجرح الأول
(12)
جرح غدرك يا حبيبي ما يطيب
........... في فؤادي طعنته مثل الرماح
ما يفيده يوم فرقاك الطبيب
.............من يجسّه قال خلاني وراح
يلتهب لا زار طيفك يا حبيب
..... من عقب فرقاك ما يوم استراح
كم تحراك الفؤاد وما تغيب
......... عن خياله يوم يا سيد الملاح
كم سهر ينطر يشوفك من قريب
....... يا عساك تمر مع نور الصباح
من يناديك المولع ما تجيب
..... ومن عيونه تختفي خلف الوشاح
قلت يا قلبي ترى أمرك عجيب
............ما هقيته يوم يرجع للمراح
يا حبيبي خبر القلب الصويب
........وش نهاية طير مكسور الجناح
وش نهاية بخت دومٍ بك يخيب
.........لي ضحك يومن وتاليها نواح
قلبي المجروح أمسى بك عطيب
........ما هقيته يوم يهديك السماح
برهان المناصير

[برهان المناصير]

الفراق
(13)
ألا يومٍ نويت الهجر جاني
...........حروقٍ بالحشا زادن لهيبه
غيابك نار تلظى في جناني
..........ترى قلبي شفوقٍ لا تذيبه
ألا من لي بطيرٍ لا شجاني
........نحيبه زادنا شوقٍ نحيبه
يغرد ثم يهاجر كن عداني
......بنوحه زادني فوق المصيبة
أريد الطير يرجع والزماني
.....أريد الطفل يرجع من مشيبه
فراق الصاحب الوافي شقاني
....... ألا يا رحمة اللي لي يجيبه
ألا يا ربّ ترحم من يعاني
.......غريب بديرته روحه صويبة
رحيم و رحمتك فوق المعاني
........إلى من يطلبك عاني تجيبه
ترد الما سحايب ما تواني
........ويحيي زرعنا وبلِ يصيبه
برهان المناصير

[برهان المناصير]

سحائب الحزم
(14)

هم هل السنه سحاب أمطر صبايب
..............واليمن فزت توضت من وريده


ما بقى فيها من الحوثي شوايب
..........سلسبيل اتشف عن أصفى عقيده


مات كسرى من بغى دولته خايب
..............النبي قد قال ماله من جديده


لا غدت إيران تنفخ بالمصايب
..............لمّا لمّ الشمل منهم نستفيده


السعوديه والاردن والحبايب
..............من قطرها والامارات الرشيده


هم أسود السنة في عزم وكتايب
...........لا خست إيران تدرك ما تكيده


يا هل التوحيد يا حزم وسحايب
.............الله أكبر واليمن تبقى سعيده


برهان المناصير

[برهان المناصير]

بوح_الحفيف
( 15 )


البشر وقت الظما مثل السراب
.........لا ظميت اقطع رجا القلب العفيف


الطمع خلّيه في منشي السحاب
...............ربك اللي لو يشا برٍّ لطيف


من يحن الغيث يحْضنه التراب
............تتولد زهره على رغم الخريف


بعد عسر اليسر يصرخ بالجواب
............لا وعاه القلب تسمع له رفيف


ايه هالدنيا غدت غابٍ وغاب
............الأمان وياكل الصلف الضعيف


ليتني عصفور يا عصر الذياب
...........لا لمح ناسٍ حضن غصنٍ رهيف


باح حزنه في صفيره والغياب
..........وراح يسمع بالورق بوح الحفيف


هذي الدنيا بشر!! ذبح وعذاب
..............من يبي يبحر تغشّاه النزيف


هذا أنا صديت واعلنت الغياب
........وش بقى يالعالم الشْرس المخيف


برهان المناصير

[برهان المناصير]

روح النقا
( 16)

جاك يا روح النقا يا ملجا للطير الصويب
.....................قلبي رفرف واحتضن شبّاك بيتك واتقا

لا لمسه الحال يزهر واكتسى لون الحبيب
...................كن تلحّف غيم وإلّا كان والثلج اصدقا

اسبل الشباك جفنه من سمع بوح الغريب
...................والندى لاجله تحدر خالط دموع الشقا

جاك مجروح المشاعر واعجز الجرح الطبيب
................من لمح نورك وفارق غصن صدري وارتقا

لا غدا الشبّاك عالم ياسع الكون الرحيب
...................من يلوم القلب ودّه فيه عمره لو بقى

اختلط صوت المحبه مع صدى صوت النحيب
.................والقلب ودّه وريده لاجل يطرب يفهقا

ايه ظامي ودّيَ اشرب من معين القلب طيب
..................ارتويتك بالخيال وجفت حقوق اللقا

وجهك البدر البعيد وروحك النور القريب
...........كم شربك الحلم شافك في غدير الما نقا
برهان المناصير

[برهان المناصير]

رويتك خيال ظميتك لقا
( 17)

أعيشك فضا به تنفس نقا

..............خيالي سمايا وطيفك قمر

رويتك خيالٍ ظميتك لقا

...........علقتك سرابٍ عشقتك بحر

ظميتك وطيفك بقلبي بقى

..........بصمت السحابه وبوح المطر

ملامح حبيبه يباس وشقا

.............سقاها حنينٍ وسالت نهر

يهز الأماني ليا من سقى

...............تفتح بقلبي تبسم زهر

وفاحت مشاعر تبي وتهقا

...........نسايم قصيدي تشيل الخبر

تعيشك خيالٍ تحبك نقا

........وتبقى افـ سماها الهنا والقمر

برهان المناصير

[برهان المناصير]

دوح الروح
(18)

حزينٍ لاذ باطراف المدينه
.....................يدوّر بالخلا روحٍ فقدها

جناحه ينزف وهزه حنينه
..............وروحه تطلب الدوح وسعدها

أنا مثله غدت روحي سجينه
..............تبي لو طارت وخلّت جسدها

تدوّر عالمٍ ما به ضغينه
................وفيه الناس ما ناسٍ جهدها

ينابيع السعاده والسكينه
...............بساتينٍ تواسي من شهدها

ورود اشكال والوانٍ.. وزينه
............نسايم طيب يطرب من وجدها

كما نحله تصافح ياسمينه
...................تتوه وتثمل بلذة شهدها

تبي عالم تعطّر ساكنينه
............بمسك الروح إلى فاح برشدها

تبي والريح جت عكس السفينه
................وتطعم للصخر باقي وعدها

لفاني الحلم وازعجني أنينه
...............شقي شايل من الدنيا نكدها

رجع مجروح ينزف من وتينه
................سقى حزنٍ نبت فيني بعدها

نزف والموت جا بيني وبينه
................وخلّا الروح بي تنشد وحدها

تغرد قصة الدنيا الحزينه
....................لحدها غصةٍ تنهي مهدها

أنا يا طير مثلك بالمدينه
.................حزين الروح ملّت من نكدها

برهان المناصير

[برهان المناصير]

(19)
تمل لا ثمل قلبك سكب حنظل همومك
................وحنا انتذوق من حلا البر نحتاجه

غريب المرض يا بوي وسع لك هدومك
.................فديتك فداك القلب والصدر وسياجه

اشوفك طويل الصمت ما تعلم علومك
.......................وقلبك تسولف للملا بحة خلاجه

فقدنا المطر اليا عزف لهفة قدومك
.................فقدنا بحر فطنتك حكمتك وامواجه

تجي سيرة الماضي نسايم حيا تلومك
...................تتابع على قلب الضيا هزّت سراجه

تفوح بزهر سيرتك من روضة سلومك
..............تجي ضحكة إنسانٍ بعد عقدة حجاجه

سكت وسكتنا وامتلت سلة غمومك
............وسجنت القصيد اللي دنت لحظة فراجه

على بابك الذكرى اوقفت تسكب علومك
.................وقصيد اسكبتني بالوفا عند مزلاجه
برهان المناصير

[برهان المناصير]

(20 )
الطفل الغريق
أيها الطفل عذرا فهذا ما نملك

.

وسع ذاك البحر زاد الصدر ضيق
...........وش يفيد الحبر وقت المعمعه

أمس نبكي قصة الطفل الحريق
...............وانتهى موسم مدامعنا معه

وش بقى يا دمعنا لجل الغريق
.............من يرطب هالقلوب الموجعه

لي متى والعار والهم العتيق
..................ساكنٍ فينا ولا من يدفعه

شفت دمع البحر ع المجد العريق
..........واختلط ملح الأسى مع مدمعه

بلل اللي بالبراءة له بريق
............وانتحب يوم العرب مستمتعه

من حظنه الطفل واستل الشهيق
.................جفت الريق التي ما تنفعه

ليت هالنايم على شطه يفيق
..............يحظن أمه والألم ما يفجعه

يروي للعالم تفاصيل الغريق
................اللي كله في غيابه صدعه
برهان المناصير

[برهان المناصير]

خاطري عصفور
.
***


خاطري لا ضاق عصفورٍ حزين
...........لاذ في جوف الغياب
في صدى صوته سؤالات وأنين
...............ما لها فيني جواب
عن وطن كان وتهدم
عن فؤادي اللي تحطم
وعن حبيبي وين راح
ووين هالقسوه تعلم
***


وجهه اللي كان لي بسمة مساي
................عاد دمعه بالعيون
وغيثه اللي كان ما يفارق سماي
..............صار أبخل ما يكون
جفت جفون السحابه
واحرمت روحي الكتابه
غيثها اللي كم أبيه
يااااه كم طول غيابه
***


لي حبيبٍ راح والدنيا معاه
..........راحت وخلّت أثره
مثل وشمٍ ما يفارقني غلاه
.......وذبت أنا شوقٍ بثره
غابت العين الحبيبه
وانغمس قلبي اف نصيبه
واشتكى برد الجفا
والبكا عيا يجيبه
***


ليتني منه تعلمت الغياب
...............وما تحسست السنين
كنت ابزرع مهجتي بارض العذاب
...............واعشم القلب الحزين
بالمسرات القديمه
اللي كانت به مقيمه
لين جا واعلن جفاه
وشتت الفرحه اليتيمه
***


قصر طيفه شامخٍ بي لا يزال
.............يبتسم وسط الرماد
كان يا ما كان في دنيا الخيال
................به ينام السندباد
الف ليله في فؤاده
دقت طبول السعاده
وعاد تبكي شهرزاد
تشكي الحزن اف رماده

برهان المناصير

[برهان المناصير]

حرف النور
.
.
.
.
ايه ظامي ودي اتركني واجيك
..................منيتي شرب النقا من منبعه

جيت وأحلامي محل لجل ارتويك*
................جيت وأبواب الأماني مشرعه

عاد قلبي مثل طيرٍ بين اديك
....................من لمح نورك وتوهني معه

يحترق بك ثم يعود ويشتكيك
..................ثم يروح وينتثر بك واجمعه

في يمينك شمس من تكتب تضيك
..............وفي ضميري طفل ودي تسمعه

إن كتبلك مات من لهفه عليك
..............وإن سكت تقرا الغلا في مدمعه

فجرك أوطان الطيور وتحتريك
..................ينثني غصن الوله من مطلعه

لا سرى قلبي جريحٍ بين اديك
....................قلبك ارحم بالعنا ما يفجعه

برهان المناصير