![]() |
.
. كم تستوطن اللحظة وتجعلها اكثر اغواءاً ..!! . . |
.
. فتنة الاشياء مقترنة بـ هتان حديثها ..!! . . |
.
. تستفز النوافذ كـ الغيم تماماً ..!! . . |
.
. وطن حلمي تعب غارق ..!! ......... برحله مالها آخر// يجسد لانكسار الغيم وروح الديم ـ وفقد احساس تأطيره وتجبيره ، ويبقى فاقدٍٍ روحه وغارق فـ المدى بوحه ..!! . . |
.
. كذا يشبه مواويلي وتأويلي ، بكل لحظه توديني لـ عطر ايديه وكيف اتضم شوقي له ، وله ـ بهجه حديث اقلوب ..! ويبقى مختلف شوقه ، وكيف ايمد صبح الروح ، ويجعل للمساحة روح ، ويستشرف حديث الحرف/حديث الجرح ، من اقصى عمق يستوطن تفاصيله اجدني صرت ـ كأني طرت لاحضانه بدون افطن لـ بيبانه وجيته شوق // ولقيته فوق ، يغزل للمساء حكايه/غاويه غارقه فالروح ـ وقلت ابوح ..!! . . |
.
. وصباحي بك يحتسي روحه ..!! . . |
.
. رحلة استشرافك تأتي ممتعة ..!! . . |
.
. والسهر قطعة احلام وتعب ..! .............. وين نهرب ومنفانى السهر !! كنه الروح واللحظة مصب ... !! ................ كنه الوقت والساعة سفر !! . . |
http://th07.deviantart.com/fs42/300W...izzi_bizzi.jpg
شفت وشلون انته اول مالك اخر ...! ..................... كل هالاحساس غـادرني وجالك اشربك شوق ووله واحساس فاخر ...! ...................... وانت يمكن ماطريت انا بـ بالك . . |
|
.
. وتظل استشراف يهيء المساحات لإختزال الضوء بشكل اعمق .. !! . . |
http://www.sciencetech.technomuses.c...g4se1_w367.jpg
ليه سويتي كذا وانتي قديمه ...! ................ عندك الذمة عظيمه !! تمتلي منك البلاد ، وتنحرم طعم الرقاد !! ليه وش ذنب العباد !! / / / كل منهم قام واقف ..!! قال حلمي صار واقع // بس يخلص هالتدافع ـ واصبح من الاغنياء//الاثرياء ـ اااااه وش كثرك امينه ــ لو ينادونك مكينه !! هذا لإنك قديمه /// وعندك الذمة عظيمة !! . . |
http://up2.m5zn.com/photo/2009/4/28/...3ig7le.bmp/bmp
اااااه وش تعني المجاعه .. والتشتت والضياع // والقهر والانصياع ..!! طفله احمل هم ام .. وام هم !! وش كثر همي كبير ، لا مساحه تحتويه او تهتويه !! ولا استطعت اقدر عليه !! ليه هذا ، ليه ـ ليه ..!! . . ليه من لحظة ظهوري للحياة ـ لا حياه ولا طريقٍ للنجاة ..!! وليت همي ، بس همي لو نشف صبري ودمي ..!! يمكن اتغلب عليه //ـ وارجع اقبل يديه ـ ! بس يأخذني بحظنه مثل هذاه الصغير // يوم لميته لحظني وافترضني ، ـ امه اللي من ولدته مالمحها او فرحها // او شعر منها بقبله تمسح احزانه وضيقه ..!! من وجع صبره وريقه ـ ! . . مافهم وشهي الحياة ، ـ كل حلمه في رغيف ايسد جوعه وحظن يأخذ منه روعه .. // ـ!! وكل هذا ماقدر يحصل عليه ـ لو بكت جوعه يديه .. ولو بكى حزنه عليه ..! هـ كذا صرنا الثنين ، خصمنا ظلم السنين وجوعنا القذر اللعين ..!! ولامعين ..!! وانت يالله المعين ..!! . . |
.
. هذا الحزن مقرف وراعيه مكسور ...! ................... يقصي الفرح ويكمم الابتسامة !! يخلق مئة ضيقه وزحمه وطابور ...! ................... ويوجج اسراب النكد والملامه . . |
.
. خذني اكثر منك وارحل وتلقاني ...! ................. استرق سمعي لـ صوتي وادور لك !! استمدك صوت لاضعت ناداني ...! ............... كل ما اشتقت ألـ خيالي تصـورلك ..!! يعني انته ما احدٍ يشبهك ثاني ...! ................ لـو كثير اشـتاق مثلك ودور لـك !! . . |
.
. لو اجي بـ شبهك واستحضرك بإحساسي .................. تغلب ابعادك على تشبيه حرفي القاصر ..!! ممكن اقول انت سكر يحتفي بك كاسي ...! ................. تهدي اللحظة حديث بالغرام محاصر !! . . |
.
. كنت عابر .. ما انتظرت احمل مهاجر ..! . . كنت اشوف الوقت عادي .. يحتمل عدة مبادي . . يحمل الحيرة بروحه من وضوحه ماتعرف ادنى طموحه ..! . . بس نفسي استريح .. قبل اطيح ..!! ويبتسمي وقتي لـ حالي ، وشح آمالي واحتمالي ..! شف كثر وش كنت عابر ..! والزمن وش كثر غابر وين اهـاجـر !!! وين اهاجـر !!! وين اهاجر !! وانت هاجر !! . . |
.
. مليون ضيقه تقدمني على اشهى طبق ....! ..................... لابعد من المستحيل اللي كسر هقوتي !! وانا كثير استشف من الاماني شبق ...! ...................... لـ تغييب كل الفرح ومصادرة سلوتي !! وامد حلمي لو ان الحلم ماقد سبق ..!! .................. حـزني على هد روحي وانتقأ نزوتـي !! . . |
.
. امد شوقي لاحتضاني واهتديك ...! ...................... واجيك تسـبق جيتي لـك خطوتي ! واعرفك من مبطي وكني مبتديك ...! ...................... كنك تحدى لاجل شوفك هقوتـي ! شف وكثر حبيت دربي لاجل اجيك....! ...................... وغبطت في جيتـك حتى سلوتي ! . . |
.
. اجمل احلامي بعيد ، واقرب احلامي بسيط ..! وبين تأنيب الحكاية ينخلق مليون // ليه ؟! وتسأل الدنيا عليه ..! وتستفز الروح / روح ، تفتقر معنى الوضوح وتخلف احلام ورزايا .. في غياب من الهدايا ..! واستقامات النوايا !! وتصغر الدنيا بعيني // لين احس ابها تضيق وتهتدي روحي وافيق ..! ولا اجدني رغم هذا ..! لان حلمي صار كذبه // وصار مره نفس عذبه ..! اااااه وش تالي الطريق ..!! . . |
.
. لاتجعل احلامي تعب ، وانت السبب يا اعذب من الغيم الشفيف واغدق من الشوق الكثيف ..! . . واقرب كثير من السهر لـ عيون من هج الغرام .. نوافذ اضلوعه واقام ..! وامسى يغار من الندى ، لو ظل بك والك اهتدى ..! يمكن تكون أله الوطن ، وأله الحظن ويظل بك دون انفكاك ، ماله سواك ..! . . وانا انتظــــر ..! لا لا احتضـــر ..!! . . |
.
. يانور واللحظـة منصـة ذكريات ...! ................... والجرح يستنزف تعبه ويرهقه !! تموت الاشياء لو تموت الامنيات ...! ................... ويكبر بنا جرح السؤال ونزهقه !! . . |
http://msbphoto2.jeeran.com/baby.jpg
وش تصور ـ لاتصوّر فيه عندي منه واجد ..! مثلك انت صح وااجد ..!! / / / بس انا ماني بمثلك // المجاعة شي مهلك !! شفت هذاه ( الإناء ) ـ لو نطق ، حس ( الخناء ) !! . . وانت فرحانٍ بصوره ـ تلتقطها بأي وضع !! لجل يهدونك مميز !! شفت وش كثر التحيز ..!! |
.
. تسافر احلامنا بحثٍ ورى العيد ...! ................ وكثير نرجع بلا عيد وهدايا !! ويموت فينا سؤال وينخلق قيد ...! ................ وتكبر متاهات واوجاع وخطايا !! . . |
.
. شوقك سفر واركاب حلمي مناكيف ...! .................... تقطعت منك الوصال وضميتك !! كنك بحر وانا بليا مجاديف ...! ................. ولاني انا خفتك ولاني سريتك !! . . |
في هذي اللحظة اكتبني حزن واحتضر=واضم ذكراك واحلامك وروحك رفات الموت غيبك في اجمل سنين العمـر=واقفيتي بصمت والدنيا بـ حزن وسكات طفله تشيلين حلمك والاماني زهر=ماتشبهين الكثير من الشغب والبنات الله كم تحملين من النبل والطهر=وكم تسرقين الرضا من ضحكة الامهات حزين والله كثير وخاطري منكسر=واموت من داخلي في صبر ماله ثبات |
.
. لو للسهر عين مايرضى عليها الجفن ...! ....................... لو حاولت تغري اطرافه وتربت عليه !! . . |
http://www14.0zz0.com/2009/11/07/18/927810109.jpg
للثلج في كفك حديث احباب ...! ............... مايشبه إلا احساس كفينك !! هذا انت شكلته دفا ماذاب ...! ............... لين ارتوى من ساقية تينك ! |
.
. اهوى حديثك وشيّطنّتك ونزوة خطاك ...! ..................... ويحن لك كل حرفٍ من غيابك حزين !! تعال بـدد حنينٍ هدني من جفـاك ...! ..................... واجمع مساحات فقدك واذرهـا للسنين !! . . |
.
. والصبح لو ينتصر لاحلام الانسان ...! .................. ماهو بـ حاجه لـ صبره واحتماله ! والحزن ماهو مجرد علبة ألوان ...! ...................... الحزن حاله ولاهيب اي حاله !! . . |
.
. الحزن ماهو بشي يمرني واكتبـه ...! .................. والونه من فراغاتـي واسميه حـزن ! الحزن شي يبعثرني لـو ارتبـه ...! .................. والقاه بين انكسارتي وصبري وطـن !! . . |
.
. علىَ فكره تَراكْ أسرفتْ في مد الوله واقفِيتْ ...! ......................... وشرّعت الأمَاكنْ للتّعب واُوصدتْ بيبَانِكْ ! شَربكْ الفقدْ وادمنتْ الغياب ورحِت مَارديتْ ...! ......................... وتوَسّدتْ الفرَاقْ وصار جلادكْ وسَجّانِكْ ! . . |
.
. لإحساسك اللحظة تمثل روح وابعاد ووطن ..! وانته كثير بلحظتك ..!! كثير ما يشبهك احد ..! إلا الشهد ..! والدهشة اللي تسكنك /ـ من اخرك لين اخرك ..! هذا انت واحساسك معاً ..!! . . |
.
. هو الشتاء روح الحديث ..! مثلك اليا طليت واهديت الصباح ..!! ومنحت كل اشياؤنا صبح جديد والمستفيد ..! الصبح وانا والسوالف والعيون ..! وانته وحيد ..! بـ خافقي مثل الشعر// مثل الشعور ـ اللي ليا اشتاقك يثور ..!! وتصير انته والشتاء .. اعذب حديث !! . . |
.
. الشتاء حلم اليدين // والثنين ..! واستعارات العيون ..! في غياب من الظنون ..!! يعني اجمل مايضمك ـ مع وله روحك وهمك ..!! اقرب من اطراف كمك ..! استعر روحك وغيب ـ// داخلك وابقى قريب ..! ولاتغيب فـ الشتاء ..! فصل البقاء ..!! . . |
.
. الشتاء : يعني حضورك ..! اختصارك ..! وانتظارك ..! واستعارة عطر حكيك ..! / / / لو شربك اكثر ـ يصير // فصل من دفءٍ وثير ..!! بإختصار يعني حكايه // ـ من غوايه ..! ماتموت ..!! |
.
. الشتاء روزمانة اعياد وطفوله ..! ابعده تقدر تطوله ..! واقربه تغري فصوله ..!! / / / يسرق من اطراف روحك حلم قابع ..! يستفزه كل مامر بمداه واشتهاه ..! هكذا بعض الشتاء // ـ وشلون كله !! . . |
.
. فصل واحلام وعمر .. مختلف حد الحنين ..!! // // // الشتاء فصل الشعرـ وانغماسات السهر ..!! |
.
. الشتاء ـ عمر الشتاء ماكان قاسي ..! الشتاء فصل الحنين // والسنين اللي تضم المتعبين ..! وش كثر يهدي فرح .. لليدين المتعبة ..! . . وش كثر فيك انجرح لـ جل يهديك الفرح ..!! |
الساعة الآن 01:45 AM. |
Powered by vBulletin® Version 3.8.8 Beta 1
Copyright ©2000 - 2024, Jelsoft Enterprises Ltd.
3y vBSmart
جميع الحقوق محفوظة لـ منتديات إملاءات المطر الأدبية - الآراء المطروحة في المنتدى تمثل وجهة نظر أصحابها