|
|
. الهوى أصعب من إنّه ينطوي داخل وجعنا ............... والأمل فيه ابتسامه واليأس موت العزيمه لا تحب إلا اللي, حَبّك والزمن ياما صفعنا ............... كل شي اتغيّر بدنيا ... كل شي فيها ظليمه ليتني قيس الملَوّح .../ ليت ليلى من ربعنا ............... يمكن ألقى إنسان يعطي للهوى معنى وقيمه . |
. وجت تمشي على استحيائها تسرقني من عيني ............... وتفتح لي ... شبابيك الولَه .. تطلبني سجّاده وقبل أمشي وهي تمشي ./ لفت لمصافح يديني ............... خذتني لجانب المقهى .. وقالت : قهوتي ساده خذتني بلهفة اللهفه ...../ تساءل عن دواويني ............... وقالت: منهي ذيك اللي .. عطتك الليل وسهاده وقلت: الحب مايرحم .... جفافه يحصد سنيني ............... كثير الهم وأحزانه ...... توالى صعب ٍ اجهاده وقالت : آنا حبيتك .... طلبتك .... لا تخليني ............... فديت القلب يا قلبي ...... أنا ودي على إسعاده وراحت يومها وقالت : بأجي بس بينك وبيني ............... وإلى هاللحظه, والموعد ./ رفض نفسه وإيجاده . |
. موعدك أبطى وانا اللي متعب ٍ شهب الأماني ............... حزني الطاغي كسرني كسرة النظره اليتيمه كلّما طيّرت سرب ٍ للبُعد ....../ غَيره لفاني ............... وأرجع آطيّره وصل ٍ .../ للهموم المستديمه للأرَق فيني بحار ٍ ....../ خانها بُعد المواني ............... والأمل غيمه تنادي ... صوتها المخنوق ديمه في هجير الشوق,, صحرا عاندت حلم المباني ............... ترجَمَت إحساس قلب ٍ عذّبه .../ كثر الهزيمه . |
.
عبثتي .. في دواويني .. وغيرتي .. عناويني .. شطبتي صورة احلامي .. جرحتي روعة ايامي .. تعبثتي .. في تكويني .. سرقتي .. أجمل اغصاني .. مليتي .. وقتي باحزاني .. سرقتي .. كحلي من عيني .. غريبه .. ياوجع روحي .. غريبه .. يا وهم حلمي .. غريبه .. يا تعب كلي .. غفى عقلي عن أفعالك .. وحضنتك في شراييني .. تحملت أبشع أخطائك .. تجرعتك .. سكاكيني .. مشى صمتي .. مشى صوتي .. مشت لك رعشة بيوتي .. ركضتك لآخر أبعادك .. سحبتيني على موتي .. بعد مانتي سكنتيني .. أنا التايه .. أنا المجنون .. أنا الأبله .. أنا المشلول .. أنا اللي .. كل غباء هالكون في عمري .. أنا اللي صرت .. في عيون الزمن .. بهلول .. أنا اللي .. ضاعت ايامي .. باسم قاتل .. وأنا المقتول .. غريب أمرك .. يا هالدنيا .. عبثتي .. في دواويني .. وغيرتي .. عناويني .. تعبثتي .. في تكويني .. ورغم .. جورك على صبري .. حضنتك .. في شراييني .. . |
. تحريني على دروبك شعور ٍ يطلب اشباعه .................... تحريني أنا راجع جروح ٍ ..... ملها صبرك تحريني على نبضك /. بكل السمع والطاعه ................... تحريني أصير أجمل .. اسم يكتب على ثغرك تحريني طفل توه رضيع ويجهل ارضاعه ................... يمد يْدينه ليدينك ..... يبي يرقد على صدرك تحريني سحاية عشق تمر الشوق مرتاعه ................... تفيض من الخجل تمطر وينبت بالولع زهرك تحريني أبرجع لك ... بنفس ٍ حيل طماعه ................... تبي جوك تبي ارضك . تبي تبحر على بحرك تحريني ولو قلتي ... عليك حلوف خداعه ................... تحريني ولو قلتي ...../ أنا ماني حمل جمرك تحريني وهن ضايق .. تجرع لذة اوجاعه .................. أنا ما ستاهل جْروحي ولا استاهل جزاء هجرك . |
. صَمَت كل الهوى, وآنا أسولف معْ ضمير الياس .................. ضمير ٍ ياقظ ٍ فارس .... نتيجة ذاكره حيّه واجاذبه الحكي,, وأسمع ضمير ٍ داخلي, حَسّاس .................. وكانت قوّتَه فيني ... ظفر بي .. فاز بالنيّه يعانقني ... مثل موج ٍ , بعد ما يغضب الحرّاس .................. يجيني بشاهد المذنب ..../ بلا ذنب ٍ علانيّه وصارت قصة المذنب,, جسد خالي ولوي الفاس .................. يزيد ويحطب أضلاعه ... بصفقات ٍ تجاريّه يا قلب أفهم ترى معنى الهوى صادق ولا به ناس .................. تقَدّر كلمة َ العاشق ....... وتؤمن بالهواويّه وقلب المرأه .. قيثاره ... عزفها ... بائع الأنفاس .................. لها .... لجل الهنا يبقى .... وعذّاله حراميّه وأنا .... قلبي دليلي ... والمسافه لو هي ما تنقاس .................. رَبَطْ ايدين قلبي .. بي .. وسافرنا .. بلا جيّه . |
. طالت بك الحسره أو إنّك تصَنّع ................ يا مشغل ٍ بال الحكي / بالسواليف الحب واحد ./ مابه أثنين واربع ................ ما يخشى حتى لو تزيد الصواديف يا ما طلبتك .. لَكن إنّك ../ تمَنّع ................ عن يابس عظامي بوصل ٍ وتخفيف نجمك تهاوى ..../ والحقيقه ترَبّع ................ في وسط قلب ٍ .... ولعته التحاسيف ما عاد به إحساس / يصفح ويشفع ................ خفاك .. بَيّن ما يبي له .../ تعاريف . |
. [ يا نايمه ] الصبح أشرق .... والعبير .................... من داخل انفاسك .. تباين لي .. شذاه والمشكله ... من فرحتي ... ودي أطير .................... وأجيك قلب ٍ ... أنت ِ له ... داه ودواه أغار ... من حوم الفَرَاش ... ومن كثير .................... الناس .. ومن كوني .. ومن باقي فضاه يا بهجة الدنيا ..... تعالي لي .... غدير .................... سحاب صبح ٍ ........ لامَسَ الخد بعطاه وأعطيك من كثر الغلا .. [ قلب ٍ كبير ] .................... ما يَحمل إلا ّ واحد ٍ .......~/ يشفع غلاه . |
.
وش اقول .. أنتي ماخليتي حاجه ..!! ولا خليتي حلول .. ضيعك مني غرورك ..!! وضيعوك أهل الفضول .. ياكثر ماكنت أحاول .. أزرع انفاسك سنابل .. وأنجرح واصبر واجامل .. في وريدي لك سيوف .. وفي شعوري لك خيول .. جيت أبيك !! مالقيت ألا ملامح من ذهول !! وردتين في مكاني .... في غصن فصل الذبول ..!! .. .. .. .. .. أختلفتي ..!! أختلف طعم الكلام ..!! أختلف شكل الغرام ..!! كنتي صوره من شعوري ..!! وأحلى قصه للغرام ..!! انطفى شمعك وذاب ..!! في جمر نار العذاب ..!! صرتي أنتي ..!! ماهو أنتي ..!! الحنان اللي جمعنا وين كان .. وكيف كنتي .؟ علميني من هو أنتي ..؟ ليه أنا بزحمة غرورك ..؟ وأنتي في جروحي سكنتي ..؟ جيت أبيك !! مالقيت ألا ملامح من ذهول !! وردتين في مكاني .... في غصن فصل الذبول ..!! .. .. .. .. .. .. .. آهـ .. يا طول المسافة في تعب صمتي وفيني ..!! آهـ .. يا كثر انتظاري في دفا شوقي وحنيني ..!! كل مطارات المشاعر مرها صوتي سؤال ..!! كل مدينة حب صادق جيتها حلم وخيال ..!! صدقيني العمـر ذبلت وروده ..!! وحبك أتعبني بروده ..!! اسأليني ..!! جاوبيني ..!! وين أجيك .. وكيف أجيك ..؟!! في دفا شوقي وحنيني ..!! جيت أبيك !! مالقيت ألا ملامح من ذهول !! وردتين في مكاني .... في غصن فصل الذبول ..!! . |
| الساعة الآن 01:17 AM. |
Powered by vBulletin® Version 3.8.8 Beta 1
Copyright ©2000 - 2024, Jelsoft Enterprises Ltd.
3y vBSmart
جميع الحقوق محفوظة لـ منتديات إملاءات المطر الأدبية - الآراء المطروحة في المنتدى تمثل وجهة نظر أصحابها