" الحلايا اليوسفيّه "
آل المطر .. صباح الشعر وَ العطر وَ المطر قديمة .. تتجدد بنور حضوركم
قلت برسمها بخيالي .. دام خفاقي أسرها= صرت أوّصفها ملاكٍ .. تاخذ عقول البريّه جادلٍ مشرق ضياها .. ماظهر نور وجهرها=خدّها كنّه وربي .. ماخذ من الشمس ضيّه والشفايف جمرٍ أحمر .. ويل قلبي من ثغرها=أدري أني لو أذوقه .. ما غدت روحي ضميّه قدها المياس صاير .. خيزرانه في نهرها= والله انها لا تثنّت .. تربك النفس السويّه صوتها الفاتن أسرني .. ولّع الروح وسحرها= صرت أهوجس في هواها .. نسمة الفجر العذيّه جادلٍ يالله دخيلك .. شايف الموت بنحرها=العطور تفوح منها.. وأحسب إنها مزهريّه فاتنه من حد رجليها .. إلى غرة شعرها= يعني ان الله عطاها.. من الحلايا اليوسفيّه آه من ليلٍ غشاها .. وأتعب متونٍ سترها=قلت بسري ليلها للصبح .. والخيره خفيّه هي قمر دنياي وإلا .. صرت أنا دنيا قمرها=أحتوتني في غلاها.. من ضياع المهمهيّه يالله أن ظروفها تسمح .. ولا يوم تعسرها= ثم تناديني تعال .. حط ايدينك في يديّه وأجي ( جده ) والتقي فيها.. على شاطي بحرها= لين أشوف ( أُبْحُر ) تغني .. ياهنيّك ياهنيّه حلوةٍ ربي خلقها.. تسرق القلب بنظرها= لين أموت وهالحبيبه .. باقيّه بالقلب حيّه وافيٍ للحب وافي .. لو يداهمني خطرها = وليه أنا مَ.أوفي؟ وهي بنتٍ على وصلي وفيّه جيت بسهرها غرامٍ.. عذّب الروح وأسرها=وأرجع أحلم يوم أشاهد .. هالعيون النرجسيّه |
عبد العزيز الجراح..
شاعر! و كفى |
صح لسانك :)
اقتباس:
قد أمست فاتنة لأنك شاعرها.., دع صباحاتنا تزهو دائماً.. بـ قصائدك العذبة تحية. |
اقتباس:
على شان كذا دائم جدة غير :) وقد شوقتني ياعبدالعزيز لعروس البحر وذكرتني بأني قلت ذات عطر هناك : يا مساء جدة مسافاتك الجوريه .......... ما تريحني بها مرتبة سيّاره دام جنبي آدميه على حوريه ........ نفسها لأنفاسها بالسحر أمَّاره : : وهنا قصيدة يمكن أن أغنيها وانا "مبسوط" هناك وقد قلت قديمة لكنها تجدد بالفعل طالما جدة تتجدد صح قلبك ودام مطرك |
حلوةٍ ربي خلقهـا.. تسـرق القلـب بنظرهـا لين أموت وهالحبيبه .. باقيّـه بالقلـب حيّـه عبدالعزيز يكفيني هذا البيت الرائع ولِجده مكانٌ منقوشٌ بالقلب :blush: سلمت flower: قاطف الورود |
الجرّاحـ / ع ــبدالعزيز وهنيئاً لها جميلتكـ .. ! ودّي و ورودي لبوحكـ الصافي \ / دوم مويوم وجـدان |
فاتنه من حد رجليها .. إلـى غـرة شعرهـا
يعني إن الله عطاهـا.. مـن الحلايااليوسفيّـه سيمفونيه رائعه تعزفنا على وتر الشجن عبدالعزيز حرف يهذب الذائقه صح قلبك |
فتنة
وحرف مُغْوٍ غاوٍ يرتل الأبجدية إلى قلب .. قلب .. قلب صح كلك ياعبدالعزيز |
اقتباس:
سودة ، أعتز بـ شهادة شاعرة كأنتِ كثيرًا .. من الأوردة شكرًا لكِ ... تحايا الجرّاح |
هذي قصيدةٌ
تخلَّدُ في عوالِمَ مِن سِحرٍ و فِ تنة , لَ كأنّ الأحرفَ تشكّلت كَ هِيّ و قد منحتها بِ قافيتك {الحلايا اليوسفيّة} لا شُلّت يمينك أيّها الجرّاح |
الساعة الآن 06:24 PM. |
Powered by vBulletin® Version 3.8.8 Beta 1
Copyright ©2000 - 2024, Jelsoft Enterprises Ltd.
3y vBSmart
جميع الحقوق محفوظة لـ منتديات إملاءات المطر الأدبية - الآراء المطروحة في المنتدى تمثل وجهة نظر أصحابها