بقايا .. من بقايا !!
. . سأمي .. انتظاري .. روعتي .. هدوئي .. أتذكُرين كُل هذا ..؟ إذاً .. اجمعي أحرفكِ .. ! |
أسئلة ..
. . و يأخُذُني الحنينُ ذات تغيُّبٍ تامّ من هذا العقلُ الذي أرْهَقَتْهُ كثْرة الأسئلة العائمة في هذا الفكر المُشتت : * أين هي ؟ * هل يا تراني مازلتُ ذاك الذي يتسيّدُ على قلبها ؟ * هل مازالت تتعطرُ بذات العطر الذي أسمته يوماً بـ إسمي ؟ * هل مازالتْ تلك النَظَراتُ اللئيمةُ - إذا ما أرادت استفزازي - تسْكُنُها ؟ * هل مازالت تحتفظُ بـ آخرَ كوب ( قهوةٍ ) شربناه سويّاً ذات ليلةٍ شتويةٍ ماطرة ؟ * هل مازالت تُخطئ بـ اسم أخيها عندما تُناديه بـ إسمي ؟ هل و هل وهل ........................... ؟؟؟ و تتزاحمُ الأسئلة الجوفاء في هذا الصندوقِ البالي ...!! حتى أغفو , ويعودُ إليّ هذا المارد [ العقل ] ليطرُد كُل هذه الأسئلةِ المُميْته ببطئ .. و أعودُ إلى رُشدي قليلاً مُحاولاً تجْميعَ بعض ما تشتت من أجزائي ...! لـ أعودَ إليّ و أنسى !! |
هويّتي ..
. . مَا زَالَتْ انْفَاسُكِ تَنْتَشرُ بـ جَسَدي ..! |
هنا ..!!
. . هنا .. ذكرياتك .. و انا هنا .. تلاقينا !! هنا .. تناجينا !! هنا .. تبعثرت كل الحروف " بشوفتك " !! هنا .. قلتي لي " شلونك " هنا .. شكّلتي " فنونك " هنا .. تبعثر فيني " أشياء " و " اشياء " !! هنا .. قعدت اجمّعني !! هنا .. حضن / تك هنا .. فقد / تك تك .. تك و الثواني .. و شفا / تك آآآآآآآآآآه يا ويل قلبي من .. هنا ! |
آآآآآنا كلّك !!
. . لا سما همّ الـ / عناق .. طيّرت ذيك الحواجب .. تستفزّ الشوق فيني .. بـ كل كلمة .. بـ كل نظرة .. ياهي مجنونة لئيمة .. لانوَتْ قلبي بـ " نيّة " و ياني اشواقٍ أليمة .. واكثر جروحي " نديّة " تقول : شـ اسمي ؟ واقول : قلبي تقول و" الحاجب مطيّر " : لالا .. لالا آآآآنا كلّك !! واقول و " الخاطر مسيّر " : والله اكثر .. والله اكثر . |
ليلة !!
. . اخذتني منّي .. شكلتني ليلة .. .......... لوّنت احساسي ! .......... عطّرت أنفاسي ! و من يومها للحين .. كن العمر : ليلة !! |
قلب .. فرعون !!
. . عيّا يتوب .. كل مـ امنعه .. يرجع [ يذوووب ] !! قلبٍ بغيته " عون " .. قَلَبْ علي " فرعون " !! |
ثوْرة !!
. . هنا .. استوطنك [ ثورة ] ............... أبَتْ تهدا .. تبي أسري هنا .. واستلهمك [ حسْرة ] ............... بقت للحين .. في صدري هنا .. واتخآيلك [ نظرة ] ............... تمادت حيْل .. في كسري هنا .. واستنْطقك [ عبْرة ] ............... تململ .. ماعرفت قدْري هنا .. واسترجعك [ نبْرة ] ............... تداوي ماكتب .. دهري هنا .. يوم اكتبك [ زفْرة ] ............... قروها .. وانت ماتدري !! |
طيْرك ..!
. . كنْت ناسي .. لين جاني [ طيفك ] البارح .. يَـ / قاسي ! جاني ملهوفٍ ينادي .. كان .. غيرك ! كان .. مايشْبه أحد إلا [ طيْرك ] ..! اللي مخْنوقٍ بـ / صدري .. من ليالي ..! |
كتابي .. عيونك !!
. . و كتابي .. عيونك ........... لا صرت .. من دونك ! |
بابٍ عتيق ..
بابٍ عتيق .. ضمتني جدرانه .. و شبّاكه المطفي !! يرسم ملامح غايبة .. منحوته بـ ضلوعي .. و شبّاكها عيوني .. أسكّر الشبّاك .. و اقرا ملامحها و ابكي عليها .. حلم أبكي عليها .. دمّ و ترسم ملامحها .. معالم اشباهي افتّح عيوني .. و القاني من دوني ..!! حلم قِصر دوني .. و حلمٍ تعداني و بين الألم و الحلم .. و قفت انا .. و قلبي .! |
انتشرتي .. بي !!
. . اتنفسك .. لين انتشرتي / بي و اتحسسك .. لين افقد اعصا / بي !! |
[ عطني المحبة ] !!
. . تذكر بعد .. لانويت قلبي [ تشبّه ] .. تسمّعني .. وبكل برووود [ عطني المحبة ] !! بطريقة مُستفزّة !! حتى نومي .. لـ عيونك اكزّة و اجيك من دون مـ اشعر .. " حتى قلبي بك تشبّه " !! أرسم النجم بـ عيونك .......... لاغدى وجهك سما ما أبي هالليل دونك .......... جرّح شفاهي الضما |
للحين روحك .. عايشة !؟
. . لي صاحبٍ دايم يصوّبني و انا .................... أدرى الرماح .. الطايشة لا قلت له .. تكفى ترى .................... روحي بـ حبك .. شايشة سلْهم بـ رمشه .. و التفت : .................... للحين روحك .. عايشة ؟ |
ولا أزل أنزفك ..
. . هذه القطـرات .. كـ شتـاتي يوم رحـيلك .. ولا أزال أنزفــك ولا أزل أنزفــك ولا أزل أنزفــك ولا أزل أنزفــك ,, ! |
قلب كافر !!
. . تجين مثل النور .. في قلب " كافر " ............... و يذوب بك قلبٍ من الشوق شمعة ! |
قمر قلبي
. . قمر قلبي .. غدى قلبي ظلام .. قمر قلبي .. غشى عيني الغمام .. قمر قلبي .. إلى عزّ الكلام .. قمر قلبي .. عقب طول الصيام .. أمانة .. بلّي عروقي و كوني بسمة شروقي .. و ردّي لي ليالِ الأمس .. أبي الأمان .. لا ضمت عيني لـ شوفك أبي الأمان , |
من لي غيرك ؟؟
. . من لي غيرك .. لا حَرَق [ قلبي ] هجيرك .. من لي غيرك ..؟ و لا لِفَح [ وجهي ] السموم .. و انا من دونك " غريب " ..! من لي غيرك ..؟ |
البارحة !!
. . البارحة .. كانت غَضَبْ البارحة .. كانت لَهَبْ البارحة .. و البارحة يا ثقل دمّ البارحة !! |
.. من بقايا !!
. . ما بقى حلمٍ يبينا .. حتى .. منافينا !! |
تبطي بـ راسي ...!
. . من شفايفها غدى لـ [ التوت ] في ريقي معاني .. أي معاني .. و أي توت !! " ريقها عشْعَشْ بـ / راسي " .. بين نشوة .. و بين موت !! تقول : خمرة ..؟ تقول : جمرة ..؟ قهْوَة امي .. لا نوَت تنْسيني همّي ..؟ يآآآآآآآه .. و الله اكثر .. و الله اكثر و الله إن تبطي بـ / راسي .! |
سلامة : تخصّ المتلاعبين بعواطف العذارى !!
. . سلامة .. سلامة يا سلامة .................... ذبحني صويحبي .. مادري علامه أبيعه .. و اجرحه .. و ارجع أدوّر .................... على قلبه .. وفي عينه ملامه !! و يهجرني و انا اللي حيل أحبه .................... يقول إني .. مقصّر في غرامه !! أنا حبيت غيره .. بس ثواني .................... و لكنه بـ قلبي .. يا سلامة !! |
احساسي المكسور ..
. . مساء النور .. والبلور و احساسي المكسور .. لا عذّبه طيفك .. و حضنك الدافي .. اللي تعبت ادوّره .. بين الحنايا و العيون ..!! بين الأمل و يا الظنون .. و شفاهي جرّحها الظما .. ياللي جرحني عطرها .. مرّه و انا غافي !! |
أحلامُنا ..
. . أحلامُنا كتابٌ تحكيه مشاعِرُنا .. فـ تُتَرجمه .. تصرُّفاتنا . |
وَلَه .. مرتااااب !!
. . فتحت الباب .. و في قلبي [ وَلَه مرتااااب ] ..! لـ / عيونهم .. لـ / احساسهم .. لـ / انفااااس هـ الغيّاب ! مدري أنا ويني .. قعدت اناديني ..!! و انادي للـ / ماضي : هل ياترى بـ / تعود ..؟ رجع علي صوتي .. كسّر لي سكوتي ..! . . اتخايل الذكرى .. اللي تلبّسني ..! و اجمع [ ألم بكرى ] .. و آنا اتحسسني ..! لقيتني غاااايب .. قلبي غدى ذااايب .. لقيتني رااايح .. رااايح .. ومن دوني !! . |
نور البدر
. . للبدر في عشقي مواويل و اسرار .......... لا زال حرفه حافرٍ وسط قلبي و ذاك البياض اللي علا وجهه اشجار .......... تظلّلت منها حروفي و دربي , |
ظلاااااااااام !!
. . ظلااااااااام .. كل هالدنيا بدونك .. مالها أيّ اهتماااااااام !! لا تعوّرني بغياااااااابك . |
هقوة ..!
. . ماعاد لي شفٍّ ولاعاد " هقوة " ............... كل الجروح بـ عين قلبي تساون !! |
يا وطن ..
. . رسمتك يا وطن صورة .................... تمثّلت بـ سما أمّي و بكيتك " نظرة مكسورة " .................... تجلّيت و نشف دمّي !! |
بس .. طيفك !!
. . ما هي على كيفك .. تآخذ معك [ روحي ] .. و تترك لي بس / طيفك !!. |
كيف اجمعك ؟!
. . أجمعك ..! كيف اجمعك ..؟ و انا من ليلة فراقك .. إلين الحين عجزت اني اجمّعني ..! و انا من لحظة غيابك .. أدوّر من يجمّعني .. تعبت الملم .. شتاتي ! و اوآجهني بـ / كذباتي .. و استوعب غيااابك .. و ماللألم آخر .. تعبت اجمّع جروحك .. من الآلام !! من شكّك .. وخوفك من الأوهام ..!! تعبت ابعثرني .. ألم تعبت اجمّعني .. شتات و لآخر جروحي .. ماللزمن آخر . |
عيون الناس !!
. . ياليت الوقت يتأخر ............... و نبعد عن عيون الناس تحبيني بعد أكثر .............. و احبك لآخر الأنفاس عطيتيني المحبة " ذوق " ............... سقيتيني غلاك بـ / كاس ياويلي .. لاذبحني " الشوق " ............... وشفتك في عيون الناس !!. |
عَبَثْ طيْفك ..!
. . تغيب .. وتترك لي [ عَبَثْ طيفك ] ..! يشاغب عيني اللي .. من رحلْت .. وحالتي " حالة " ..!! |
مملكة قلبي ..
. . يسْعد مساك .. بردك .. دفااااك احضانك اللي .. علمت روحي غلااااك انفاسك اللي .. ذوّبت صدري .. لحظة جفااااك . . يسعد مساء السلْطَنَة .. يسعد مساء الهيْمَنَة .. يا " مملكة قلبي " , |
آخر همومك !!
. . من يلومك .. لا غديت آخر همومك .. من يلومك ؟! ماقويت البُعد لكن .. كان لازم اتّخذ هالخطوة دونك ! من يلومك ! بعد ما رحت و تركتك للأماني .. مِتّ انا .. و اصبحت جاني ! من يلومك .. و كل شي حولي / نفاني !! صرت اديْن الليل .. و الفرقا .. و قراري .. رغم ناري .. يا خسارة عيّت الساعة توقّفْ بسْ ثواني ! و انتَ داري .. تكفى .. رجّع لي اختياري .. و الله لـ / اختارك .. و لو هي لحظة من عمري .. و اضمّك .. وسط داري ! الثواني .. عيّت بدونك .. تمرّ و العمر / مرّ .. و بكيتك ! ليتها مثلك حبيبي .. كان هذا الليل .. غير ! كان كل الكون .. طير ! مثل قلبي .. لما تحضنه الأماني .. في حضورك ! اهتفي .. خلّي الملام !! لا يضيع العمر .. أطياف .. و أماني لا يضيع العمر .. أطيااااااااف .. و أماااااااني , |
منفى !!
. . غدت جدراني بروازك .. غدى وجهك .. هو المنفى !! و وجهي صار بك أعمى !! كثير ارهقني غياااابك . |
غلطة التفاااح
. . نِشَف دمّ الصبر هقوة ...... يحايل غلطة التفاح شروده للاسف سطوة ...... تغني ماخفاه و باح ! |
ذااااب وردي ..!
. . وينك انتي ..؟ وين كنتي ..؟ و ليه تأخْرتي عليّ ؟ كنت خايف !! و كان [ قلبي ] لسّه / حيّ .. ____ انتظرتك حيييل .. ____ و ذاب [ وردي ] في يديّ ..! |
قد تكون قصيدة .. رُبما !
. . كثر ما تِتْعِب الدمعة .. عيون الخايف المرتاب ......................... تَعَبْ [ قلبي ] ينادي لك .. ألم يا آخر اوطانه ! |
بلحالي !!
. . بلحالي .. قعدت هنااااك .. أنا .. و ريقك الحالي , |
الساعة الآن 07:27 AM. |
Powered by vBulletin® Version 3.8.8 Beta 1
Copyright ©2000 - 2024, Jelsoft Enterprises Ltd.
3y vBSmart
جميع الحقوق محفوظة لـ منتديات إملاءات المطر الأدبية - الآراء المطروحة في المنتدى تمثل وجهة نظر أصحابها