شجرة إحساس
شجرة الإحساس من هزيتها = جاتك أثمار المشاعر ناضجه أورقت بالحب يوم ارويتها = ترقص اغصون العطا متغانجه |
صوتك اليوم ما عطر مسامعنا = ويومٍ بلا صوتكم ماهو من ايامي ساعات فرقاك يالمحبوب توجعنا = وانت اتعرف كيف حال الهالك الضامي لا تهمل الجرح شوف الوضع سنعنا = تراي ميّت ضمى والماي قدامي |
حتى ( وجع ) منّك لها طعم ثاني = وشلون أجل لا قلت كلمة جميله أذوب منْك وفيك واسكب حناني = مع اني إنسانه عفيفه ، أصيله لكن ربي بالمشاعر بلاني =واللي من الله مالنا فيه حيله |
تذكر الفجر الجميل بيوم جمعه = تذكره يوم انت كنت ابيت ابوك تو عمري ماانولد واضويت شمعه = يوم ذاق السمع خمرك زيدني لا فض فوك |
أنت الأمان وباقي الناس خوفي=أنتَ قدرت اتغوص فيّ وتعمّقت أنتَ غلاك امنْه تراجف اكفوفي=أول رجل من داخلي يمّه انسقت رغمٍ عن اظروفك وحاجز ظروفي=أنا بحبك ياغرامي توّهقت قبلك غليظ إحساس قلبي عيوفي=مااذكر ولا مرّه لغيرك ترقرقت واليوم صرت بوسط قلبي وشوفي=إسمك ان مرّ أجواي من جد عرقت شيٍ يهز اعضاي تقل امخفوفي= وعندك خبر وش يفعل الشوق لاشتقت . |
عايش على وارد وصادر رسايلك= أحرقت قلبي أحرق الله عدوّك ليت السنين اتجود في عذب سايلك=واكسب رضاك وينهمر ليّ نوّك . |
ثرثرة احساس ساخن وأنتَ أطهر= من مدارات الجنون وثرثرة همس الصبايا لاتوتر من غيابي خلك أكبر= من حكايات الظنون وسالفة وجه المرايا |
من كثر مااقرالك واذوب ابمشاعرك = أخاف انا أكتب شيء قبلي كتبته شربتك من اول حروفك إلى آخرك=واسرت عقلٍ في اسلوبك سلبته |
أحس اني بالحيل محتاجك اليوم = ليتك إتحس احساس روحي معايه لحظات يمكن بالغلا مالها توم = اتوصّل المجنون حد النهايه |
أحتاج لك كثر ماتحتاج للمويا = ثمن مدى حاجتي وش كثر انا احتاجك مفعول صوتك عليّه مادة صويا= ورحي فراشه حرقها واهج اسراجك أدلّه النفس وأفسّر لها الرويا= بس الحقيقه سجينك وانطر افراجك ماابغى أسبح بحر وصلك وامشي (العويا)= يكفيني اسمع نسيمك وأنظر امواجك |
ياهلا بعيونك اللي تنتظر مسجاتي= والله إني ياغلاتي كلني لعيونك وياهلا ب.اشواقك اللي تنتظر همساتي=أعشقك من مبتدا عقلك لحد اجنونك :rose: |
أنتَ غلاتك عاطفه في داخلي ماهو شعور= لن الشعور من الفرح والحزن غير العاطفه العاطفه حاله تصيب الذهن واعصاب الجذور= فيها إيجاب وسلب وأضداد الخطر مترادفه يمكن تعيش إسنين وأنت براحة النفس امغمور= ويمكن تبدل حالتك في ظرف لحظه خاطفه |
يسعد مساها الضحكه المجنونه= اللي سببها مشاكساتك ليّه إلى ذكرت الكرت وش مضمونه= أضحك وأنا في قاعة الكليّه ويسعد مساك اللي مساي بدونه=ماكنّه إلا سجن للحريّه :) . |
من حضر كف الغياب وصك بابك =مابقى للنور نورٍ وأنت غايب كل هاجس راود الفكر وحكابك = وغاب نومي والسهر سقته ضرايب وش اسوي مع حضورك في غيابك= وكيف أغيبك وأنت متمكن وصايب! من ذهب باللب كاسٍ من شرابك =صرت مرضانك ولاني منك طايب صدري أضمى قاع يستمطر سحابك = من وهج شمسه بكا غيم السحايب flwr3 |
ذبحتني ذبح يارجال =إسبوع احاسيس مانامت عليك نومه وطولة بال= أظن قلبك على الصامت |
عمّ الجفاف افياض كل الاحاسيس = وجفّت من اضرار الجفاف الخميله جفاك تخنٍ مانفع فيه تخسيس = شوّه رشاقة حب كانت جميله |
أكيد به عن عامي اللي مضى فرق = وأكيد به متغيرات بحياتي أهمها صوتك وبلسمك يا الطرق =وكيفية اعلاجك لجرحٍ بذاتي سايرتني حتى انسرق خافقي سرق= الله يحقق من ذنوبك نجاتي مفعول حبك صار في محتوى العرق = أخذتني ما عاد فيها ثباتي |
الساعة الآن 02:40 AM. |
Powered by vBulletin® Version 3.8.8 Beta 1
Copyright ©2000 - 2024, Jelsoft Enterprises Ltd.
3y vBSmart
جميع الحقوق محفوظة لـ منتديات إملاءات المطر الأدبية - الآراء المطروحة في المنتدى تمثل وجهة نظر أصحابها