من زود حيرتها تزود المشاويـر
ماعاد تدري وين وجهة هدفهـا
ضاق الفضا بعيون سيْد الغنادير
واوحيتها تبدي بغصّـه أسفهـا
بنتٍ تصوغ الصبح نور ونواويـر
تبّت سنين الحظ صّـد وكسفهـا
يوم الغصن يغريه حلم العصافير
روح الأماني في زهرها قطفهـا
جو الرياض البارحه والمسا غير
كل الأماكن نبض قلبـي وقفهـا
كانت ملامحها مساحـة تعابيـر
وقلبي قراها وارتبك مِن وصفها
بعيونها تحمل هموم المساهيـر
مدري شعور الموت ليه اكتنفها؟!
الباسقه فكر وحروف وتصاويـر
تبكي على موت النخيل وسعفها؟!
لا والله إلا رغم كـل المحاذيـر
بـآقدم اللي معه تبلـغ شغفهـا
قراتها مراراً في اليومين الفائتين وكم اشجاني مافيها من شجن
وكم شعرت برغبة في البكاء عند تلك الأبيات
لله تلك الأحلام كيف تموت ثمرة الروح بموتها و كيف تقطف زهر الروح برحيلها
سلمت يا عبد العزيز