|
|
صـدر الغـمام يهتمُ بـِ إبداعِكَ الشعري / الشعبي بـِ أنواعه. |
|
أدوات الموضوع | انواع عرض الموضوع |
#1
|
||||
|
||||
أحلى صباح
أدعي ربّي يصبّحكْ بالخير كلّـه = و يحفظـكْ من كلّ شـيطان ٍ رجيـمْ غاليٍ عندي و وجهك ما أمـلّـه = شـوفتـك تبري من الناس السّـقيمْ حبّـك لروحي دوا، ما هو بعلّـه = حـيّـرتني و آنا الذي كنتْ الحليـمْ و احرقـتني كنّي بحبّك خبز ملّـه = و تقلبـهْ ع.الجـمـرْ نيرانْ الهشـيمْ خـلّيتني ولهانْ تغشـاني المذلّـه = و آنا شـهم ٍ من ظهر رجلٍ كريم بعضهـمْ يبـدا صباحهْ بشـمّ فلّـه = وبعضهـمْ يبـداه بهبـوب النسـيـمْ و بعضهـمْ يبداهْ من مسكوب دلّـه = مـع قريـبٍ أو جلـيس ٍ أو نديـمْ لو يزوركْ طيـفيَ الولهانْ قـلّـه : = ما دريت الحـبّ يفـتـكْ بالسـليـمْ من سـنين العمرْ لك يا زين جلّـه = والله اللي بس بالبـاقي عليـمْ عمري أنتْ، وخافقي قوم استحلـّه = و يا عسـى استعمارْ حبّـك مسـتديمْ ولو أشوفك فز قلبي من محلّه = شوفتك تجلب لي الخير العميـمْ واسمكْ بروحي ونبـضْ القلب شـلّه = و منـك أبدا و فيكْ أختـمْ يالحشـيمْ دبي 4/ 5 /2011 |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|