الفجر انفجر قلبي

[ثامر بن عبد الله الأسمري]

الفجـر وكـل خلـق الله هـجـوعي =انفـجر قلبي زفير ٍ مع شهيق
كننـّي طفـل ٍ شكـى بـرد ٍ وجوعي =جالـس ٍ يبكي ولا جنبه شفيق
والمخـده كـم شكـت كثـرة دموعي=لين فيها صار من دمعي طريق
من يظـن العشـق شي ٍما يـروعي=منظري ينـذر خويـيّ والصديق
ارحمي قـلب ٍ تـوّلع بـك ولـوعي=وارحمي جفن ٍ على دمعه غريق
لا تجافينـي تـري قـلبي جـزوعي=مـا اطيق البـعـد والله ما اطيق
الثواني عنـك يا قـلبي ،، سبـوعي=وفـي ثواني غيبتـك قلبي يضيق
فارس ٍ مقـدام .. تنخـاني ربـوعي=ساعة الهيجـا ولي منسب عريق
مير شفتك قمت واخضع لك خضوعي=مـا كـأنـي قبلها حـر ٍّ طليق
باحترق شمعه وبأهدي لك شموعي=لأجـل أنـوّر لك ولو دربي حريق
ولو تبين الروح بأنزعها نـزوعي=يشهد الله مـا أبـي غيرك رفيق
يا الغـلا ودي أضمك في ضلوعي=ضمة ٍ تروي عشيق ٍ من عشيق
عاهـديني بالوفا ما من رجوعي=مـا انتفـارق دام ذا عهد ٍ وثيق

دمتـــم بـود ،،