19/02/2010, 01:07 PM
|
#164
|
شاعر
|
.
سالفة حَكيكْ , وهَم ..
والطُهر , ضِحكة صِفه ..
شفتها , بَعد الغشاوه ..
بعد ما , عشت النّدم ..
والخيانه , في براويزك ..
[ نجاح ] ..
ليت حلمي ..
فوق كرسيه استراح ..
وأعرِفَه ..
طبعكْ .. ولَكن :
مـَ استفدت مْن الجراح ..
غرّرتني طيبتي ..
لجل أعْشَقك ..
يا , فؤادي .. أدري إنّك ..
صادق , وفيكْ .. الصَفا ..
والوفا , من أغرَقك .. !!
* * * *
كنت أحبك ..
والضلوع اللي : بها حبك ..
[ تجوع ] ..
والذبول , عاش بشفاهي ..
وآمَن ..
إنّ , حَبل الود واهي ..
والرجوع ..
ضاعتْ , دْروبه حنين ..
وأستكان الجرح فيني ..
وأمطَر الدَمع الحزين ..
في ثواني ..
والمسافه , بين خطواتي ..
أماني ..
غررتني طيبتي ..
لجل , أعشَقك ..
يا , فؤادي .. أدري إنّك ..
صادق , وفيك الصَفا ..
والوفا , من أغرقَك .. !!
* * * *
كلّ شي منّي ..
[ يطيح ] ..
شهقة أنفاسي , وحيلي ..
والنّجوم , اللي : بليلي ..
حتى , أرضي ..
كَنّها , طفل ٍ يصيح ..
والبلابل , عن عيوني ..
مِنْ أنيني , هاجرت ..
والعيون اللي : على
وادي طعوني ..
ما , جرَت ..
لجل , أغتسل منها , وأطيب ..
والقوافل ..
فيها , كل العابرين ..
وآنا وحدي ..
كل وجه ٍ مَرّني , يبقى , غَريب ..
هذي , نتيجة طيبتي ..
يومْ , أعشَقك ..
يا , فؤادي .. أدري إنّك ..
صادق , وفيكْ الصَفا ..
والوفا , من أغرقَك .. !!
.
|
|
|
|
|