.
وينها , عيونك حبيبي ؟!
اللي : غابت ..
وينها دنياك عَني ..
عن همومي ..
عَن وجع كامن بشعري ..
في شعوري ..
ليه , غابت ؟!
والهوى فيني تمَدد ..
حتى أصبح .. كـ الأصابع ..
ثابته , والكَفّ ثابت ..
آآه لو تدري : بـ بعضك ..
كيف أحكَمني , ووَثّق صورته .. وأجتاح كلّي ..
وآنا , واقف ..
ما , معي إلاّ أنتِ [ صوره ] ..
والحقيقه , في وهَمْ .. عمري تجَلّت ..
واستَحَلّت وَهْمي المفتون فيني بعد ظَنّي .. !!
* * * *
واحد , اثنين , وثلاثه ..
قولي : ما , شئت ِ وغَنّي ..
وإلاّ منّي ..
باقيه , كـ الغيث يهمي
في ضلوعي ..
مِنْ , مغيب الشمس حتى
نظرتي لك فـ الأفق ..
لحظة طلوعي ..
لو , لمحتيني , أكابر ..
عن وجودك ..
تدري إنّ الحال أعرج ..
قولي : روحي ..
ألتَفت لك ..
أحضني يأسي بصدرك ..
وأمسحي بْـ درّ الأنامل ..
كلّ حسره عانقتْ عيني ودموعي ..
وأرسمي لي من شفاتك ..
من بياض الثلج بأسنانك علامه ..
فيها معنى الإبتسامه
وآنا أتخَيّلْك .. [ تُفرَج ] ..
حتى لو , كنت ِ بعيدة ..
وآنا واقف ..
ما , معي إلاّ أنت ِ [ صوره ] ..
والحقيقه , في وَهم عمري تجَلّت ..
وأستحََلّت وَهْمي المفتون فيني بعد ظَنّي .. !!
* * * *
يا عيوني ..
ردي الشوف .. لـ عيوني ..
عودي , من خوفك , وبُعدك ..
من فصول اليأس عُودي ..
طمنيني ,
بس أبيك تْْطَمّنيني ..
عن حياتك , عَن غرامك ..
أزرعي لي ..
في دروبي , ابتسامك ..
ذوّبي خوفي , وشجوني ..
في مُدن وجدك و رَندك ..
واعديني ..
فوق كتفي , أرتمي مثل الصغيرة ..
طفلتي أنت ِ خذيني ..
علميني , الحُب دامك , في بساتيني وفيني ..
اسمك الباقي [ حبيبه ] ..
يا , أميره ..
لو , ركضت ِ بالحسن , طاحت حدائق ..
من دفا شالك , وأوجانك وشَعرك ..
أتبعيني , حتى لو , بُعدك [ مسافه ] ..
خلّي القرب بـ دقائق ..
حالتي واقف أمَنّي روحي بإحساسك وأغَنّي ..
ما , معي إلاّ أنت ِ [ صوره ] ..
والحقيقه , في وَهم عمري تجَلّت ..
وأستَحَلّت وهْمي المفتون فيني بعد ظَنّي .. !!
.