.
أفتحي للشمس , بابك ..
خَلّي أحبابك , يعودوا ..
أو , يموتوا ..
أدري ما تفرق معك !
ضمي شباكك [ وساده ] ..
لـ الأماني ..
قولي : للريح الحزينه ,
كيف أعاني ..
وازرعي فيني .. يبابك ..
وأسقي , من دمعي ..
غيابك ..
والثواني , مثل حُبي ..
أفركيها , بـ أصبعك .. !
حتى تغيب ..
قلبك الكافر , عرفته ..
لو يسافر , وإلاّ يبقى ,
أدري صعبه يستجيب !
يعشق التعذيب .. [ فرقا ] ..
مِنْ بعيد ومن قريب ..
مشكله , فيني العواطف ..
أذنها خرسا ..
وتبقى بعينها , أغلى حبيب .. !!
* * * *
لفّ , مينائك .. وناظر ,
من بعيد ..
لـ المدى صَوّر حنيني ..
يوم عيد ..
أحطب النّسيان لحظه !
قلي : كيف تشوف باكر ..
يا عنيد ..
لو رحلت وصرت فاقد ,
فـ الزمن ..
[ إنسان واحد ] ..
وأنت لَه إنسان , جاحد !
ما يدور لك , بديل ..
مستحيل ..
إيه , يا وافي بْعذابك ,
مستحيل ..
لو , تزوّر كل شي حولك ..
تكابر .. !
أو تنادي , لـ الرحيل ..
وين تلقى لي بديل ؟!
و وين أبلقى لِك , بديل ؟!
مشكله , فيني العواطف ..
أذنها خرسا ..
وتبقى بعينها , أغلى حبيب .. !!
* * * *
ما , بقى بالدار بسمه ,
ولا , وليف ..
وإلاّ رسمه ..
فيها من عمري اللي طاف ,
طيف نسمه ..
ما يخاف ,
يرّجع أحضانك , دقايق ..
حتى , أشهَق للأخير ..
وأنتهي بك ..
ما يرجعني زفير ..
ودي أنسى هـ الخريف !
يبست أغصان النوايا ..
والدروب ..
كلّما , مديت يدي ,
عند بابك ..
واتفقنا ,
نفتح الشّباك , نفرش
للأمل خطوة شعاع ..
اختلفنا ..
نلبس ثياب الضياع ..
والشمس مالت , وحطت ..
الوصيه لـ الغروب ..
كل شي واضح , ولَكن ..
عيا , قلبي لا يتوب ..
مشكله , فيني العواطف ..
أذنها خرسا ..
وتبقى بعينها , أغلى حبيب .. !!
.