.
يا غايبه ,
وينك تعبت ..
الساعه , راحت انتظار ..
والليل جافاه النّهار ..
وأنا هنا ..
باقي بمكاني , [ ما رحلت ] ..
أبني من آمالي حياة ..
وأخاف لو غبت ِ , كثير ..
يدركني [ توجيه الممات ] ..
أنت ِ السوالف والصدى ..
أكتب حروف ..
وأمحي حروف ..
وألقاك صحوة هـ المدى ..
تعالي مِنْ خلف الزمان ..
شمعة هوى ..
تضوي المكان ..
تطوي مسافات الحنان ..
لا تسْلميني , للجوى ..
من حلمي ما ودي أفيق ..
خليني بـ أحضانك غريق ..
وديني أبعد منطقه ..
ما فيها غير أنت ِ وأنا ..
وأحلامنا طول الطريق ..
يكفيني ما فيني تعبت , رديني لأنفاسك شهيق .. !!
* * * *
[ وجهكْ ] ,
يزيد النور نور ..
سميته بالدنيا شعور ..
ما يشبهه إلاّ السحاب ..
وزهور في عمر الشباب ..
لو أفتح يْديني ألاقي ..
قطرته .. أجمَل شعور ..
ضميني أتعابي توالت ..
وانهزم قلبي الصبور ..
أهجري سيف الغياب ..
وأتبعيني ..
أفتحي للوصل باب ..
عاتبيني ..
لو سألتي , وما لقيتي ..
مِنْ حنيني .. لِكْ , [ جواب ] ..
والله إنّي حيل أحبك ..
واسألي عَنّي السنين ..
والسنابل .. والزهور ..
تعرفيني ..
ما تبعت إلاّ السما ,
حتى أشوفك تضحكين ..
يكفيني ما فيني تعبت , رديني لأنفاسك شهيق .. !!
* * * *
البرد يجرح بالعظام ..
والريح تصرخ ..
في غضَب ..
ما عاد باقي لي كلام ..
ما يثمر الشوك العِنب ..
شوفيني أسهر ..
ما أنام ..
وعيوني أجهدها التعب ..
تعالي كلّك [ اهتمام ] ..
أحتاجلك ..
[ جفّ العشب ] ..
يا غاليه ..
لو رحت لجلك للهلاك ..
أشوفني مقصّر معاك ..
حبيبتي ..
طوّل غيابك ..
طَمني , قلبي
وقولي لي : السبب ..
يكفيني ما فيني تعبت , رديني لأنفاسك شهيق .. !!
.