|
|
صـدر الغـمام يهتمُ بـِ إبداعِكَ الشعري / الشعبي بـِ أنواعه. |
|
أدوات الموضوع | انواع عرض الموضوع |
#1
|
|||
|
|||
يافلااااااااانه...
الحظ العاثر
كـل ماقلت ابتسم لي حظي العاثر ....تنكـر =وكــل ماقلت انتهت ذيــك الليـالي عودت لي وكل ماقلت ان حظي قام يمشي بي... تعثر =وكـل ما قلت المشاكل روحــت عني ...لفت لي ماتجي الدنيا بكيفي وان تجبرت ...اتجبــر =عكس تمشيبي وربي لو وقفت لهـا... وقفت لي صرت اكابرها ولكن ....كل ماحاولت مقدر =والله اني صــرت اردد صافيه لو ما صفت لي والله اني من شقــايه... بس اردد تاتيسر =حتى لو شفت الحيــايـا في طريقي تلتفت لي من شقايه في غرامي كل من حبيت ادبر =ذيك ماتت.. ذيك راحت.. ذيك ولّت ماارجعت لي لين مره في (منامي) شفت لي بدر مدور =كامله- والكامل الله- قالت اسمي واندهت لي شعرها يلمس قدمها اشقر وممزوج بأحمر =واقفه قـدام عيني قلت انا!! ...ثم اضحكت لي طولها يمكن بطولي؟ يمكن اطول؟ يمكن اقصر؟ =بس انا الـي منه واثـق انهــا اجمل من بدت لي قالت اسمع... ليه تشكي من زمانك و اتذمـــر؟ =وانت شاعر في قصيدك كل معنى…( واهـتفـت لي) قلت اسمعها قصيده ..من قصيدي ها المسكر =قبل اخلص من قصيدي- ما تصدق- صفقت لي ثم قالت لازم ارحل ....وقتي الليله تأخر =وإن طلع صبح الخلايق ..وقتها بيحل قتلي قلت انا الي لــو رحلتي ...صدقيني بأتدهور =ثم قفت.. قلت لحظه…( يافلانه)… ماسمعت لي وادخلت في باب مذهب عقب ما دشت تسكر =صرت ادق الباب متعب يا (فلاااااااااانه) مافتحت لي انتظرت وملّ صبـري .... قلت انا كيف اتصبـر =راح انادي بصـوت عالي ياتجي... ياهي اسمحت لي وارتفع صوتي... (فلااااااااانه) والا انا صاحي معكر =لاهـي الدنيـا عطتنـي… لا ولاهي رفـرفـت لي ثم عودت بهجوسي مثــل ماكنت متكــدر =اشتكي نفسي لنفسي….. وان شكيتلها بكت لي وكـل ماقلت ابتسم لي حظي العاثر تنكـر =وكــل ماقلت انتهت ذيــك الليالي عودت لي وكل ماقلت ان حظي قـــام يمشي بي تعثر =وكـل مـا قلت المشــاكل روحـت عني لفت لي ماتجي الدنيا بكيفي وان تجبرت.... اتجبــر =عكس تمشيبي وربي لو وقفـت لها وقـفـت لي كل العطر والود والورد.. احمد حياء |
31/01/2010, 11:43 AM | #2 | ||
المديـر العـام
|
|
||
31/01/2010, 12:39 PM | #3 | |
شـاعـر
|
|
|
31/01/2010, 06:48 PM | #4 | ||
كنار تحت الدمار
|
|
||
31/01/2010, 08:29 PM | #5 | |
شاعرة الربيع
|
|
|
04/02/2010, 08:52 PM | #6 | ||
شـاعـر
|
|
||
06/02/2010, 02:40 PM | #7 | |
"[البَنَفْسَجْ]"
|
|
|
11/02/2010, 08:27 PM | #8 | ||
شـاعـر
|
|
||
11/02/2010, 08:38 PM | #9 | ||
شـاعـر
|
|
||
15/02/2010, 05:10 PM | #10 | ||
شاعرة الأوركيد
|
|
||
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|